Биринчи жазгы көчөттөрдү отургузуу болуп өттү
March 19, 2016, 06:00
«Глобалдуу ой жүгүрт, чөлкөмдө аракеттен: балдар жана жаштар арасында экологиялык жоопкерчиликти жогорулатуу» эко-долбоорунун алкактарындагы «Жашыл Бишкек: мектептин айланасын жашылдандыруу» эко-акциясы
12-мартта «Жашыл Бишкек: мектептин айланасын жашылдандыруу» экологиялык акциясынын алкагында 2016-жылы биринчи жазгы көчөттөрдү отургузуу болуп өттү.
Көчөттөр төмөнкү 37 мектепте отуругузулду: Бишкек ш., төрт районундагы 14, 64,39,34,26, 78, 71, 91, 92, 68, 22, 42,44, 7, 40, 88, 45, 38, 57, 52, 11, 65, 69, 29, 61, 48, 33, 23, 21, 83, 49, 53, 3, 54, 19, 18, 81- жана аларга кошумча Свердлов районундагы Билим берүү борборунун Кароосуз калган балдар үчүн реабилитация борборунда, «Кыргызстан балдары» БЧБ жана Октябрь районундагы жаңы балдар бакчасында.
Биринчи жазгы көчөттөрдү отургузуу 12-мартта (ишемби) №64-мектеп-гимназиясында болуп өттү, ага КР экс-Президенти, «Роза Отунбаеванын демилгеси» ЭКФнын уюштуруучусу Р.И. Отунбаева, билим берүү башкармасынын начальниги С.Ж. Мейрманова, КЧКТЧМАнын директорунун орун басары Н.К. Жумаев катышты.
Көчөттөрдү отургузуу убагында акциянын катышуучуларына эксперт-эколог Дмитрий Переяславский көчөттөрдү туура отургузуунун эрежелери тууралуу айтып берди.
Көчөт отургузууга жогорку жана кенже класстардын окуучулары катышышты. Жогорку класстардын окуучуларынын көчөттөрдү отургузуу идеясынын максаты мына мында турат, алар бүтүндөй жыл боюу тигилген көчөттөрдүн өсүүсүнө кам көрүшөт, анан окуу жылынын аягында бул көчөттөрдү кенже класстардын камкордугуна жана кароосуна өткөрүп беришет, бул балдарда курчап турган айлана чөйрөгө жана бир тууган шаардын тазалыгына карата өздөрүнүн дагы тиешеси бар жана жоопкерчиликтүү экендиктери тууралуу сезимдерин жаратат.
Ошондой эле 37 мектептин мектеп айланасындагы аймактарын карап чыгуу эксперт-экологдун тикелей катышуусунда жүргүзүлгөндүгүн, анын көчөттөрдү туура отургузуу жагындагы сунуштамалары бардык аракеттердин негизине алынгандыгын атайын белгилеп кетүүгө болот. Шаардын көпчүлүк мектептериндеги сугаруу көйгөйлөрү бар экени көңүлгө алынуу менен, кыртышка алынуусу жакшы, жергиликтүү көчөттөр пайдаланылгандыгын дагы белгилеп коюу керек.
2016-жылдын ичинде отургузулган көчөттөрдүн кыртышка алынуусунун мониторинги жүзөгө ашырылат.
«Роза Отунбаеванын демилгеси» Эл аралык коомдук фондунун ««Глобалдуу ой жүгүрт, чөлкөмдө аракеттен: балдар жана жаштар арасында экологиялык жоопкерчиликти жогорулатуу» эко-долбоорунун алкактарындагы «Жашыл Бишкек: мектептин айланасын жашылдандыруу» эко-акциясы Бишкек шаарынын мэриясынын Билим берүү башкармалыгы менен биргеликте КР Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин жана «Эко полис» компаниясынын колдоосу менен уюуштурулду.
Эсиңиздерге салсак, 2015-жылы «Жашыл Бишкек: мектеп айланасын жашылдандыруу» акциясынын алкактарында Бишкектин 25 мектебинин аймагына 8700 көчөт отургузулган болчу.
Көчөттөрдүн аталышы Саны
Каштан 180
Жашыл уйгак (жандуу тосмо) 6000
Алма (жапайы) 400
Өрүк (жапайы) 300
Тал (Турпан) 300
Жийде 300
Бадам 200
Ийне жалбырактуу клен 300
Ясень 200
Терек 300
Туя 4
Көчөттөрдүн жалпы саны 8884
