Кыргызстандын курама командасын 2024-жылы Парижде өткөн Олимпиада оюндарына ийгиликтүү катышуусу менен куттуктайбыз!
August 12, 2024, 10:37
"Роза Отунбаеванын демилгеси" эл аралык коомдук фонду Парижде өткөн Олимпианын жеңүүчүлөрдү чын жүрөктөн куттуктайт. Кыргызстандын курама командасы өз тарыхында биринчи жолу алты медалга ээ болду: эки күмүш жана төрт коло. Бул жетишкендиктер биздин спортчулардын талыкпаган эмгегинин, талантынын жана берилгендигинин натыйжасы.
Ар бир спортчу үчүн Олимпиададагы ийгилик — бардык спорттук жолдун башкы максаты. Сиздер ага жеттиңиздер: Олимпиадалык чоку багындырылды! Мындан ары сиздердин ысымдарыңыздар чоң спорттун тарыхында жазылат.
Өлкөбүздүн спортчуларынын талыкпаган эмгеги дагы көптөгөн жеңиштерди алып келет деп ишенебиз!
