Акцияга Роза Айтматова, Юлия Руцкая, Раимжан Курманов, Омар, Осмонканов Бакыт жана Майрамбек уулу Жеңиш, Самат Эркинбеков жана Эмил Эсеналиев, Наталья Никитенко, Данияр Тербишалиев, Кундуз Канатбек кызы сыяктуу жана башка көрүнүктүү мамлекеттик ишмерлер жана эстраданын атагы чыккан жылдыздары катышты. Акциянын биринчи күнү – Ч.Айтматовдун бөлмөсүндө жана атайын тигилген боз үйдө, экинчи күнү Эмен сейил багынын галереясында жана «эски аянттагы» боз үйдө өттү.   Жылдыздар балдарга кыргыз жана орус тилдериндеги балдар чыгармаларын окуп берди, балдар менен ойноду, баарлашты жана балдардын чаташтырган суроолоруна жооп берди. Бир кыйла күлкүлүү, эсте калаарлык учурлар болду, алар акцияга катышкан ар бир баланын эсинде калаары бышык, анткени ал болуп көрбөгөндөй кызыктуу жана шаңдуу өттү.