Элин дилин билүү үчүн салтка айланган майрамында болуу, музыкасын угуу, үрп-адаттары менен таанышуу, улуттук тамак-ашынан даам татуу керек. 23-мартта өткөн “Музыка – элдин дили: дунгандар” концерт-лекциясы бишкектиктерге жана борбор шаардын меймандарына Кыргызстандын эң табышмактуу этносторунун бири – дунгандардын музыкалык маданияты жана салттары менен таанышуу мүмкүнчүлүгүн берди. Концерттин программасы өзүнө таяктар менен бийленүүчү байыркы кайталангыс бийди, салттуу кийим-кечек кийген кыздардын модалуу дефилесин, дунган тилиндеги макалдарды, жагымдуу ырларды жана көптөгөн башка кызыктуу маалыматты камтыды.   Эске сала кетсек, “Музыка – элдин дили” концерт-лекцияларынын сериясы "Роза Отунбаеванын демилгеси" ЭКФ тарабынан демилге кылынган жана Кыргызстан калкынын Ассамблеясы менен бирдикте ПРООНдун жана «СТАрт» полиграфиялык комплексинин колдоосу менен өткөрүлүп жатат. Буга чейин “Музыка – элдин дили” программасынын алкагында корей, украин, казак элдеринин музыкалык маданияты жөнүндө концерт-презентациялар, ошондой эле Түндүк Кавказ элдеринин музыкалык маданияты жөнүндө концерт-презентация өткөн.