Сиздерге кубанычтуу жаңылыгыбыз бар! Жазуучу Элизабет Сноу Харристин кыргыз тилиндеги "365 укмуштуу жана сонун илимий эксперименттер" аттуу китеби жарык көрдү
January 15, 2025, 07:04
Кымбаттуу достор!
Сиздерге кубанычтуу жаңылыгыбыз бар! Жазуучу Элизабет Сноу Харристин кыргыз тилиндеги "365 укмуштуу жана сонун илимий эксперименттер" аттуу китеби жарык көрдү. Бул эмгек “Роза Отунбаеванын демилгеси” ЭКФ тарабынан кыргыз тилине которулуп, АКШнын Кыргызстандагы элчилигинин китептерди которуу программасынын алкагында басылып чыкты.
Китеп жакын арада, жайкы каникулдар башталганга чейин, Кыргызстандын бардык аймактарындагы облустук жана мектеп китепканаларында жеткиликтүү болот.
Бул китепти окуган 6 жаштан 12 жашка чейинки жана андан улуу балдар күнүмдүк тиричилик буюмдарын колдонуу менен — самын, чай пакеттери, кагаз жана башка материалдар аркылуу — 365 кызыктуу илимий экспериментти өз үйүндө жасап көрө алат.
Илим үйдөн башталат! Бул китеп балдарга чыгармачылыгын өнүктүрүп, илимдин кызыктуу дүйнөсүнө кадам таштоого шыктандырат.
Китептин бардык жаш окуучулар үчүн пайдалуу жана кызыктуу болушуна ишенебиз.
