Экс-президент Р.Отунбаева Астана экономикалык форумунда сөз сүйлөдү
May 20, 2019, 06:00
Кыргызстандын Экс-президенти Роза Отунбаева 16-17-майда «Шыктандыруучу өсүш: экономика адамдары, шаарлары» деген 12-Астана экономикалык форумунун ишине катышты деп билдиришти «Роза Отунбаеванын демилгеси» фондунда.
Ал «Платформа G-Global» деген пленардык стратегиялык сессияда, ошондой эле «Айымдар илимде, инновацияда жана бизнесте» деген панелдик сессияда негизги спикер катары сөз сүйлөдү.
Ал ошондой эле туруктуу өнүгүү максаттары боюнча Биринчи Казакстандык Форумдун ишине, ошондой эле «Санариптик Казакстан» мамлекеттик программасынын максаттуу индикаторлорун сапаттуу ишке ашырууга жана аларга жетишүүгө жардам бере турган Казакстанда санариптештирүү боюнча Эл аралык Эксперттик кеңешке катышты.
