STEM күндөлүгү: Баткен
January 17, 2016, 06:00
Баткен областында айымдар үчүн компьютердик сабаттуулук боюнча мектеп өтүп жатат. Мектепке бардыгы болуп 70 кыз-келин, региондордогу айылдык мектептердин, Баткен областынын Кызыл-Кыя шаарынын жана Кадамжай районунун окутуучулары катышып жатат.
Мектептин учурунда катышуучулар компьютердик сабаттуулукту, интерактивдүү доска жана окутуу методикасы менен иштөөнү үйрөнөт. Алынган жөндөмдөр аларга окуучулардын билим берүү процессине кызыгуусун пайда кылуу үчүн заманбап технологияларды турмушта колдонууга жардам берет.
