Жайлоодогу өнүктүрүү борборлору

2014-жылдан тартып Фонд үй-бүлөлөрү жай мезгилинде жайлоодо жашаган мектепке чейинки курактагы балдарды өнүктүрүү максатында "Жайлоодогу балдар бакчалары" демилгесин ишке ашырып келет, ал убакыттын өтүшү менен "Жайлоодогу өнүктүрүү борборлоруна"айланган. Уникалдуу долбоор калктын аялуу категориясынын - малчылардын балдарынын мектепке чейинки билим берүүгө бирдей жетүүсү үчүн шарттарды түзүүгө багытталган. Жыл сайын "Жайлоодогу өнүктүрүү борборлору" жай айларында өлкөнүн жетүүгө кыйын жана бийик тоолуу региондорундагы 3000ден ашуун балага билим берүү иш-чараларынын кеңири спектрин, анын ичинде сабаттуулук программаларын жана жашоо көндүмдөрүн окутууну камсыз кылат. "Жайлоодогу өнүктүрүү борборлору" иштеген жылдары миңдеген балдар мектепке даярданууга, чыгармачылык жактан өнүгүүгө мүмкүнчүлүк алышты. Ошондой эле балдар жана ата-энелер үчүн ар кандай багыттар боюнча мастер-класстар дайыма өткөрүлүп турат. Алардын көпчүлүгү өмүрүндө биринчи жолу балдар куурчак театрын, ар кандай театр топторунун, акындардын, жазуучулардын, спортчулардын же машыктыруучулардын оюнун көрүүгө, шахмат ойногонду үйрөнүүгө, сүрөт тартууга, аппликация жасоого, ырдоого, бийлөөгө мүмкүнчүлүк алышат. Балдар менен жыл сайын 150дөн ашык педагог-тарбиячылар, ар кандай уюмдардын волонтерлору, ата-энелер иштешет. Долбоордун географиясы: Кыргызстандын бийик тоолуу аймактары.