КР экс-Президенти, «Р.Отунбаеванын демилгеси» эл аралык коомдук фондунун негиздөөчүсү Р.Отунбаеванын үстүбүздөгү жылдын 18-20-июнь күндөрү Нарын облусуна болгон иш сапарынын алкагында 20-июнь күнү Нарын шаарындагы Ж.Шералиев атындагы искусство мектебинде поэзия кечеси болуп өттү. Иш-чарага Р.Отунбаева, КР Өкмөтүнүн Нарын облусундагы ыйгарым укуктуу өкүлү А.Кайыпов, анын орун басары Ж.Исакова, Нарын мамлекеттик университетинин студенттери, жаштар катышышты. Кече учурунда элибизге белгилүү жаш акындар Зайырбек Ажыматов жана Мирлан Самыйкожо өздөрүнүн ырларынан окуп беришти.