Мекендештердин «Мекендештер-2016» III Форумунун баяндамачылары

Модератор: Казакбаев Руслан Айтбаевич -Кыргыз Республикасынын Жогорку Кеӊешинин депутаты   

Соңку жарым жылда Кыргызстан жаңы экономикалык биримдиктин шарттары боюнча жашап жатат: ЕАЭБдин алкагындагы өзгөрүүлөр экономикалык мамилелерге, ошондой эле Россияда жана Казакстанда иштеп жаткан жарандарыбыздын миграцияга байланышкан маселелерине таасирин тийгизди. КРнын ЕАЭБге мүчө болушунун оң жана терс жактары кайсылар? Жаңы экономикалык чындыктын шарттарында кандай секторлорго басым жасоо зарыл? ЕАЭБдин кубатын жана Россия-Кыргыз Өнүктүрүү Фондунун мүмкүнчүлүктөрүн кантип пайдалануу керек?

II. ПЛЕНАРДЫК ЖЫЙЫН «КҮЧТҮҮ АЙМАКТАР – КҮЧТҮҮ ӨЛКӨ»

Модератор: Нурбаев Абдывахап Мамодрасулович, КРнын ЖК депутаты 
Ири жана чакан инвестицияларды тартуу, аймактарды өнүктүрүүнүн негизи болуп саналат, анткени ал бюджетке салык каражаттарынын келип түшүшүнүн көбөйүшүнө, жаңы жумуш орундарын түзүүгө, аймактардын тургундарынын жашоосунун деңгээлине жана сапатына оң таасирин тийгизет. Инвестициялык долбоорлорду тартуу үчүн мамлекеттик жана аймактар деңгээлинде кандай чараларды көрүү зарыл? Аймактардын экономикасын өнүктүрүүнү шыктандыруу үчүн ЕАЭБдин кандай артыкчылыктарын пайдалануу керек? Ишкерликтин ишмердүүлүгүнүн кандай багыттары чыныгы инвестицияларга муктаж? 

 III. ПЛЕНАРДЫК ЖЫЙЫН
«КЫРГЫЗ РЕСПУБЛИКАСЫНДА ЧАКАН ЖАНА ОРТО БИЗНЕСТИ ӨНҮКТҮРҮҮНҮН КЕЛЕЧЕКТҮҮ БАГЫТТАРЫ» 

Модератор: Арапбаев Азамат Абдуллажанович, КРнын ЖК депутаты 
Өлкөнүн айыл чарба райондорунда жана кичи шаарларында айыл чарбасындагы, туризмдеги, соодадагы жана кызмат көрсөтүү чөйрөсүндөгү чакан жана орто жеке ишканалар өнүгүүнүн кыймылдаткыч күчү болуп калууда. Чакан жана орто бизнес кантип ишкердүүлүк жагдайды өзгөртүп жатат, аймактарда алардын өнүгүшүнө жана өсүшүнө эмне тоскоол болууда? Соодада жана туризмде кызмат көрсөтүүлөрдүн деңгээлин жана сапатын кантип көтөрүү керек? Сатуу рыноктору кандай түрдө кеңейет? Чакан жана орто ишканалар ири заказчылардын суроо-талаптарын дайыма эле канааттандыра алабы? Жаңы экономикалык чындыктын чакырыктарына жооп берүү менен ири чарбаларды түзүү, чакан жана орто өндүрүүчүлөрдү бириктирүү маселесин кантип чечүү керек?

     IV ПЛЕНАРДЫК ЖЫЙЫН «БИЗНЕС ЖАНА ИНВЕСТИЦИЯЛАР –
БИРДИКТҮҮ ИШМЕРДҮҮЛҮКТҮ КАНТИП ЖӨНГӨ САЛУУ КЕРЕК»

Модератор: Орозбеков Алымбек Асылбекович,КРнын Экономика министрлигинин алдындагы Инвестицияларды илгерилетүү боюнча агенттигинин директору
Жаңы финансылык инструменттердин жана инвестициялык механизмдердин аркасы менен өлкөдө ар кайсы тармактарда бизнес долбоорлор өнүгүүдө. Бизнес секторунун өнүгүшү менен ата мекендик өндүрүүчүлөрүнүн ишмердүүлүгүнүн натыйжасы жакшырууда, алардын чыгарган продукцияларынын сапаты жогорулоо менен эл аралык рынокторго чыгуу мүмкүнчүлүгү ачылууда. Экономиканы өнүктүрүүнүн жаны жолдорунун бири - стартаптарды жылдыруу. Алар инвестициялоого муктаж жана инновациялык долбоорлордун кыймылдаткыч күчү болуп саналат. Франчайзинг – бул өлкөгө жаңы идеяларды жана технологияларды тартуунун жаңы ыкмасы. Кыргызстанда ошондой эле эл аралык тажрыйбалардан алынган бизнести калыптандырууга, өнүктүрүүгө багытталган натыйжалуу ыкмалар пайдаланууда. Учурда, жаңыдан ишин баштап жаткан бизнесмен- ишкерлер кайда жана кандай бизнес баштоонун жолдорун жана кандай колдоо болоорун билишеби? Калктын ишкердүүлүк кубатын өнүктүрүү үчүн эмне жетишпейт? Өлкөдөгү ийгиликтүү бизнестин негизги тренддери жана идеялары.

V ПЛЕНАРДЫК ЖЫЙЫН «КЫРГЫЗ РЕСПУБЛИКАСЫН ӨНҮКТҮРҮҮ ҮЧҮН МЕКЕНДЕШТЕРИБИЗДИН КУБАТЫ ЖАНА МҮМКҮНЧҮЛҮКТӨРҮ»

Учурда Кыргызстанда эмгек миграциясы маанилүү социалдык-экономикалык процесстердин бири бойдон калууда. Азыркы учурда чет өлкөлөрдө өлкөбүздүн 700 000ден ашуун жараны жүрөт. Алардын бардыгы калктын экономикалык жактан жигердүү бөлүгү болуп саналат, ошондой эле инвестициялык жана эмгектик кубатты билдирип турат. Миграциялык процесстер өлкөнүн социалдык-экономикалык жакшыруусуна кандай таасир этип жатат? Бүгүнкү күндө КРда мекендештердин потенциалын тартуунун кандай механизмдери колдонулууда ? КР экономикасына мекендештердин инвестицияларын тартуу жана аларга жагымдуу шарттарды түзүү үчүн Мекендештер менен байланыш боюнча Кеңештин иши канчалык натыйжалуу? 

VI. ПЛЕНАРДЫК ЖЫЙЫН
«МАМЛЕКЕТ ЖАНА ДИАСПОРА –НАТЫЙЖАЛУУ БИРДИКТҮҮ ИШМЕРДҮҮЛҮГҮНҮН МЕХАНИЗМДЕРИ»

Модератор: Акаев Жанарбек Кубанычевич, КРнын ЖКнин депутаты, КРнын ЖКнин Социалдык маселелер, билим берүү, илим, маданият жана саламаттык сактоо боюнча комитетинин төрагасынын орун басары
Эмгек миграциясын кабыл алган өлкөлөрдө диаспоралардын өнүгүшүнүн жана калыптанышынын динамикасы, алардын өсүп бараткан жөндөмдөрү жана социалдык, маданий, экономикалык мүнөздөгү маселелерди чечүүсүнүн сапаты Кыргызстанда жарандардын жана бизнес жамааттын арасында улам зор кызыгууну пайда кылууда. Эмгек мигранттары ири каражаттарды Мекенине которуп жатышат. Тажрыйба көрсөтүп тургандай, диаспоралардын мүчөлөрүнүн арасында инвесторлордун, филантроптордун, новаторлордун саны өсүп жатат. Өлкөнүн турукту өнүгүүсүндө диаспоралардын кубаты канчалык натыйжалуу колдонулуп жатат? Кыргыз Республикасында диаспораларды өнүгуу процесстерине тартуу механизмдери түзүлгөнбү? Эл аралык тажрыйба кандай колдонулуп жатат? Сунуш кылынган моделдердин ичинен кайсынысы Кыргызстан үчүн ылайыктуу?

VII  ПЛЕНАРДЫК ЖЫЙЫН
ӨЛКӨНҮН СОЦИАЛДЫК-ЭКОНОМИКАЛЫК ӨНҮГҮҮСҮНДӨ ДИАСПОРАНЫ ӨНӨКТӨШ КАТАРЫ МОБИЛИЗАЦИЯЛОО»

Модератор: Асанбаев Алмаз Жолчуевич, КРнын Өкмөтүнө караштуу Мамлекеттик миграция кызматынын төрагасынын орун басары
Диаспоралар өздөрүнүн өлкөлөрүнүн экономикасынын өнүгүшүнө акча каражаттарын салттуу түрдө эле которуп койбостон, ошондой эле чакан жана орто бизнестин өнүгүшүнүн артыкчылыктуу багыттары катары соода, инвестицияларды, билгичтиктерди жана идеяларды реэкспорттоо аркылуу олуттуу салымдарын кошуусун эл аралык тажрыйба далилдеп көрсөтүүдө. Диаспоралар бирдиктүү ишмердүүлүк байланыштары, түйүндөрү аркылуу жаңы тармактардын өнүгүшүн кантип шыктандыра алат? Эл аралык кызматташтыкты чыңдоо үчүн диаспоралар кандай демилгелерди ишке ашырып жатат? Кыргыз Республикасынын чет өлкөлөрдөгү кадыр-баркын көтөрүүдө диаспорадагы жаштардын ролу кандай?