Роза Отунбаева БУУ жыйынына катышууда
February 6, 2017, 06:00
Кыргызстандын экс-президенти Роза Отунбаева Бириккен Улуттар Уюмунун социалдык өнүгүү боюнча талкуусуна катышып, сөз сүйлөдү. Бул тууралуу "Роза Отунбаеванын демилгеси" фондунан кабарлашты.
1-10-февралда Нью-Йорк шаарында БУУнун Социалдык өнүгүү комиссиясынын 55-сессиясы өтүп жатат. Анда жакырчылыкты жоюуда тең мүмкүнчүлүктөрдү камсыз кылуу маселелери талкууланууда.
БУУнун дүйнөдө туруктуу өнүгүүнү камсыздоо боюнча 2013-жылга чейинки программасында тең мүмкүнчүлүктүү коомду түзүү принциби негизги орундардын бирин ээлейт.
Сессиянын ишине катышуудан тышкары Кыргызстандын экс-президенти Роза Отунбаева аялдардын укугун коргоо, туруктуу өнүгүү жана климаттык өзгөрүүлөр боюнча программалардын жетекчилери менен жолугуп, кызматташтык маселелерин талкуулады.
