Экс-президент, космонавт жана бийчи жаштарга кандай сабак берди

Бишкекте 7-октябрда жаштардын «Ийгиликтин сабактары» улуттук жолугушуусу өттү, ал Ош, Жалал-Абад, Баткен жана Чүй облустарынан 14 жаштан 16 жашка чейинки курактагы 70тен ашык уландар менен кыздарды чогултту.

 

Алсак, жаштар үчүн сабактарды КР экс-президенти Роза Отунбаева, учкуч-космонавт, Кыргызстандын жана Россиянын баатыры Салижан Шарипов, ошондой эле азыркы бийлерди аткаруучу Атай Өмүрзаков өткөрдү.

 

«Аларды «Жаштар тынчтык өзгөрүүлөрдү жактайт» долбоорунун бардык 14 пилоттук муниципалитеттеринде жайкысын жаштар арасында өткөрүлгөн добуш берүүнүн жыйынтыктары боюнча балдар өздөрү тандап алды», – деп айтышты уюштуруучулар.

 

Алсак, меймандар ийгиликтин формуласы жөнүндө кеп кылды, өз турмушундагы кызыктуу жана сабак болорлук окуяларды жана башкаларды катышуучулар менен бөлүштү.

 

Иш-чараны уюштуруучулардын өздөрү ийгиликтүү инсандар жаштар үчүн ролдук моделдер менен чыкты деп белгиледи. «Ролдук моделдер демейде суктанууну, ошондой эле ийгиликтерге жетишүү жана ушундай эле инсандык сапаттарга ээ болуу ниетин пайда кылат. Бардык ушул каалоо-тилектер адатта улан-кыздарга мүнөздүү, андыктан эгерде ошол адамдай болууга ушул умтулуу оң нукка багытталса, анда бул жаштар үчүн оң өзгөрүүлөргө түрткү боло алат», – деп айтышты алар.

 

Жолугушуунун жүрүшүндө А.Өмүрзаков жакынкы 10 жылда үйлөнүүгө ниеттенбегендиги, анын аздектеген адамы мушташуу жөндөмдөрү үчүн эмес, карапайымдыгы үчүн Джеки Чан болуп саналаарын айтты. Суроолор жана жооптор учурунда бийчи ошондой эле сахнага алгачкы чыкканы жана башкалар жөнүндө айтып берди.

 

Космонавт С.Шарипов болсо өзүн-өзү өркүндөтүүгө, атап айтканда, англис тилин билүүгө басым жасады.

 

Жаштардын улуттук жолугушуусу ПРООНдун, ЮНФПАнын жана ЮНИСЕФтин долбоорун ишке ашыруунун алкагында өттү, ал БУУнун Дүйнөнүн курулушу фондунун колдоосу менен турмушка ашырылып жатат.