Жаздын биринчи күнүндө Коомдук телерадио корпорациясынын концерттик студиясында эң ар түрдүү курактагы жана кесиптеги 150гө жакын адам чогулду, аларды бир нерсе – талант жана поэзияга болгон сүйүү бириктирди. Алардын бардыгы чогулушуна Аялдардын эл аралык күнүнө – 8-Мартка туш келтирилген «Поэзия кечеси» себепчи болду. Кеченин катышуучулары – жаш акындар чогулгандардын бардыгына эң ыйык – өздөрүнүн ырлары менен бөлүшүү, ошондой эле өздөрүнүн жакшы көргөн чыгармаларын окуп берүү үчүн келди. Поэзия кечесине Кыргызстандын экс-президенти Роза Отунбаева катышты.   Поэзия кечеси «Роза Отунбаеванын демилгеси» эл аралык коомдук фонду жыл сайын уюштурган, салтка айланган иш-чара болуп калды. Бүгүнкү күндө жаш акындар эмне жөнүндө ыр жазат? Алардын ата-бабалары эмне жөнүндө ойлонуп жана жазса, ошолор жөнүндө жазышат. Адамды сүйүү жана Мекенди сүйүү, бакыт жана айла кеткендик, бүткүл дүйнөнү жана жеке өзүн аңдап-түшүнүүгө умтулуу, ар бир адамды тынчсыздандырган нерселердин бардыгы жана ар бир акын көрүп жана өзү билгендей чагылдыргандын бардыгы. Кимдир-бирөөнүн ырлары угулушу, сөздөрүнүн айкашы жана өлчөмү боюнча салттуу стилди кайталайт, кимдир-бирөө адаттагыдан башкача айкаштарды жана ыкмаларды тандап, ритм жана рифмалар жагынан эксперимент кылууга аракеттенген. Кимдир-бирөө татаал темаларды аркалоого жана түшүнүүгө, жаңы өңүттөрдү ачууга умтулган, ал эми айрымдары кооздукту жана шыктанууну күндөлүк турмуштан көрөт. Кандай болгон күндө да, бардык чыгармалар кайталангыс жана өзгөчөлүү.