"Аруузат" Жайлоодогу өнүктүрүү борбору жаңы сезонун ачты
June 27, 2025, 08:27
2025-жылдын 24-июнунда Нарын облсунунун Кочкор районунун "Аруузат" Жайлоодогу өнүктүрүү борборунда жаңы жайкы сезондун ачылыш аземи болуп өттү. Жайкысын жайлоодо жүргөн балдарды өнүктүрүүгө жана окутууга багытталган долбоор өзүнүн маанилүү миссиясын — жаратылыш жана салттуу маданият менен гармонияда эрте өнүгүүгө шарт түзүү милдетин улантууда.
Ачылыш балдардын жандуу концерттик программасы, Улуттук оюндар жана балдар жана ата-энелер үчүн мастер-класстар менен коштолду.
Салтанатка Кытай Эл Республикасынын Кыргыз Республикасындагы элчиси Лю Цзянпин, КР Президенттин Нарын облусундагы ыйгарым укуктуу өкүлүнүн орун басары Шабдан Абдрайым уулу, Нарын облусунун жана Кочкор районунун жетекчилери, Конфуций Институтунун Өкүлдөрү жана "Роза Отунбаеванын демилгеси" фондунун өкүлдөрү катышты.
Кытай элчиси Лю Цзянпин өз кайрылуусунда мындай демилгелерди колдоого кызыкдар экенин белгиледи: "Балдар-бул өлкөнүн келечеги. Бул байлык ар бир үй-бүлө үчүн гана эмес, бүтүндөй эл үчүн. Бул менин Нарын облусуна болгон биринчи иш сапарым жана араңарда келечектеги артисттер, актерлор, бийчилер, дипломаттар, ал тургай өлкө жетекчилери бар деп ишенем", — деди ал балдарга жана мугалимдерге кайрылып.
Президенттин ыйгарым укуктуу өкүлүнүн орун басары Шабдан Абдрайым уулу эрте балалыкка инвестиция тартуунун маанилүүлүгүн баса белгиледи: "Мектепке чейинки курактагы балага бир доллар салуу келечекте коомго 8-20 доллар кайтарып берет. Ошондуктан мектепке чейинки билим берүүнү өнүктүрүү-бул өлкөнүн келечегине стратегиялык жактан маанилүү салым. Бул идея үчүн "Роза Отунбаеванын демилгеси" фондуна жана колдоо көрсөткөндүгү үчүн Кытай элчилигине ыраазычылык билдирем", — деди ал.
"Роза Отунбаеванын демилгеси" фондунун аткаруучу директору Роза Кайыкова демилгени ишке ашырууга көмөк көрсөткөн бардык өнөктөштөргө ыраазычылыгын билдирди: "Жайлоодогу өнүгүү борборлор-бул жөн гана сабактар үчүн аянтча эмес. Бул өнүгүү аралдары, билимге болгон сүйүү жана эне маданиятын урматтоо. Бизди колдогондордун баарына, өзгөчө КЭР элчилигиндеги досторубузга терең ыраазычылык билдиребиз", - деди ал.
Маалымат:
"Жайлоодогу өнүктүрүү борборлору" демилгеси 2013-жылдан бери "Роза Отунбаеванын демилгеси"фонду тарабынан ишке ашырылып келет. Жайкысын тоолордо жайыттарда жүргөн балдарга билим алууга, маданий иш-чараларга катышууга жана коопсуз жана бай чөйрөдө ар тараптуу өнүгүүгө мүмкүнчүлүк берүү идеясы турат.
