Бишкекте 25-апрелде «Роза Отунбаеванын демилгеси» эл аралык коомдук фонду уюштурган үчүнчү Билим берүү фестивалынын экинчи күнү өттү.   Быйылкы жылы Билим берүү фестивалы балдар жана жаштар арасында экологиялык маданиятты жогорулатууга багытталган жана масштабдуу «Глобалдуу ой жүгүрт – чөлкөмдө аракеттен» эко-долбоорунун компоненттеринин бири болуп саналат. Балдарда, жаштарда жана Бишкек шаарынын тургундарында жарандык жоопкерчиликти жана экологиялык маданияттын деңгээлин жогорулатуу, тазалыкты сактоо жана сергек жашоо ыңгайы үчүн жагымдуу айлана-чөйрөнү түзүү эко-долбоордун негизги максаты болуп эсептелет.