Экологиялык үгүт бригадаларынын шаардык конкурсу. Жобо.

Экологиялык үгүт бригадаларынын жана 

театрлаштырылган оюн-зооктордун шаардык конкурсу

«Жаш бишкектиктин эко-эрежелери»

Конкурстун максаты: 

 

• жаратылыш байлыктарын сактоо жана көбөйтүү ишинде экологиялык агартууга кызыгууну арттыруу;
• курчап турган чөйрөнү коргоо көйгөйлөрүнө окуучулардын көңүлүн буруу;
• жаратылышка карата аяр мамилени көркөм чыгармачылык каражаттары менен даңазалоо.

Конкурстун милдеттери:

• театралдык-чыгармачыл ишмердик аркылуу экологиялык агартуу жагынан иш жүргүзгөн окуучуларды табуу жана сыйлоо;
• шаар калкынын арасында экологиялык маданиятты пропагандалоо үчүн мыкты үгүт бригадаларын тартуу;
• экологиялык тарбиялоонун жана билим берүүнүн таасирдүү формасы катары балдардын жаратылышты коргоо кыймылдарын калыптандыруу;
• окуучуларда экологиялык көйгөйлөрдү чечүүгө катышы бар деген сезимди өнүктүрүү.

Конкурстун катышуучулары:

1. Бишкек шаарынын чыгармачыл жамааттары жана билим берүү уюмдарынын окуучуларынын үгүт бригадалары.

2. Топтун курамы 8-11-класстардан 10го чейинки адам.

3. Конкурста оюн көрсөтүү убактысы 10 мүнөт.

Конкурсту өткөрүү шарттары жана убактысы:

Конкурс «Жаш бишкектиктин эко-эрежелери» номинациясы боюнча 2 этап менен өткөрүлөт.

1. Райондук (тандоо этабы) – 2015-жылдын 1-октябрынан тартып 2016-жылдын 10-мартына чейин. РЦОнун адистери өткөрөт.

2. Шаардык – 2016-жылдын 11-марты.

Кызыгуу бар болгон учурда конкурска катышууга өтүнмөнү Бишкек шаарынын Мэриясынын Билим берүү башкармалыгына берүү зарыл: Бишкек шаары, № 3 кабинет, 2016-жылдын 3-мартына чейин.  М.Р. Калыгуловага.  тел. 61-00-91, 61-37-01

Сахнада оюн коюуда конкурстун темасын чагылдыруу, көтөрүлүп жаткан маселенин орчундуулугу, чыгармачыл жана көркөм бүтүндүк, аткаруунун деңгээли бааланат.

Конкурстун жеңүүчүлөрү сыйлыктар менен сыйланат жана «Роза Отунбаеванын демилгеси» ЭКФ 2016-жылдын 22-23-апрелинде өткөрө турган төртүнчү Билим берүү фестивалына катышуу үчүн чакырылат.

Конкурсту «Роза Отунбаеванын демилгеси» ЭКФ Бишкек шаарынын Мэриясынын Билим берүү башкармалыгы менен бирдикте «Глобалдуу ой жүгүрт, чөлкөмдө аракеттен: балдар жана жаштар арасында экологиялык жоопкерчиликти жогорулатуу» эко-долбоорунун алкагында өткөрүп жатат.