Мыкты Жайлоо өнүктүрүү борборлору сыйланды
June 10, 2025, 09:34
2024-жылдагы сезондун мыкты Жайлоо өнүктүрүү борборлорун сыйлоо аземи болуп өттү. Жеңүүчүлөр алдын ала аныкталып, иш-чаранын жүрүшүндө расмий түрдө сыйланышты.
🏆 1-орун — Түп району, «Периште» Жайлоо өнүктүрүү борбору.
Сыйлыгы: темир боз үй.
🥈 2-орун — Базар-Коргон району, «Умсунай» Жайлоо өнүктүрүү борбору.
Сыйлыгы: «Билим сандыгы» (методикалык жана окутуучу материалдар топтому).
🥉 3-орун — Кочкор району, «Аруузат» Жайлоо өнүктүрүү борбору.
Сыйлыгы: 5000 сом.
Ошондой эле "Роза Отунбаеванын демилгеси" эл аралык коомдук фондунун грамоталары менен иште жогорку кесипкөйлүгүн жана активдүүлүгүн көрсөткөн мыкты тарбиячылар белгиленди.
Сыйлоо аземи иш-чаранын өзгөчө шыктандыруучу жана кубанычтуу бөлүгү болуп, мыкты борборлордун эмгеги коомчулукка таанытылды. Алынган сыйлыктар Жайлоо өнүктүрүү борборлорунун мындан аркы иштерин дагы күчөтүүгө өбөлгө болот.
