"Татыктуу жашоонун негизи-ынтымак" Поэзия кечеси
November 27, 2024, 05:44
2024-жылдын 29-ноябрында Чүй облусунун Ивановка айылындагы Ч.Айтматов атындагы №1 мектеп - гимназиясынын чоң жыйындар залында саат 13:00дө "Татыктуу жашоонун негизи-ынтымак"аттуу поэзия кечеси өтөт.
Иш-чара "Роза Отунбаеванын демилгеси"эл аралык коомдук фонду тарабынан "Гендердик зомбулукка каршы 16 күндүк кампаниянын" алкагында уюштурулууда.
Бул кечеде Кыргызстандын Жазуучулар Союзунун мүчөлөрү - Улукбек Омокеев менен Афина Бакированын чыгармалары жаңырат.
КР экс-президенти Роза Исаковна Отунбаеванын жеке демилгеси менен Фонд 2016-жылдан бери 120 акын катышкан 49 поэзия кечелерин уюштурду, эми 50-мааракелик кечесин өткөргөнү турат. Бул демилге белгилүү жана жаш акындарынын поэзиясын колдоого, жарандардын маданий-агартуу эс алуусун өнүктүрүүгө багытталган.