"Бешке чейин үлгүр" долбоору уланат!
October 28, 2024, 09:17
“Роза Отунбаеванын демилгеси” Эл аралык коомдук фонду балдардын эрте курактан өнүгүүсүнө арналган “Бешке чейин үлгүр” долбоорунун уланышы тууралуу кубануу менен маалымдайт.
Долбоордун алкагында ата-энелер жана балдар үчүн пайдалуу тренингдер жана мастер-класстар, ошондой эле балдардын эрте өнүгүүсүнө арналган көптөгөн кызыктуу иш-чаралар уюштурулмакчы.
Долбоор алкагында ата-энелерге таркатыла турган маалыматтар акыркы илимий изилдөөлөргө жана жергиликтүү каада-салт, маданиятка негизделген. “Бешке чейин үлгүр” платформасында балаңызга эмоцияларды башкарууга, ар дайым коопсуз болууга, балдарга ылайыктуу күн тартибин түзүүгө жана башкаларга кантип жардам берүү боюнча кеңештер бар.
“Бешке чейин үлгүр” долбоору "Роза Отунбаеванын демилгеси" Эл аралык коомдук фонду тарабынан австралиялык Миндеру Фонду менен биргеликте ишке ашырылат.