Бүгүн борбордо бешинчи мааракелик Билим фестивалы старт алды, анын уюштуруулары болуп Бишкек шаарынын мэриясы жана Дене тарбия жана спорт академиясы менен бирдикте «Роза Отунбаеванын демилгеси» эл аралык коомдук фонду саналат.   Бүгүн, 28-апрелде, Фестивалдын биринчи күнүндө борбордун мектеп окуучулары экскурсиялык маршруттар боюнча өттү жана Дене тарбия академиясы менен таанышты. Окуучулар үчүн белгилүү спортсмендер жана мастерлер менен жолугушуу уюштурулду, сергек жашоо ыңгайы жөнүндө айтып беришти, мастер-класстар жана колледждер менен лицейлерден кесипке багыт берүүчү көргөзмөлөр өткөрүлдү. «Бишкек шаардык маектешүү» үчүнчү жолу өттү, анда быйылкы жылы мектептерде массалык дене тарбияны жана сергек жашоо ыңгайын өнүктүрүү маселелери талкууланды.   Эртең, 29-апрелде, фестивалдын экинчи күнү Бишкек шаарынын Күнү менен бирдикте борбордун ортосунда ар кандай багыттагы 8 интерактивдүү аянтта өтөт.