«Роза Отунбаеванын демилгеси» ЭКФнын аткаруучу директору Догдургуль Кендирбаева КЭРге визиттин алкагында үзүрлүү жолугушууларды өткөрдү

12-сентябрда Пекинде адам укуктарын өнүктүрүү боюнча «Кытай – Борбордук Азия» – 2023 форуму өттү. Иш-чара Адам укуктарын өнүктүрүү боюнча Кытай фондунун калкасы астында өттү, ал эми анын түздөн-түз уюштуруучусу КЭРдин чет тилдердеги адабиятты басып чыгаруу жана таратуу иштери боюнча башкармалыгынын Европага жана Азияга уктуруу борбору («Жэньминь хуабао» басылмасы) болду. Жолугушуунун темасы «Тилке жана жол – адам укуктарын өнүктүрүү жана прогресси» демилгесин биргелешкен ишке ашыруу» болуп калды.

Жогорку кызматтагы меймандардан иш-чарага КПК БКнын Пропаганда бөлүмүнүн башчысынын орун басары Ван Ган, Адам укуктарын өнүктүрүү боюнча Кытай фондунун башкармалыгынын вице-төрагасы Ван Гоцин, КЭРдин чет тилдердеги адабиятты басып чыгаруу жана таратуу иштери боюнча башкармалыгынын начальниги Ду Чжаньюань, Шанхай кызматташтык уюмунун (ШКУ) башкы катчысы Чжан Мин, Азиядагы өз ара аракеттенүү жана ишеним чаралары боюнча кеңешменин (АӨИЧК) башкы катчысы Кайрат Сарыбай, «Роза Отунбаеванын демилгеси» эл аралык коомдук фондунун аткаруучу директору Догдургуль Кендирбаева катышты жана сөз сүйлөдү.

КЭРге визиттин алкагында «Роза Отунбаеванын демилгеси» эл аралык коомдук фондунун аткаруучу директору Догдургуль Кендирбаева ошондой эле Хуаюань шаарындагы мектепке барды, ошондой эле Wuhan Xinxin Media Group’та жумушчу визит менен болду. Эки жолугушуу мээримдүү, достук кырдаалда өттү жана узак мөөнөттүү үзүрлүү кызматташтыкты түзүүгө багытталды.