2018-жылдын 26-январында "Роза Отунбаеванын демилгеси" эл аралык коомдук фонду Т.Сатылганов атындагы Кыргыз Улуттук Филармониясы менен биргеликте филармониянын кичи залында эл ичинде сүймөнчүлүккө ээ болгон, таанымал акындар Атахан Кожогулов жана Жыпаргүл Арыкованын чыгармачылыгына арналган кезектеги поэзия кечесин өткөрдү. Ж.Арыкова ырларында тунук сүйүүнү, өмүрдү даңазалап элдин көңүлүн бурса , акын А.Кожогуловдун ырлары өзүнүн элпек ыргактары жана терең лирикалуулугу менен өзгөчөлөндү.