2019-жылдын 28-январында «Миграция жана өнүктүрүүнүн жергиликтүү пландарында гендердик теңчилик маселелери» үч күндүк лагери аяктады. Лагердин ишине Барскоон жана Сузак айыл аймактарынын өкүлдөрү: айыл аймактарынын башчылары, башчылардын орун басарлары, жооптуу катчылар, айылдык кеңештин депутаттары, аялдар кеңештеринин мүчөлөрү, башкы бухгалтерлер, лидерлер жана активисттер катышты. Лагердин максаты – жергиликтүү өнүктүрүү стратегиясын, анын ичинде миграция жана өнүктүрүү компоненттерин жана гендердик ыкманы иштеп чыгууда катышуучулардын потенциалын, билимдерин жана жөндөмдөрүн жогорулатуу. Лагердин биринчи күнү ал канчалык келечектүү (кеңири) болушу мүмкүн экендиги жагынан көз карашты жана түшүнүктү калыптандырууга арналды жана төмөнкүдөй сессиялардан турду: «Узак мөөнөттүү өнүктүрүү концепциясы – «индивидуум – үй-бүлө – коомчулук – бийлик институттары – мамлекеттик саясат жана мыйзамдар – глобалдык милдеттенмелер» деңгээлдеринде таасир этүү чөйрөлөрү – Экономиканы жана үй-бүлөнү өнүктүрүүдө мигрант аялдардын ролу», «Бакыт концептин киргизүү, бакыттын салыштырмалуулук жана жекече көрүнүшүн алдыга коюу», «Дөөлөттөр деген эмне жана алар социалдык топторду калыптандырууда кандай роль ойнойт» жана «Көз караш» деген эмне». Сессиялардын жүрүшү таасир этүү чөйрөлөрүн интерактивдүү сүрөткө тартуу, тыянактарды бекемдөө үчүн презентация, таасир этүү чөйрөлөрү жөнүндө дискуссия жана мээге күч келтирүү менен коштолду. Лагердин биринчи күнүнүн жыйынтыктарын чыгаруу учурунда ар бир катышуучу бир күн аралыгында эмне талкуулангандыгы, жекече жана жалпы топтук көз караш жагынан иштөө канчалык пайдалуу болгондугу, эмне жеңил (татаал) болгондугу, өнүктүрүүнүн жергиликтүү пландарын пландаштыруу учурунда бул процессти колдонууга мүмкүнчүлүк бар же жоктугу жөнүндө өз ойлорун айтты. Экинчи күнү лагердин катышуучулары гендердик ыкма темасын жүктөдү. Гендердик концепция жана стереотиптер жөнүндө, формалдуу теңчилик, формалдуу теңчиликтин көйгөйлөрү деген эмне экендиги, чыныгы теңчилик деген эмне экендиги, ал эмнеге негиздене тургандыгы, чыныгы теңчиликке жетишүү үчүн кандай аракеттерди жасоо керектиги жөнүндө презентация жасалды. Ошондой эле топтордогу иштер, пленардык талкуулар, топтордун презентациялары жана дискуссиялар аркылуу «Гендердик дарак» жана Гендердик теңчилик Концепциясы деген сессиялар өткөрүлдү. Сессиялардын максаты – гендердик ролдорду, гендердик мамилелердин системасын, нормалар менен салттарды калыптандыруу булактарын, ошондой эле гендердик ролдор жана мамилелер жөнүндө үмүттөр/түшүнүктөр/стереотиптер кандай калыптанаарын/өзгөрө тургандыгын көрсөтүү. Экинчи күндүн жыйынтыктарын чыгаруу төмөнкүдөй темалар боюнча рефлексия менен коштолду: экономиканы жана үй-бүлөнү өнүктүрүүдө мигрант аялдын портрети, мигрант аялдын ролу, барган өлкөдө мигрант аялдардын жана кайтып келген мигрант аялдардын ролу, мигрант аялдардын оң ролун алга илгерилетүү боюнча идеялар, ошондой эле тобокелдиктер (мүмкүнчүлүктөр), эркектердин/аялдардын ар түрдүү топтору үчүн эмгек миграциясынын тобокелдиктери (пайдасы). Лагердин үчүнчү күнүнүн темасы «Социалдык өнөктөштүк маселелери» болду, ал өнөктөрдү картирлөөгө арналган сессиядан, КРнын миграциялык саясаты жана миграция жагынан ЖӨБ органдарынын иши боюнча лекциядан турду. Сессиянын максаты – өнүктүрүү, миграция, гендердик теңчилик маселелери боюнча бир пикирдештердин жана каршылаштардын картасын иштеп чыгуу. Бул сессиянын алкагында лагердин катышуучулары бир пикирдештер менен кызматташтыкты күчөтүү жана оппоненттерди нейтралдаштыруу/же өз тарабына тартуу боюнча тактикалык ыкмаларды талкуулоону жана аныктоону өткөрүштү, ошондой эле өнөктөрдүн карталарын тартышты. Лекциянын жүрүшүндө катышуучулар миграцияык процесстерди жөнгө салуунун укуктук негиздери менен, миграциянын типтеринин терминологиясы жана классификациясы, Кыргыз Республикасынын миграциясы, азыркы учурдагы миграциялык саясаттагы негизги көйгөйлүү аспекттер жана тенденциялар жөнүндө, ЖӨБОнун миграция чөйрөсүндөгү иши жөнүндө статистикалык маалыматтар менен таанышты. Лагерь аяктап жаткан күнү тренингдин негизги идеяларын бекемдөө жана суммалоо боюнча, долбоордун кийинки кадамдарын талкуулоо боюнча дискуссиялар өткөрүлдү. Барскоон жана Сузак айыл аймактарынан келген катышуучулар лагерден кийинки жана кезектеги тренингге чейинки мезгилге иш-чаралардын (тренингдер, жыйналыштар ж.б.) пландарынын презентациясын жасады. Коммуникацияны жана өз ара аракеттенүүнү жакшыртуу, командалардын ишинин натыйжалуулугун түзүү жана жогорулатуу, чыгармачыл маанайды жана ынтымакты колдоо, эки айыл аймагынан келген ар бир катышуучунун жеке сапаттарын жана мүмкүнчүлүктөрүн табуу жана ачуу максатында 26-январдан 28-январга чейин лагерде маданий жана спорттук иш-чаралар: хор менен ырдоо, аркан тартышмай, селкинчек тебүү жана башкалар өткөрүлдү. Лагердин машыктыруучулары төмөнкүлөр болду: Р.Ж. Кайыкова (ЖӨБО менен иштөө боюнча эксперт), С.Дж. Джусаева (гендер боюнча эксперт) жана А.Ж. Асанбаев (миграция боюнча эксперт). Катышуучулардан лагердеги окутуу маалыматтык гана болбостон, ошондой эле жекече жана топтук сүрөт тартуу, мээге күч келтирүү, рефлексия боюнча көнүгүүлөр, презентациялар, талкуулар аркылуу интерактивдүү болгондугу жөнүндө оң пикирлер алынды. Лагерь «Роза Отунбаеванын демилгеси» ЭКФ Миграция боюнча эл аралык уюмдун КРдагы Эл аралык өнүктүрүү фондунун колдоосу менен ишке ашырып жаткан «Кыргызстанда жергиликтүү деңгээлде миграция жана өнүктүрүү боюнча артыкчылыктарга гендердик мамилени киргизүү» долбоорунун алкагында өткөрүлдү.