С Днем Организации Объединенных Наций!
October 23, 2024, 23:04
Урматтуу Бириккен Улуттар Уюмунун кызматкерлери жана бардык түзүмдөрүнүн өкүлдөрү!
"Роза Отунбаеванын демилгеси" Эл аралык коомдук фонду сиздерди чын жүрөктөн БУУ күнү менен куттуктайт! Бул күн дүйнө өлкөлөрүнүн тынчтыкка, адилеттүүлүккө жана өнүгүүгө умтулуп, биримдикте жана кызматташтыкта иш алып баруусунун символу болуп саналат.
Сиздердин талыкпаган эмгегиңиздерди жогору баалайбыз. Адамзаттын алдында турган глобалдык чакырыктарды чечүү, тынчтыкты жана коопсуздукту бекемдөө жаатындагы иш-аракеттериңиздер, аялдардын укуктарын илгерилетүү, айлана-чөйрөнү коргоо жана жакырчылык менен күрөшүү боюнча салымыңыздар баа жеткис.
Сиздердин маанилүү ишиңиздерде мындан ары да ийгиликтерди, бекем ден соолук жана дүйнө жүзүндөгү адамдардын жашоосун жакшыртууда жаңы жетишкендиктерди каалайбыз! Адилеттүү жана ынтымактуу дүйнө курууга багытталган миссияңыздар элдер жана келечек муундар үчүн жаркын жыйынтыктарды алып келсин!
Терең урматтоо менен,
Роза Отунбаеванын демилгеси эл аралык коомдук фонду