Бүгүн бир эле учурда Бишкек шаарынын № 3 балдар ооруканасынын эки: неврология жана невропатология бөлүмдөрүндө «Жылдыздар бөбөктөргө китеп окуйт» акциясы өттү.   Бүгүн бөбөктөргө китеп окуган жылдыздар «Роза Отунбаеванын демилгеси» фондунун кызматкери Токтосунова Адаш Искендеровна жана волонтер-студенттер болуп калды. Абдан кызыктуу болду, балдар менен алардын ата-энелери бүгүнкү күнгө ыраазы болду. Пациент бөбөктөр ырларды үн чыгарып окуп берди, аларга фонддун атынан китептер тартууланды. Мындан тышкары, медайымдар кечкисин бөбөктөргө китеп окуп бериши үчүн китептер аларга бөлүмдөргө калтырылды.   Акцияга кошулгула! Биз бөбөктөргө үн чыгарып китеп окууга даяр адамдардын бардыгын күтөбүз, ошондой эле биздин акциябыз керек болгон даректер боюнча силердин сунушуңарды күтөбүз!