Семинардын ишине 141 адам, анын ичинде Кыргызстандын региондорунан: Токтогул, Тогуз-Торо, Жети-Өгүз райондорунан, Майлуу-Суу шаарынан, Ош шаарынан, Жалал-Абад шаарынан, Москва жана Сокулук райондорунан, Кара-Балта шаарынан, Ысык-Көл облусунан 38 педагог катышты.   Семинар беш күн өттү, алардын ичинен эки күн – окуганды үйрөтүүгө, андан соң эки күн математиканы окутууга жана акыркы күн англис тилин үйрөтүүгө арналды.   Семинардын ачылышы Р.И.Отунбаеванын жана Кыргыз Республикасынын билим берүү жана илим министринин орун басары Д.Ш.Кендирбаеванын катышуусу менен «Парк-отель» отелинде өттү. Калган төрт күн Арабаев атындагы КМУнун конференц-залында өттү.   Мындай окуянын – Н.А.Зайцевдин Бишкекке келишинин маанилүү экенине баа бербей коюуга болбойт. Усулдук китепти окуп, кайра-кайра окуп чыгуу, башкалар бул системаны кандай пайдаланып жатканына байкоо жүргүзүү –бир иш, ал эми ушулардын бардыгын автордон угуу башка иш.