Лейлек районундагы рефлексиялык жолугушуу: долбоордун жыйынтыктарын жана келечегин талдоо
2 апреля 2025 г. в 15:20
2025-жылдын 2-апрелинде Баткен облусунун Лейлек районунда "Аялдар - тынчтык тиреги" долбоорунун алкагында рефлексиялык жолугушуу болуп өттү. Иш-чарага пилоттук айылдардын жергиликтүү өз алдынча башкаруу органдарынын өкүлдөрү, долбоордун активисттери жана жергиликтүү кеңештердин депутаттары катышты.
Жолугушуунун негизги максаты-иштин жыйынтыгын чыгаруу, негизги чакырыктарды жана келечектеги өнүгүү перспективаларын талкуулоо. Талкуунун чордонунда социалдык биримдик, тынчтыкты куруудагы аялдардын ролу жана климаттык коопсуздук маселелери болду.
Жолугушуунун алкагында катышуучулар долбоордук демилгелердин ишке ашырылышына мониторинг жүргүзүштү, алардын жергиликтүү жамааттарга тийгизген таасирин баалашты, ошондой эле позитивдүү өзгөрүүлөргө өбөлгө болгон же тоскоолдук кылган факторлорду карашты. Программа фокус-топтук талкууларды камтыды, алардын жүрүшүндө ийгиликтүү тажрыйбалардын мисалдары жана долбоордун оң таасиринин далилдери талкууланды.
