Кыргыз Республикасынын Тышкы иштер министрлигин маараке менен куттуктайбыз!
October 22, 2024, 06:00
Урматтуу Кыргыз Республикасынын Тышкы Иштер Министрлигинин
кызматкерлери жана ардагерлери!
“Роза Отунбаеванын демилгеси” Эл аралык коомдук фонду сиздерди маанилүү дата болгон– өлкөбүздүн Тышкы Иштер Министрлигинин түзүлгөндүгүнүн 80 жылдыгы менен куттуктайт.
Бул маараке сиздердин бай тарыхты гана эмес, өлкөнүн эл аралык беделин өнүктүрүүгө жана чыңдоого кошкон зор салымыңыздарды да билдирет.
Сиздердин 80 жылдан ашуун убакыттан бери жасаган аракеттериңиздердин натыйжасында Кыргызстан дүйнөлүк аренада мамлекеттин кызыкчылыгын татыктуу коргоп, дипломатиялык байланыштарды бекемдеди. Ошондой эле чет өлкөлүк өнөктөштөрдүн жана шериктештердин чөйрөсүн кеңейтүүгө жетишти.
Сиздердин көп жылдык тажрыйбаңыздар жаңы жетишкендиктерге шыктандырсын жана мындан ары да Кыргызстандын жыргалчылыгы үчүн кызмат кылып, мамлекеттер ортосундагы тынчтыкты, достукту жана кызматташтыкты арттырууга жардам беришине тилектешпиз.
Иштериңиздерди мындан ары да ийгиликтер коштосун,сиздерге бекем ден соолук,бакубатчылык жана тынчтык каалайбыз!