Пресс-центр Пресс-релиздер

09.06.2019

«Си Цзиньпин мамлекеттик башкаруу жөнүндө» китебинин презентациясы жана илимий конференция болуп өттү

2019-жылдын 8-юнунда Кыргыз Республикасынын Президентинин Мамлекеттик резиденциясында кыргыз тилинде жарык көргөн «Си Цзиньпин мамлекеттик башкаруу жөнүндө» китебинин презентациясы жана илимий конференция болуп өттү.


Кытай лидеринин китебине арналган иш чарага Кыргыз Республикасынын Президенти С.Ш.Жээнбеков, Кыргыз Республикасынын экс-Президенти, «Роза Отунбаеванын демилгеси» Эл аралык коомдук фондунун негиздөөчүсү Р.И.Отунбаева, ККП БК Пропаганда бөлүмүнүн башчысынын туруктуу орун басары Ван Сяохуэй мырза, КРдагы КЭРдин Толук Ыйгарым Укуктуу элчиси Ду Дэвень айым жана башка расмий өкүлдөр, дипломаттар, окумуштуулар, окутуучулар, коомдук ишмерлер катышышты.


Бул иш чараны Кытай Эл Республикасынын мамлекеттик советинин Пресс-канцеляриясы КЭРдин чет тилдердеги адабияттарды басуу жана жайылтуу Башкармалыгы, КРдагы КЭРдин элчилиги, КЭРдин чет тилдердеги адабияттар Басмаканасы, ошондой эле «Роза Отунбаеванын демилгеси» ЭКФ менен биргеликте уюштурду. Презентация Кыргыз Республикасына КЭР Төрагасы Си Цзинпиндин мамлекеттик визитинин астында уюштурулду.


КР Президенти С.Ш.Жээнбеков өзүнүн сөзүндө: Бул эмгек – дүйнөдөгү окурмандар үчүн Кытайдын мамлекеттик саясатын тереңирээк түшүнүүгө болгон көпүрө деп баалап, китепти кыргыз тилине которуп, кыргыз окурмандарына жеткирген “Роза Отунбаева демилгеси” фондуна, анын төрайымы, экс-президент Роза Исаковна Отунбаевага чоң ыраазылыгын билдирди.


Р.И.Отунбаева китептин жандуу жана кызыктуу жазылганын, жеӊил окулаарын, кытай лидери ар түрдүу аудиториялардын алдына чыгып сүйлөгөн сөздөрүндө улуттун беш миң жылдык цивилизациясынан агылып чыккан байыркы уламыштарды, элдик акылмандыкты, курч макалдарды колдоно билгенин белгилеп, китепти окуп кошуна турган гигант мамлекет ал кандай башкарылат, таӊ калаарлык ийгиликтерге кантип жетип жатат ж.б. тууралуу олуттуу маалыматтарды алып, тааный алабыз деди.


Китепти презентациялоо учурунда ККП БК Пропаганда бөлүмүнүн башчысынын туруктуу орун басары Ван Сяохуэй мырза , КРдагы КЭРдин Толук Ыйгарым Укуктуу элчиси Ду Дэвень айым да сөз сүйлөп, аталган китептин эки өлкөнүн өз ара маданий карым-катышындагы маанисин белгилеп өтүштү.


Китепти кыргыз тилине которуу «Роза Отунбаеванын демилгеси» ЭКФ жана Кытайдын чет тилдер Басмаканасы менен биргеликте даярдалды. Китепти кыргызчага дипломат Б.Каламбекова которду.


Иш чарага келгендерге китеп белекке таратылып берилди.


Презентациядан кийин “Кытай-Кыргызстан мамлекеттик башкаруу жөнүндө” аталышындагы илимий талкуу жыйын өттү. Жыйын учурунда Кытай Элдик Университетинин марксизм Институтунун доценти ЧжанСяомэн, мурдагы КР Тышкы Иштер министри, мурдагы ШОСтун баш катчысы М.С.Иманалиев, КР ЖК депутаты К.К.Иманалиев, Чет тилдер адабияты Басмаканасынын башкы редакторунун орун басары Ху Каймин, Кыргызстан Элдеринин Ассамблеясынын төрагасы А.Эркебаев ж.б. белгилүү окумуштуулар, мамлекеттик, коомдук ишмерлер илимий баяндамаларды жасады.


Белгилей кетсек, жогорудагы иш чара башталаар алдында резиденциянын «Бурана» залында чакан чөйрөдө кыргыз-кытай жолугушуусу болуп өттү. Жолугушууга Кытай тараптан ККП БК Пропаганда бөлүмүнүн башчысынын туруктуу орун басары Ван Сяохуэй мырза , КРдагы КЭРдин Толук Ыйгарым Укуктуу элчиси Ду Дэвень айым, КЭР Киноматография башкармалыгынын начальнигинин орун басары Мэн Сянлинь мырза, КЭРдин чет тилдердеги адабияттарды басуу жана таратуу Башкармалыгынын директорунун орун басары Гао Аньмин мырза, ал эми Кыргызстан тараптан КР экс-Президенти, «Роза Отунбаеванын демилгеси» Эл аралык коомдук фондунун негиздөөчүсү Р.И.Отунбаева, КР вице-премьер министри А.С.Өмүрбекова, КР Маданият, Маалымат жана Туризм министри А.К.Жаманкулов, КР Жогорку Кенешинин депутаты Садык Шер-Нияз, КР Президентинин басма сөз катчысы Т.Стамалиева катышышты. Тараптар Кыргыз Республикасы менен Кытай Эл Республикасынын ортосундагы кино тармагындагы кызматташууну мындан ары тереӊдетүү боюнча жыйынтыкка келишти. Кыргыз киносунун жумалыгын Кытайда өткөрүү, кытай киносунун жумалыгын Кыргызстанда өткөрүү пландалды. 

Акыркы жаңылыктар

20.08.2019

«Гений» радиоберүүсү: Кыргызстандык окуучулардын химия боюнча Эл аралык олимпиадада көрсөткөн жыйынтыктары

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында Парижде өткөн химия боюнча Эл аралык олимпиадасына катышкан кыргызстандык окуучулардын көрсөткөн жыйынтыктары жөнүндө сөз болду.   Олимпиада үстүбүздөгү жылдын июль айында өтүп, ага 84 өлкөдөн 330 окуучу катышкан. Кыргызстандан төрт окуучу: Нурсултан Соодонбеков, Эльмар Зикиров, Бакай Шейитов жана Мирхад ...
01.08.2019

Жайлоо өнүгүү борборунда тарбияланып жаткан балдардын креативдүү сапаттарын өнүктүрүшүүдө

Үстүбүздөгү жылдын 29-июлунда Ысык-Көл облусуна караштуу Ак-Суу районундагы Башарин жайлоосундагы «Заря» жайлоо өнүгүү борборунда «Баланын креативдүү сапаттарын өнүктүрүү» темасында семинар болуп өттү. Иш-чарага ата-энелер, облусттук билим берүү институтунун кызматкерлери, жергиликтүү бийликтин жана Заря корпоративинин өкүлдөрү катышты. Заря корпоративи балдарга таттууларды таратып көңүлдөрүн көтөрүшсө, жергиликтүү бийлик, райондук билим ...
01.08.2019

2019-жылдын 1-2-август күндөрү Бишкектеги КР Ала-Арча мамлекеттик резиденциясында КР Президентине караштуу чет өлкөлөрдөгү мекендештер менен байланыш боюнча Кеңештин биринчи жыйыны өтүп жатат

Белгилей кетсек, бул иш чара “Роза Отунбаеванын демилгеси” эл аралык коомдук фонду тарабынан негизделип, 2012, 2014, 2016, 2018-жылдары төрт ирет тең коомдо чоң окуя катары өткөн Мекендештер Форумунун ишмердигинин түздөн-түз жыйынтыгы деп айта алабыз. Анткени аталган иш чара мамлекеттик структура менен чет жактарда иштеп жүргөн мекендештердин Кыргызстанды өнүктүрүү максатындагы өз ара диалогун камсыз кылууда мыкты аянтча болуп бере алгандыгын ...
23.07.2019

Эко-арт лагердин катышуучулары ак илбирстерди көрүштү

Кара-Кужур жайлоосунда өтүп жаткан Кыргызстандагы биринчи эко-арт лагердин катышуучулары Ананьевадагы Айбанаттарды калыбына келтирүү борбору менен таанышып, ак илбирстерди көрүштү. 20 ашык өспүрүм 19-июлда Ысык-Көл облусунун Ананьева айылындагы Германиянын жаратылышты коргоо бирикмеси (NABU) Айбанаттарды калыбына келтирүү борборунда болушуп, ал жактагы эки ак илбирс, сүлөөсүн, бүркүт, түлкү жана куштарды көрүп, борбордун ишмердүүлүгү менен таанышып, ...
19.07.2019

Кыргызстанда активист-мигранттар үчүн адамдардын укуктарын алга илгерилетүү боюнча волонтердук иш тууралуу жайкы үйрөтүү лагери өттү

Үстүбүздөгү жылдын 12-июлунда USAIDдин "Адамдын укугу жана кадыр-баркы" долбоорунун алкагында мигранттар үчүн үч күндүк жайкы үйрөтүү лагери Жалал-Абад облусунун Кара-Алма айылында жайгашкан “Кара-Алма” эс алуу жайында өттү. Лагердин максаты – мигранттардын укуктарын алга илгерилетүү боюнча волонтердук иш жөнүндө маалыматты мурдагы мигранттарга берүү.   Лагердин ишине жалпысынан он алты мигрант болгон, коомдук лидер болууга жана коомдун ...
18.07.2019

Кара-Кужур жайлоосунда эко-арт лагери өтөт

2019-жылдын 20-июлунан 28-июлуна чейин Кыргызстандын эң кооз, ак илбирс уялаган, мамыры гүлдөрү жайнаган, атактуу - Кара-Кужур жайлоосунда 20 өспүрүм катышкан эко-арт лагери өтөт. Катышуучулар кино, актердук чеберчилик, живописти үйрөнүү аркылуу экология тууралуу түшүнүк алышат жана бул боюнча өз ойлорун айтууну үйрөнүшөт. Кыздар жана балдар аталган жанрлар боюнча командаларга бөлүнүп алып иштешет. Аларга ХV Казань фестивалында гран прини, «Ак илбирс» ...
18.07.2019

«Гений» радиоберүү: Мектеп бүтүрүүчүлөрдүн жалпы республикалык тестирлөөдө көрсөткөн жыйынтыктары

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында 2019-жылы мектепти аяктаган бүтүрүүчүлөрдүн билим сапаты жана аларга түзүлүп жаткан шарттар тууралуу сөз болду.   Жалпысынан жалпы республикалык тестирлөөгө 44289 адам катышып, 62 пайызы босого баллдан өттү, бул тууралуу кененирээк радиоберүүнүн катышуучулары КР Билим берүү жана илим министрлигинин өкүлү ...
16.07.2019

Жайлоо өнүгүү борборлору жөнүндө документалдык тасма тартылууда

Үстүбүздөгү жылдын 23-27-июндарында Жалал-Абад жана Ош облусунун жайлоолорунда жайгашкан жайлоо өнүгүү борборлорунда тарбияланып жаткан балдар тууралуу белгилүү кинорежиссёр, сценарист, продюсер, «Кыргыз киносу» кинотеатрынын негиздөөчүсү, “Дарак ыры” тасмасынын режиссеру Айбек Дайырбеков документалдык тасма тартты. Тасмага алгачкылардан болуп Жалал-Абад облусунун Ноокен районундагы “Кызыл –Кыштак”, “Нур –Айым” жайлоо өнүгүү ...
15.07.2019

Барскоон жана Сузак айыл аймактарынын жумушчу топтору үч күндүк окутуудан (коучинг) өтүштү

Үстүбүздөгү жылдын 5-7- июлунда Ысык-Көл облусунун, Кара-Ой айылынын Ак-Бермет эс алуу үйүндө үч күндүк окутуу (коучинг) болуп өттү. Окутуунун максаты – эки пилоттук айыл аймактын социалдык-экономикалык өнүгүү программасынын өнүктүрүү приоритеттерине миграция жана гендердик багытты жумушчу топтор жана эксперттер менен биргеликте киргизүү. Окутууга Барскоон жана Сузак айыл аймактарынын жумушчу топтору, гендер, миграция маселелери боюнча ...
11.07.2019

«Ынтымактуу конуштар» долбоор жазуу, аны жактоо боюнча иштешүүдө

Үстүбүздөгү жылдын 9-июлунда “Жаңы конуштарда социалдык жана гендердик теңчиликти бекемдөө аркылуу ынтымакты чыңдоо” долбоорунун алкагында пилоттук болуп кирген Бишкек шаарынын 10 жаңы конуштун жаш лидерлери, коомдук ден соолук комитеттеринин мүчөлөрү, муниципалдык аймактык башкармалыктардын башчыларынын орун басарлары, адистери менен бирге долбоор жазуу аны жактоо боюнча коучинг жолугушуу өттү. Пилоттук МАБ башчылары, өкүлдөрү, жаш лидерлер, ...
09.07.2019

Конкурс жарыяланат

КОНКУРС ЖАРЫЯЛАНАТ  Эко-Арт-Лагерь Кара-Кужур өрөөнү, Кочкор р/ну, Нарын обл 19-28- июль 2019-ж Катышуучуларды кантип тандап алабыз? Айлана-чөйрөнү коргоо, жаратылышка аяр мамиле кылуу жана ак илбирсти сактоо темасындагы макал-лакаптын негизинде сүрөт тартып жана ага аннотация жазып, аны: “Роза Отунбаеванын демилгеси” Эл аралык коомдук фондунун электрондук дарегине 15.07.19 саат 17.00 чейин жибериниздер office@roza.kg Лагерь 12-15 жаш курактагы, жыйырма жаш улан ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»