Кызарт ашуусунда «Бүчүр» бала бакчасы ачылды
June 21, 2017, 06:00
Кочкор районунун Чолпон айыл аймагындагы малчылардын балдары үчүн Кызарт ашуусундагы Таш-Башат жайлоосунда «Бүчүр» бала бакчасы ачылды. Бул тууралуу Turmush басылмасынын кабарчысы билдирди.
Маалым болгондой, бала бакчанын ачылышына Кыргызстандын мурунку президенти Роза Отунбаева, жергиликтүү бийликтин өкүлдөрү, балдардын ата-энелери катышты. Иш-чаранын башында Р.Отунбаева балдарды тарбиялоодо кыргыздын улуттук оюндарын, каада-салттарын да үйрөтүүнү сунуш кылды.
«Бүчүр» бала бакчасынын жетекчиси Таалайкүл Садыбакасованын айтымында, 4 жылдан бери жайлоо бала бакчасында 30 бала тарбияланып келген. Ал эми, бул жолу бала бакчага 50 бала кабыл алынды.
