"Аялдар -тынчтык тиреги" долбоорунун алкагындагы рефлексиялык жолугушуу өтүүдө
1 апреля 2025 г. в 06:12
Бүгүн, 2025-жылдын 1-апрелинде, Баткен облусунун Баткен районунда "Аялдар - тынчтык тиреги "долбоорунун алкагында рефлексиялык жолугушуу башталды. Жолугушуу пилоттук айылдардын жергиликтүү өз алдынча башкаруу органдарынын өкүлдөрүн, долбоордун активисттерин жана жергиликтүү кеңештердин депутаттарын бириктирди.
Иш-чаранын максаты-Долбоордун натыйжалары, анын чакырыктары жана келечеги жөнүндө ой жүгүртүү. Социалдык биримдик, тынчтыкты куруудагы гендердик аспекттер жана климаттык коопсуздук маселелерин талкуулоо. Ошондой эле долбоордун демилгелеринин ишке ашырылышына мониторинг жүргүзүү жана алардын жергиликтүү жамааттарга тийгизген таасирин талкуулоо.
Жолугушуунун жүрүшүндө катышуучулар фокус-топтук дискуссияларга катышышат. Программанын маанилүү бөлүгү долбоордун алкагында жетишилген өзгөрүүлөрдү, анын ичинде алардын коомчулукка тийгизген таасирин талдоо, бул өзгөрүүлөргө түрткү болгон же тоскоол болгон факторлорду аныктоо жана долбоордун оң таасиринин конкреттүү далилдерин жана мисалдарын карап чыгуу болот.
