"Жылдыздар балдарга китеп окуйт" акциясына Элдар Айтматов катышат
November 27, 2024, 07:49
2024-жылдын 29-ноябрында саат 12:00 Чүй облусунун Ивановка айылында Ч. Айтматов атындагы №1 мектепте "Жылдыздар балдарга китеп окуйт" акциясы өтөт.
Иш-чаранын алкагында улуу жазуучу жана гуманист Чыңгыз Айтматовдун чыгармалары жаңырат. Акциянын уникалдуулугу — окуучуларга арналган чыгармаларды залкар жазуучунун уулу Элдар Айтматов окуп берет.
"Роза Отунбаеванын демилгеси" эл аралык коомдук фондунун "Жылдыздар балдарга китеп окуйт" акциясы өсүп келе жаткан муундардын арасында китеп окууну жайылтууга, адабиятка болгон кызыгууну арттырууга багытталган.