Бүгүн «Жылдыздар бөбөктөргө китеп окуйт» долбоорунун алкагында театр жана кино актеру Асылбек Өзүбеков китеп окуп берди. Сахна жылдызы менен жолугушууга ата-энеси менен балдар гана эмес, ошондой эле университеттердин студенттери келди.   Бул жөн гана китеп окуу эмес, бул бүтүндөй мини-спектакль, балдар менен жандуу жана абдан кызуу маектешүү болуп өткөнү түшүнүктүү болушу үчүн биз атайын көбүрөөк фотосүрөттөрдү жайгаштырууну чечтик.   Биздин иш-чараларга улам көп сандагы балдар катышат жана балдарга үн чыгарып китеп окуп берүү сыяктуу жакшы салты бар үй-бүлөлөр дагы көбөйө берет деп үмүттөнөбүз.