Пресс-центр Сүрөт галереясы

30.01.2018

Январь айында Бишкектин сегиз жаңы конуштарында «Көчмө өнүгүү борборлору» иштеди

Үстүбүздөгү жылдын 19-январынан 29-январына чейин “Көчмө өнүгүү борбору”нун алкагында борборубуздун сегиз жаңы конуштарында “Балдардын эрте курактагы өнүгүүсүндө китеп окуунун мааниси” деген темада 12 тренинг өткөрүлдү. Бул иш-чараларга 400гө жакын ата-эне жана 441 балдар катышты.


Тренингдерди өткөрүүгө балдарды эрте куракта өнүктүрүү боюнча Кыргызстандагы мыкты адистер, педагогдор, балдар жазуучулары, “Рабаят” куурчак театры жана Бишкек шаарындагы №186 бала бакчанын методисттери жана тарбиячылары чакырылды. Аталган бала бакча иш чарага келгендерге жомокту коюп беришти. Келгендердин баары тренингдерге жана ата-эне менен балдардын биргелешип иштөөсүн чагылдырган ыкмаларга абдан ыраазы болушту.


Иш чара учурунда “Роза Отунбаеванын демилгеси” эл аралык коомдук фондунун директору Д.Ш.Кендирбаева балдардын эрте курактагы өнүгүүсүндө китеп окуунун мааниси тууралуу презентация жасады, жомок окуп берди жана балдар менен ойноонун интерактивдык ыкмаларын көрсөтүп, үйрөттү. Ошондой эле ал Фонд тарабынан басылып чыккан китептер тууралуу айтып берди. Китептер катышуучуларды абдан кызыктырды жана сабактын соңунда каалоочулар аларды сатып алышты.

 

Иш чара учурунда балдардын өнүгүүсү боюнча эксперт , Масару Ибуканын «Үч жаштан кийин кеч» китебин кыргызчага которгон А.Жоодонбеков «Сиздин балаңыз- Гений» деген темада лекция окуду жана үй-бүлөдө балдардын эрте курагында акыл-эсин өнүктүрүүнүн ыкмалары тууралуу алардын суроолоруна жооп берди. Төрөлгөндөн жети жашка чейинки учурда мээнин жана психикалык жөндөмдөрдүн өнүгүшү боюнча презентация өткөрүлдү. Презентация абдан жогорку эмоционалдык деңгээлде болду. Ата-энелер суроолорго жооп беришти жана көп учурда балдарын туура эмес тарбиялап жаткандыктарын белгилешти. Ошондой эле үй-бүлөдө балдарды эрте куракта өнүктүрүү жана тарбиялоо боюнча ушундай практикалык көндүмдөр тууралуу көбүрөөк маалымат алууну суранышты.


Эрте куракта балдарды өнүктүрүу жаатындагы эксперт А.У.Агайдарова 3-6 жаш курактагы балдар үчүн интеллектуалдуу оюндар боюнча презентация жасады. Оюндар ошол замат балдар жана ата-энелер менен биргеликте аткарылды.


Балдарга жана ата-энелерге чыгармачылык жана интеллектуалдык жөндөмдүүлүктөрдү (эс тутум, ой жүгүртүү, кеп) өнүктүрүүгө арналганматериалдар таратылды. Үй-бүлөдө балдар адабияты менен иштөө багытында: окуу, айтып берүү, балдардын суроосуна жооп берүү, сюжеттер боюнча оозеки оюндарды уюштуруу, сюжеттер боюнча сүрөт тартуу жана пластилинден кейипкерлерди жасоо, бөбөк-китебин кантип даярдоо, драматизация тууралуу кенен сунуштар берилди.


Иш чара алкагында “Жылдыздар балдарга китеп окуйт” долбоору боюнча белгилүү балдар жазуучусу, Тоголок Молдо атындагы сыйлыктын ээси, ЮНИСЕФ жана Ага Хан фонд уюштурган конкурстардын жеңүүчүсү, балдардын сүймөнчүлүгүнө ээ болгон адабий каармандар Акылай жана Актанды жараткан Жылдыз Акаева өзүнүн китебинен балдарга жана ата-энелерге окуп берди. Ошондой эле ал өзү жасаган чий куурчактарын балдарга көрсөттү. Алардын суроолоруна жооп берди.


“Рабаят”театрынын көркөм жетекчиси, драматург, режиссер, актриса, балдар жазуучусу Бурул Асакеева иш-чаранын катышуучуларына өзүнүн “Кубулуш” жана башка жомокторун окуп берди, жомоктордун сюжети боюнча куурчак театрын көрсөттү. Бул балдарда да, ата-энелерде да зор кызыгууну жаратты. Балдар ата-энелери менен чогуу отуруп, өздөрү жомокко аралашып кетишти.

Белгилүү теле алып баруучу , кино жана театр актрисасы Назира Айтбекова “365 кун жомок”китебинен жомокторду окуп берди жана өзүнүн ийгиликтеринин сыры менен бөлүшүп, балдарга жана ата-энелерге шаңдуу маанай тартуулады.


Ак-босого жаңы конушундагы тренингдин соңунда №16 МТУнун начальнигинин орун басары Т.Ч.Мусуркулов, Бишкек мэриясынын билим берүү Башкармалыгынын башкы адиси Ч.Н.Майтикова Фондго өздөрүнүн чоң ыраазычылыктарын билдиришти.

 

№16МТУнун №10 кварталдык комитетинин начальниги Исакова Жийдегүл: тренингке катышып жатып балдар менен «Улагым» деген ырды кошулуп ырдап жибергенимди билбей калыптырмын, бул долбоор биздин конушка абдан убагында келди, мен өзүмдүн неберелеримди эрте курагында кантип тарбиялоо боюнча ойлонуп жаткам, алар бул жерде көп нерсени үйрөнүштү. Бул менин неберелерим үчүн жана жаңы конуштун жаш ата-энелери үчүн абдан маанилүүү, чон рахмат»

 

13 неберелүү чоң апа Миңбаева Максуда буларды айтты: Мен КӨБдүн тренингдерине башынан бери катышып келатам. Бүгүн алтынчы ирет келдим. Менин неберелерим гигиена көндүмдөрү боюнча көп нерсени үйрөнүштү. Тренингдер мага, менин неберелериме абдан жакты. КӨБдүн окутууларынын баарына катышам деген ойдомун жана мындан кийин өзүмдө жакшы жагына өзгөрүү болот деген үмүттөмүн.


Асакеева Зарыйна төрт баланын энеси, ал төмөнкүлөргө токтолду: “Мен КӨБдүн тренингдерине катышып келатам. Бул жерде балдар үчүн абдан кызыктуу темалар тандалган. Тренингдерден улам мага жаңы ойлор пайда болду, өзүм да баладай бактылуу болуп, жашарып калдым. “Р.Отунбаеванын демилгеси” фондуна көп ийгиликтерди каалаймын, балдардын өнүгүүсү боюнча дагы көп нерсени биле алам деген үмүттөмүн”.


Калыс –Ордо жаңы конушунда КӨБдун тренингдеринин туруктуу катышуучусу Тиленбаева Перизат төмөнкүдөй жыйынтыкка келген: “Мен КӨБдүн тренингдерине 2017-жылдан бери үзбөй катышып келатам. Көп нерсени үйрөндүм, башкысы менин беш балам бар, бирок ушул маалга чейин мен аларга көп көңул буралбай келгем. Ушуну ойлоп азыр абдан кейип отурам, көрсө алар кичине мезгилде көбүрөөк көңүл буруу керек экен. Мага окшогон ата-энелер көп. КӨБ өткөргөн тренингдерден балдарды эрте куракта өнүктүрүү боюнча тажырыйбаларды дагы көбүрөөк алабыз деп ойлоймун”.


Шабданова Тумара: “Менин беш балам бар. Үйдө отурсам да балдардын эрте курактагы өнүгүүсүнө буга чейин маани берген эмес элем. Балдарга бул куракта көп көнүл буруу керектигин эми билип отурам. Бүгүн менин 4 жаштагы балам тренинг учурунда абдан жакшы сүрөт тартты. Анын сүрөткө шыгы бар экенин биринчи жолу байкадым.

 

Калмукамбет кызы Феруза: "Менин эки балам бар. КӨБдүн тренингдерине балдарымды дайыма алып келем. Бул иш чаралардан мен ата-эне балдарына кандай мамиле жасоосу керек, алар менен кандай оюндарды ойносо болоорун үйрөндүм. Мурда көп көңүл бурчу эмесмин. Азыр эки жарым жаштагы кызымдын бардык суроолоруна өз убагында туура жооп берем, аны менен ойноймун. Биз балдарга абдан дитибизди коюп, жакшы мамиле жасашыбыз керек экен, менде ушул сезим пайда болду”.


Калыс-Ордо жаңы конушунун тургуну, жаш акын Батыркулова Сайра: “Мен буга чейин Фонд уюштурган «Поэзия кечеси» долбооруна катышкан элем. КӨБдүн тренингдерине катышуу менен мен өзүм күтпөгөндөй көп нерсени ала алдым, ар б ир сабак катуу таасир этип, мага позитивдүү ой жүгүртүүнүн жана чыгармачылыктын үрөнүн септи. Мен балдарды тарбиялоо ишине жасаган мамилени тереңирээк билүүм керек экен деген жыйынтыккак келдим. КӨБдун адистерине ырахмат”.


Ала Тоо жаңы конушунун тургуну Сапаралиева Сыягул: "Мен уулум Усман экөобуз тренингдерге алтынчы ирет катышып жатабыз. Бизге абдан жагып жатат, менин уулум 80%га өзгөрдү. Анын ой чабыты кеңейди, бир нерсеге ачык, кызыкдар болуп мүнөзү өзгөрдү. Балдар бакчасына бара албаган биздейлерге камкордук көргөн Роза Исаковнага чон рахмат. Сабактарды белгилүу инсандар, эксперттер өткөрүп жатышат, бул да бизге татыктуу муунду тарбиялоодо шык жаратып жатат».


Ак-Өргөө жаңы конушунун тургуну Сыдыгалиева Айзада: "Мен абдан кубанычтамын жана биздин конушка келишкендиги үчүн Фондго ыраазылык билдирем. Көп нерсени үйрөндүм, таң калычтуусу менин эки жаштагы балам абдан жөндөмдүу экен, ал кагаздан түрдүү нерселерди жасап жатат, жөнөкөй эле материалдардан сонун арчаны жасап койду. Мен эми өзүм окуп, билим алып биздин конушта бала бакча ачайын деген ойдо болуп жатам».


Көк-Жар конушунун жашоочусу Чодурова Айгерим: “Балдар – биздин келечек, ушул сөздү кээде жөн эле айтып коёбуз. А «Роза Отунбаеванын фонду бизге өзүбүздүн жаркын келечекти билим берүү, өнүктүрүү аркылуу кантип камсыз кылууну көрсөтуп жатат. КӨБдүн тренингдеринен ата-эне менен балдар ортосундагы мамилени кантип куруу керектигин , балдардын эрте өнүгүүсү, ой жүгүртүүсү, көз карашы жана калыптануусу, китептерге кызыгуусу үчүн качан, кандай салымды кошушубуз зарыылдыгын үйрөндүк. Мен балдардын билиминен биздин конуштун, албетте, бүтүндөй Кыргызстандын келечеги көз каранды деп ойлоймун!»


Исраилова Индира Алайбековна: ”Мен 3 жаштагы балам менен төртүнчү ирет катышып жатам. Балам колду кантип туура жана таза жуушту үйрөндү. Азыр болсо мени ал күн сайын колуңду жуудуңбу деп көзөмөлгө алып калды. Буга Эжейи( ыктыярчы-окутуучу) үйрөткөнүн да эсинен чыгарбайт. Мен эрте куракта тарбиялоо боюнча жаңы ыкмаларды үйрөндүм».

Акыркы жаңылыктар

13.08.2018

Келечек муундун өсүүсүнө салым кошкон өнөктөштөр

Элде демилге болсо дагы, ар тараптуу колдоо болбосо, бир нерсени ойдогудай ишке ашыруу мүмкүн эмес. Ошол себептен Жайлоо Өнүгүү борборлорун ачууда өнөктөштөрдүн колдоосуз уюштуруу кыйын. Жайлоо өнүгүү борборлорун окуу процессин жүргүзүүдө, ар кандай мастер-класстарды өткөрүүдө керектелүүчү материалдарды өнөктөштөр камсыздайт. Кумтөр компаниясы 214 930 сом акча каражатына Жети-Өгүз жана Тоӊ райондорунун жайлоо бала бакчаларын канцелярдык буюмдардан ...
13.08.2018

Улуттук Кызыл Ай коомунун ыктыярчылары жайлоо бала бакчаларында

Жакында Улуттук Кызыл Ай коомунун ыктыярчылары жайлоо бала бакчаларына барышты. Алар балдарга кесиптин түрлөрүн боюнча маалымат берип, ар кесиптин өзгөчөлүгүнө токтолушту. “Мен ар дайым балдарга кубаныч тартуулагым келет. Себеби азыркы кээ бир жаштардын өзүлөрүн пассивдүү алып жүрүшкөнү капа кылаар эле. Ошондуктан, балалык позитивдүү эмоцияларга толсо, коомдо жакшы таасир берген муун тарбияланат эмеспи. Ошол себептүү жайлоо бала бакчаларына ...
11.08.2018

Балдардын ар тараптуу өнүгүүсүнө таасир берген Жайлоо өнүгүү борборлору

Жыл сайын «Роза Отунбаеванын демилгеси» эл аралык коомдук фонду ишке ашырып жаткан «Жайлоодогу өнүктүрүү борборлору » өнөктөштөрдүн салымы менен жүргүзүлөт. 2018-жылда бул долбоорду «Аскар Салымбековдун Фонду» колдоого алып, алыскы тоолуу райондордогу балдарга мектепке чейинки зарыл билимди алууга мүмкүнчүлүк түзүүгө салымын кошту. Баардыгы болуп 15 Жайлоо өнүгүү борборлору 150 000 сомго канцеляриялык жана окуу куралдар менен камсыз ...
06.08.2018

Пост релиз «Түштүккө сапар. Конок мугалим-2018»

3 жылдан бери «Жайлоо онугуу борбору» долбоорунун алкагында долбоордун эң мыкты өнөктөштөрүн аймактардагы Жайлоо ѳнүгүү борборлорун кѳргѳзүп, тажрыйба алмашуу жана ал жерлердеги тарыхый- маданий жайлар менен тааныштыруу ишке ашырылууда. “Конок мугалим-2018” күндөлүгүнөн: 28.07-2.08 чейин Тундук аймагынан Туштук аймагына 6 адам, Туштуктөн Тундуккө 7 адам –бала бакчалардын, балдардын чыгармачылык борборлорунун жетекчилери, тарбиячылары ...
05.08.2018

«Бакай Банк» өлкөбүздүн калк арасында сабаттуулукту жогорулатууга салым кошууда

Билим деңгээлин жогорулатуу боюнча өлкөбүздүн ар аймагында өткөрүлгөн иш чараларды « Бака Банкы» туруктуулук менен колдоп келет. Бир нече жылдан бери биздин компания “Жайлоо Өнүгүү борборлору” билим берүү долбооруна каржылык жардам көрсөтүп келет. Үстүбүздөгү жылы которулган акча каражаты балдарга ар кандай мастер класстарды өткөрүүгө чыгармачыл топторду жана мугалимдерди тартууга ошондой эле, тарбиячыларды кыска мөөнөттө жайлоо бала ...
01.08.2018

КР экс-Президенти Р.И. Отунбаеванын Ысык-Көл облусуна болгон сапары

2018-жылдын 28-июлунда КР экс-Президенти, «Роза Отунбаеванын демилгеси» эл аралык коомдук фондусунун негиздөөчүсү Отунбаева Роза Исаковна, «Мекендешер» мекендештер форумунун катышуучуларынын чакыруусу боюнча ар жылдык Өрүк фест - 2018» фестивалына катышты. Бул жылы Фестиваль үчүнчү ирет Ысык-Көл облусунун Жети-Өгүз районунун Ак-Терек айылында өттү. Р.И. Отунбаева өз сөзүндө фестивалдын уюштуруучуларын жана меймандарын ангын ачылышы менен куттуктап, ...
31.07.2018

Ыраазылык

ОО "Айкол Борборунун" негиздөөчүсү Кубанычбек Осмонбековго жаамы мекендештер атынан алкыш айтабыз! Ал өзүнүн Москва шаарынан чыгуучу "Деловая аудитория" журналынын бир номерин "Мекендештер-2018" Форумуна толук арнап, аны акысыз чыгарып алып келип берди. Журнал чет жактарда ийгиликтүү иштеп жаткан биздин мекендештерибиздин тажырыйбалары, тагдыры, Кыргызстанды өнүктүрүүгө кошуп жаткан салымдары тууралуу абдан мазмундуу жана кызыктуу макалаларды жана ...
25.07.2018

КР экс-Президенти Р.И. Отунбаеванын Чүй жана Талас областтары боюнча иш сапары

2018-жылдын 20-июлунда Кыргыз Республикасынын экс-Президенти, «Роза Отунбаеванын демилгеси» эл аралык коомдук фондунун негиздөөчүсү Отунбаева Роза Исаковна Кыргызстандын малчыларынын V Республикалык слетуна катышты, слет Чүй областынын Суусамыр өрөөнүндө өттү.   Слетто Р.И. Отунбаева «Жайлоодогу балдарды өнүктүрүү борборлорунун» иши жөнүндө айтып берди, малчылардын слетун тажрыйба алмашуу жана алдыңкы малчыларды жана айыл чарба кооперативдерин ...
25.07.2018

Компаньон Банкы «Жайлоодогу өнүктүрүү борборлору» долбоорунун алкагында беш борборду ачууну колдоду

Компаньон Банкы «Жайлоодогу өнүктүрүү борборлору» долбоорунун алкагында беш борборду ачууну колдоду, анын максаты калкка мектепке чейинки билимди алууга бирдей жеткиликтүүлүктү камсыз кылуу болуп саналат. Жайлоодогу балдар бакчаларында жай мезгилин алыскы тоолуу райондордо өткөрүп жаткан малчылардын балдары окутуунун атайын иштелип чыккан программасы боюнча базалык билимдерди алат. Долбоорду уюштуруучу болуп «Роза Отунбаеванын демилгеси» ЭКФ ...
24.07.2018

«Мекендештер-2018» форуму дүйнөнүн 20 өлкөсүнөн келген мигранттарды Чолпон-Атада чогултат

Чолпон-Атадагы Чыңгыз Айтматов атындагы «Рух Ордо» маданий борборунда 8-августтан 9-августка чейин ар жылдагы «Мекендештер-2018» форуму өтөт. Алдыдагы иш-чарадан күткөн үмүт-тилектери жөнүндө анын уюштуруучулары Бишкектеги пресс-конференцияда айтып берди.   Программа жөнүндө маалымдоо алдында брифингдин уюштуруучулары жана катышуучулары «Азаттык» радиосунун курман болгон журналисти Улан Эгизбаевди бир мүнөт унчукпай туруу менен ...
24.07.2018

Борбордо жергиликтүү өз алдынча башкаруу органдарынын (ЖӨБО) кызматкерлери үчүн гендердик жана чыр-чатак сезимталдыгын пландаштыруу боюнча тренинг өтөт

2018-жылдын 25-27-июлунда «Роза Отунбаеванын демилгеси» эл аралык коомдук фонду жана БУУнун Калк жагынан фонду (ЮНФПА) ЖӨБОнун кызматкерлери үчүн гендердик жана чыр-чатак сезимталдыгын пландаштыруу боюнча тренингди өткөрүп жатат, ал БУУнун агенттиктеринин (ЮНФПА, ЮНИСЕФ, БУУ УНП) «Бишкек шаарынын турак жай конуштарында тынчтыкты жана стабилдүүлүктү бекемдөө үчүн социалдык жана гендердик теңчиликти алга илгерилетүү» деген биргелешкен долбоорун ишке ...
24.07.2018

«Роза Отунбаеванын демилгеси» ЭКФ «Кыргызстандын жайлоолорундагы өнүктүрүү борборлору» темасына арналган видео-роликтердин байгелүү конкурсун жарыялайт

«Роза Отунбаеванын демилгеси» ЭКФ «Кыргызстандын жайлоолорундагы өнүктүрүү борборлору» темасына арналган видео-роликтердин байгелүү конкурсун жарыялайт Конкурстун башталышы: 2018-жылдын 15-июлу Конкурстун аякташы: 2018-жылдын 25-августу Статистика боюнча Кыргызстанда балдардын 20%ынын гана балдар бакчаларына баруу мүмкүнчүлүгү бар, айрым областтарда бул цифра андан да аз – 14%. Айылдык балдардын, малчылардын балдарынын мектепке чейинки ...
23.07.2018

«Бай-Түшүм» Банкы «Роза Отунбаеванын демилгеси» эл аралык коомдук фондунун Жайлоодогу өнүктүрүү борборлорун 5 жыл бою колдоп келатат

«Бай Түшүм» Банкы «Роза Отунбаеванын демилгеси» эл аралык коомдук фонду ишке ашырып жаткан «Жайлоодогу өнүктүрүү борборлору - 2018» долбоорун кезектеги жолу колдоого алды, ал алыскы райондордогу балдарга мектепке чейинки зарыл билимди алууга мүмкүнчүлүк берет.   Быйылкы жылы «Бай Түшүм» Банкы жайлоодогу 7 өнүктүрүү борборуна: Баткен областынын «Ак-Шумкар», Талас областынын «Бөбөктай», Нарын областынын «Айзирек» жана «Бирлик - Таазим», Жалал-Абад ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Форум Мекендештер-2018

«Аларда кандай болду экен?»

«Фонддун долбоорлору»