ШКУ өлкөлөрүнүн ортосунда диалог жана кызматташтык көпүрөлөрүн куруу

"Роза Отунбаеванын демилгеси" эл аралык коомдук фонду 2024-жылдын 20-июнунда Астанада өтүп жаткан Шанхай кызматташтык уюмунун (ШКУ) өлкөлөрүнүн ортосундагы байланышты жана кызматташтыкты чыңдоого арналган цивилизациялар ортосундагы диалогду өнүктүрүү боюнча иш-чаранын тең уюштуруучусу болду.

Фонддун аткаруучу директору Роза Кайыкова регионду туруктуу өнүктүрүү жана жалпысынан дүйнөлүк цивилизацияны чыңдоо үчүн ШКУ мүчөлөрүнүн ортосундагы өз ара түшүнүшүүнү жана кызматташтыкты тереңдетүүнүн маанилүүлүгүн баса белгиледи. Ал өз сөзүндө Фонддун бул багытты өнүктүрүү боюнча жүргүзүп жаткан иштери тууралуу айтып берди. Роза Кайыкова "Роза Отунбаеванын демилгеси" фонду өзүнүн алдына төмөнкү максаттарды коерун белгиледи:

Адамдын өнүгүүсүнө көмөктөшүү, жарандык катышууну кеңейтүү, жарандык коомду чыңдоо.

Билим берүү, маданий, Экологиялык жана кайрымдуулук программаларын жана долбоорлорун ишке ашыруу.

Тынчтыкты сактоо, эл аралык, экономикалык жана гуманитардык кызматташтык маселелери боюнча коммуникативдик аянтчаларды кеңейтүү боюнча демилгелерди колдоо.

Фонд өлкөнүн социалдык, экономикалык өнүгүүсүнө жана айлана-чөйрөнү коргоого салым кошкон программаларды жана долбоорлорду демилгелейт жана ишке ашырат. Фонд өз максаттарын ишке ашыруу үчүн коомдун жана өсүп келе жаткан муундун өнүгүү процесстерине көмөктөшүүчү инновациялык идеяларды жана мамилелерди сунуш кылган демилгелерге көмөк көрсөтөт.

Фонддун негизги багыты-балдарды кенже курактан өнүктүрүү, маалыматтык технологияларды колдонуу, аялдар менен кыздардын илимге жана техникага катышуусу, экологиялык тарбия берүү, коммуникативдик аянтчаларды түзүү, билим жана тажрыйба алмашуу. Фонд балдарды кенже курактан өнүктүрүүнүн заманбап усулдары жана базалык санариптик көндүмдөр чөйрөсүндө потенциалды жогорулатуунун үстүндө иш алып барууда.

Фонддун ишмердигинин негизги багыттарынын бири болуп Кыргызстандагы балдар жана жаштар арасында дүйнөлүк жана улуттук адабиятты жайылтуучу басма иши саналат. Фонд уникалдуу чыгармаларды, анын ичинде кыргыз тилине биринчи жолу которулган китептерди басып чыгарат.

Иш-чарада фонддун бир нече басылмалары көрсөтүлдү:

"Бүгүнкү Кытай" Кытайдын маданияты жана тарыхы боюнча колдонмо.

Менин атам Ден Сяопин маданий ыңкылап жылдарында"— Дэн Сяопиндин кичүү кызы Дэн Ронгдун китеби.

Си Цзиньпиндин "Мамлекеттик башкаруу жөнүндө" эмгектерин кыргыз тилине которуу Кытайды өнүктүрүү концепциясын жакшыраак түшүнүүгө мүмкүндүк берет.

Махатма Гандинин «Чындыкка умтулуу жаатындагы тажрыйбаларым тууралуу баян» ХХ кылымдын башындагы Индиянын маданий өзгөчөлүктөрү жана тарыхы тууралуу Кыргыз тилинде баяндаган китеби.

"Ой учкундары" — Шейх Мухаммед ибн Рашид Аль-Мактумдун БАЭнин өткөнү жана келечеги тууралуу ойлорунун жыйнагы.

"Балдарга базарлык" — адамзат тарыхындагы жана байыркы китепканалардагы табышмактуу учурларды баяндаган балдар үчүн жеткиликтүү китеп.

Кытай элинин акылмандыгын жана кыялдарын чагылдырган 10 Кытай жомокторунун балдар китептеринин сериясы.

Фонддун аткаруучу директору ошондой эле КР Маданият, маалымат жана туризм министрлигинин, ЮНЕСКОнун Улуттук комиссиясынын жана башка өнөктөштөрдүн колдоосу менен балдар жана ата-энелер үчүн "Жибек Жолу" интерактивдүү көргөзмөсүн уюштуруу жөнүндө айтып берди. Көргөзмө Улуу Жибек жолундагы өлкөлөр тууралуу маалымат берип, өз ара сый-урматтын бекемделишине, достуктун жана ийгиликтүү кызматташтыктын бекемделишине салым кошту.

Шанхай кызматташтык уюмунун (ШКУ) өлкөлөрүнүн ортосундагы байланыштарды жана кызматташтыкты чыңдоого арналган цивилизациялар ортосундагы Диалог актуалдуу маселелерди талкуулоо жана илим, маданият жана экономика жаатында биргелешкен чечимдерди табуу үчүн аянтча болуп калды. Катышуучулар ШКУнун бардык мүчөлөрүнүн туруктуу өнүгүүсүнө жана гүлдөп өнүгүшүнө көмөктөшүүгө багытталган биргелешкен долбоорлорду ишке ашырууда мындан аркы өз ара аракеттенүүгө жана тажрыйба алмашууга даяр экендиктерин билдиришти.