Элдин биримдигин жана этностор аралык мамилелерди чыңдоо концепциясынын алкагында Токмокто 5-декабрда «Этномаданий өнүктүрүүнү камсыз кылуу учурунда жалпы жарандык окшоштукту калыптандыруу, ар бир жаран өзүн «Кыргыз жараны» катары сезиши» деген форум болуп өттү.   Иш-чарага КР экс-президенти Роза Отунбаева жана Президенттин аппаратынын, Өкмөттүн аппаратынын, Ички иштер министрлигинин, УКМКнын, КР Өкмөтүнүн Чүй областындагы өкүлчүлүгүнүн өкүлдөрү, райондук мамлекеттик администрациялардын жана Чүй областынын мэриясынын, Кыргызстан калкынын Ассамблеясынын өкүлдөрү катышты.   Форумдун алкагында катышуучулар Токмок шаарында жашаган этностордун эл чыгармачылыгынын жана улуттук ашканасынын көргөзмөсү менен таанышты; эл чыгармачылыгынын жана улуттук ашкананын катышуучулары сыйланды, ошондой эле «Роза Отунбаеванын демилгеси» ЭКФ Кыргызстан калкынын Ассамблеясын менен бирдикте «Музыка – элдин жан-дүйнөсү» концерт-презентациясын уюштурду.