“Ырга айланган айымдар” аттуу Бактыгүл Чотурова жана Жыпара Исабаева нын Поэзия кечеси 29- сентябрда Улуттук филармониянын кичи залында чоӊ аншлаг менен өттү. Кечеде эки белгилүү акын-айымдар өзүнүн ырларын кечеге келген угармандарына тартуулады. Акындардын чыгармачылыгы элдин арасында кеңири белгилүү, ошондой эле көптөгөн чыгармалары обондуу ырга айланган. Кече учурунда ал ырлар белгилүү ырчылардын аткаруусунда жаӊырды. Кийинки Поэзия кечеси атактуу акын, котормочу Карбалас Бакировдун чыгармачылыгына арналат. Ал 21- октябрда, саат 17.00 Улуттук филармониянын кичи залында өтөт.