2012-ЖЫЛ: «Балалык мектеби»

«Балалык мектеби» демилгеси 2012-жылдын октябрында старт алды – бул билим берүү, балдарды окутуунун жана эрте өнүктүрүүнүн практикаларынын жана учурдагы инновациялык методдорунун маселелери боюнча ата-энелер, педагогдор, тарбиячылар, психологдор, студенттер үчүн ачык туруктуу лекциялардын жана тренингдердин цикли. Долбоор Кыргызстандын алдыңкы педагогдору жана методисттери гана эмес, ошондой эле Россиядан, Австриядан, Италиядан, Германиядан, ошондой эле алдыңкы билим берүү технологиялары бар башка өлкөлөрдөн чакырылган эксперттер лектор болгондугу менен уникалдуу.

«Балалык мектебинин» демилгечиси Фонддун уюштуруучусу, КР экс-Президенти Роза Отунбаева болуп калды. «Биз көптөгөн жылдар бою рыноктук экономика жана демократиянын маселелери менен алпурушуп жүрүп, жаш муунду көз жаздымдан чыгарып жибердик. Көрсө, балдарыбыз адистешпей калыптыр, алар бири-бири менен баарлашканды билбейт. Деген менен балдар бакчалары расалар ортосундагы жаңжалдардын жана кылмыштуулуктун алдын алууга чакырылган», – деп белгиледи ал ачылышта.

«Балалык мектебинин» биринчи лекциясы Вальдорф педагогикасына арналды. Тарбиялоонун бул методу жөнүндө кыргызстандык тарбиячыларга Германиядан Волфгант Ауэр жана Россидан Ольга Старостина айтып берди.

«Монтессори системасы: ар бир бала – гений!» деген экинчи лекция ноябрда өттү жана беш күндүк тренинг түрүндө улантылды. 2012-жылдын 19–23-ноябрында Бишкекте Монтессори-педагогикасы боюнча тренинг өттү, аны Монтессори-педагогика Эл аралык институтунун директору Надежда Николаевна Смирнова өткөрдү, ал Россияда гана эмес, ошондой эле анын чегинен тышкары жерлерде таанымал Монтессори-педагогдорунун бири болуп саналат. Курамында мектепке чейинки билим берүү мекемелеринин педагогдору жана жетекчилери, психологдор, ата-энелер болгон жетимиш үч катышуучу бир жума аралыгында Монтессори-педагогиканын негиздери менен таанышты.

«Башталгыч мектепте балдарды психологиялык адаптациялоону жакшыртуу үчүн йога (аштанга, кундалини), цигун жана тайцзи цюань техникаларын пайдалануу методдору» деген үчүнчү лекциянын темасы да кыйла кызыктуу жана актуалдуу болду.