Кыргызстандын көркөм сүрөт музейи мыкты болуп калды
October 26, 2015, 06:00
Достор, анын мисалы, искусство чөйрөсүндө улуттук деңгээлде АБР кандай алдыга жылып жатат.
Гапар Айтиев атындагы Кыргызстандын көркөм сүрөт музейинин архивин эми tolonmuseum.kg интернет-аянтчасынан көрүүгө болот.
TOLON MUSEUM жана Кыргыз Республикасынын Сүрөтчүлөр бирлигинин долбоорунун аркасында швейцария өкүлчүлүгүнүн колдоосунда сайтта виртуалдык музей түзүлдү.
Виртуалдык аятча жөнүндө маалыматта Кыргызстандын көркөм сүрөт музейинин тарыхы – бул тарыхый тажрыйба, түгөнгүс инновациялык архив жана билим берүү ресурсу экендиги белгиленген. Кыргызстандын көркөм сүрөт музейине арналган виртуалдык музейге муктаждык эбак эле зарылчылык болуп калган.
Биринчиден, кымбат турган музейдик мейкиндикти ээлөөгө, ижаралоого, маанилүү экспозициялык аянтчаларды күтүүгө жана оңдоого азырынча мүмкүнчүлүктөр жок.
Экинчиден, тарыхый маданий мурастардын ири архиви көптөгөн себептер боюнча системалаштырылган эмес. Биринчи этапта колдо болгон материалдарды тезинен цифралык форматка которуу зарыл. Башкача болгон учурда маданияттын бул катмарын биротоло жоготуп коюу мүмкүн.
Үчүнчүдөн, заманбап дүйнөдө Кыргызстандын маданий мурастарын даңазалоонун формасын алмаштыруу, заманбап цифралык технологиялардын жана Интернеттин бардык мүмкүнчүлүктөрүн пайдалануу зарыл.
Материалдарды жыйноонун, колдо болгон экспозицияларды толуктоонун, андан ары деталдаштыруунун, Кыргызстандын башка музейлеринин коллекцияларын кошуп алганда, жаңы галереяларды жана “залдарды” түзүүнүн үстүндө туруктуу иштерди жүргүзүү болжолдонот.
Долбоор Кыргыз улуттук көркөм сүрөт музейинин (КУКСМ) ишин эч убакта алмаштырбастыгы белгиленген. Бул бардык чачкын материалдарды бир сайтка чогултууга гана болгон аракет.
