Бешке чейин үлгүр

«Роза Отунбаеванын демилгеси» эл аралык коомдук фонду «Миндеру» Фонду (Австралия) жана Сидней университети (Австралия) менен биргеликте төрөлгөндөн тартып беш жашка чейинки балдары бар ата-энелер үчүн «Бешке чейин үлгүр» мобилдик тиркемесин кыргыз жана орус тилдеринде сунуштайт. Тиркемеде ар бир чоңойгон бала менен жасай ала турган өнүктүрүү иш-аракеттеринин кеңештери жана мисалдары камтылган. Тиркеменин мазмуну Сидней университетинин (Австралия) алдындагы Мээ жана Акылды изилдөө борбору тарабынан иштелип чыккан. “Өнүгүүгө өбөлгө болгон өзөктүү көз ирмем” – бул “Бешке чейин үлгүр” тиркемесинде айтылган негизги принцип, ар бир балага пайдубалды ата-эне, үй-бүлө берет. Мээрим, камкордук; жөнөкөй оюндар; пайдалуу адаттар - күн сайын бетти жуу, пайдалуу тамак-ашты жеп, айланадагы дүйнөнүн сулуулугун баалай билүү жана суктануу, салттуу майрамдарга жана каада-салттарга катышуу жана билүү - булар чоң келечек баткан кичинекей көз ирмемдер. Сидней университетинин окумуштуулары: «Бала кезинен бир нече тилди билген бала келечекте башка чет тилдерди оңой түшүнөт жана оңой үйрөнөт»- дешет. Колдонмодогу кеңештер жана иш-чаралар акыркы илимий изилдөөлөргө жана жергиликтүү каада-салт, маданиятка негизделген. Ата-энелер тиркемеден абдан пайдалуу жана кызыктуу маалыматтарды жана беш тема боюнча кеңештерди таба алышат: 1)Оюн, 2)бала менен эмоционалдык байланыш, 3)сүйлөө, 4)дени сак үй (ден соолук, туура тамактануу, жакшы адаттар),5) коомчулук Бул колдонмодо балаңызга эмоцияларды башкарууга, ар дайым коопсуз болууга, балдарга ылайыктуу күн тартибин түзүүгө жана башкаларга кантип жардам берүү боюнча кеңештер бар. Тиркемени бекер жүктөп алса болот. Тиркеме онлайн жана оффлайн режиминде иштейт жана текст жана аудио форматтарында жеткиликтүү. "Бешке чейин үлгүр" тиркемеси "Thrive by Five International" глобалдык программасынын бир бөлүгү болуп саналат, ал Кыргызстан, Өзбекстан, Иордания, Малайзия, Индонезия сыяктуу 30 өлкөдө жайылтылат.