Ачык китеп

2014-жылдын январынан тартып «Роза Отунбаеванын демилгеси» ЭКФ «Сорос Кыргызстан» фондунун колдоосу менен «Ачык китеп» долбоорун ишке ашырып жатат. Долбоордун максаты билим берүү жагынан учурдагы мамлекеттик саясаттардын негизинде Кыргызстанда Ачык билим берүү ресурстары жагынан стратегияларды жана саясатты түзүүгө жана өнүктүрүүгө көмөк көрсөтүү болуп саналат. Долбоор Кыргызстанда ачык билим берүү ресурстарын алга илгерилетүү боюнча маалыматтык кампанияларды жүргүзүү жагынан иш алып барууда. Окуу китептеринин жана окуу материалдарынын учурдагы жана туруктуу жетишсиздигинин шарттарында электрондук онлайн ресурс түрүндөгү альтернатива бул маселени чечүү варианттарынын бири катары каралат. Кыргызстанда ачык билим берүү ресурстарын алга илгерилетүү боюнча маалыматтык кампаниялар өткөрүлдү, мектептерде МКТ билимдерин жайылтуу үчүн мугалимдердин тренинги өткөрүлдү.