Кыргыз Улуттук Жазуучулар союзун 90 жылдык мааракеси менен куттуктайбыз!
November 21, 2024, 06:56
“Роза Отунбаеванын демилгеси” Эл аралык коомдук фонду Кыргыз Улуттук Жазуучулар союзун 90 жылдык торколуу мааракеси менен чын дилден куттуктайт!
Көп жылдык тарыхы
бар жазуучулар бирлигинин,
акын,жазуучулардын өлкөбүздүн
өнүгүүсүндөгү орду жана ролу эбегейсиз зор экенин баарыбыз билебиз. Кыргыз
мамлекетинин түптөлүшүнүн башатында турган
мамлекеттик ишмерлердин көбү акын, жазуучу, публицисттер болгонун эч ким тана албайт. Бүгүнкү эгемен
Кыргыз мамлекетинин өнүгүүсүндө да элдин
жан дүйнөсүн байыткан, көкүрөгүн агарткан калем ээлеринин кызматы ат көтөргүс.
Биздин Фонд сиздер менен он жылдан бери “Поэзия кечелери”
долбоору аркылуу кызматташып келебиз. Бул аралыкта көптөгөн акындардын чыгармачылык кечелерин өткөрүү менен окурмандардын,
айрыкча жаш поэзия күйөрмандарынын жүрөгүнөн түнөк таптык. Мындан ары да аталган долбоорду жаңы баскычтарга көтөрүп,
сиздер менен бирдикте иштеше беребиз
деген изги тилегибиз бар.
Эң мыкты,
алдыңкы калемгерлердин башын бириктирген Кыргыз Улуттук жазуучулар
союузунун ишмердигине албан-албан ийгиликтерди, чыгармачылык бийик ооматты
каалайбыз.