Роза Отунбаева «Грузин маданиятынын күндөрү» көргөзмөсүнө барды
June 4, 2018, 06:00
«Асанбай» борборунун галереясында «Грузин маданиятынын күндөрү» көргөзмөсүнүн ачылышы болду. КР Экс-Президенти Р.И.Отунбаева саламдашуу менен сөз сүйлөп, ушундай иш-чараларды өткөрүү руханий жактан өсүүгө жана маданияттардын өз ара байышына түрткү болот деп белгиледи.
Көргөзмөдө ар кандай медиаларда иштеген үч сүрөтчүнүн иштери сунуш кылынган.
Сүрөтчүлөр Грузиянын маданиятынын байлыгын жана назиктигин чагылдырып турат. Нино Кипшидзе өзүнүн татаал кездеме аппликацияларында Грузиянын маданиятына мүнөздүү болгон боектордун мазмундуулугун, образдардын ар түрдүүлүгүн бере алган. Даро Сулакаури өзүнүн фотосүрөттөрндө өлкөнүн социалдык жана саясий темаларында адамдын тагдыры жөнүндө айтып берет. Леван Коугашвили өзүнүн фильмдеринде жакшы жашоого умтулган айрым адамдын портретин чеберчилик менен көрсөткөн.
Келгиле, Грузиянын – кантсе да жашоо-тиричилигин оңдой алган өлкөнүн маданияты менен таанышкыла.