Пресс-центр Сүрөт галереясы

06.08.2015

Сун Цинлин Фонду тарабынан уюштурулган Кытайдагы 6-эл аралык жайкы лагерге балдардын барышы боюнча отчет

22-29-июлда Кыргызстандын бардык регионунан келген 10 баладан турган топ Сун Цинь Линь фонду тарабынан уюштурулган Кытайдагы 6-эл аралык жайкы лагерге барып келди. Бардык балдар – табигый-математика сабактары (тереңдетилген жана базалык физика, химия, биология) жана англис тили боюнча 2015-жылдын республикалык олимпиадасынын жеңүүчүлөрү, ошондой эле республикалык жана эл аралык спорт мелдештеринин жана чыгармачылык конкурстардын жеңүүчүлөрү. Алар акысыз барып келишти.

 

Катышуучулардын тизмеси:

1. Айдай Самакова, Кара-Балта ш., англис тили

2. Нурбек Байзаков, Баткен, тереңдетилген физика

3. Аязбек Бекманбетов, Бишкек ш., КТРнын “Президент сүйлөйт” теледолбоорунун жеңүүчүсү

4. Жанболот Бакыт уулу, Бишкек ш., юниорлордун арасында ушу боюнча Азия чемпионатынын жеңүүчүсү

5. Мария Наумова, Бишкек ш., Бишкек хореографиялык окуу жайы

6. Жасмин Бактыбек кызы, Бишкек ш., Республикалык окуп берүүчүлөр конкурсунун жеңүүчүсү

7. Колдошбек Ташиев, Ош ш., физика

8. Нурак Сагынбеков, Талас ш., биология

9. Айдана Талантбек кызы, Ысык-Көл облусу, эл аралык сүрөттөр конкурсу

10. Каныкей Кыдыралиева, Жалал-Абад ш. , химия

11. Асель Жакыпбекова, “Балалык мектеби” программасынын координатору, “Роза Отунбаеванын демилгеси” ЭКФсы

 

Маалымат: Сун Цинлин – кытай саясий ишмери жана кытай революциясынын лидери Сун Ятсендин жубайы (https://ru.wikipedia.org)

 

Лагерь алтынчы жолу өткөрүлүүдө, бирок Кыргызстандын балдары мурдагы президент Р.И. Отунбаеванын Кытайга болгон сапарынан кийин лагерге барууга биринчи жолу мүмкүнчүлүк алышты.

 

2015-жылдагы лагерге дүйнөнүн 25 өлкөсүнөн: Кытайдан, Түштүк Кореядан, Япониядан, АКШдан, Австралиядан, Жаңы Зеландиядан, Чехиядан, Венгриядан, Грециядан, Франциядан, Пакистандан, Индиядан, Шри-Ланкадан, Малайзиядан, Египеттен, Палестинадан, Кыргызстандан, Өзбекстандан, Зимбабведен жана башка өлкөлөрдөн келген балдар катышты. Ар бир делегацияда 3төн 20га чейин бала болду.

 

Жайкы лагердин максаты: дүйнөнүн ар кандай өлкөлөрүнөн келген балдарга кытай маданиятын, тарыхын, үрп-адаттарын көрсөтүү; түрдүү өлкөлөрдөн келген балдарга бири-бири менен достошууга, жаңы курбуларын табып, өздөрүнүн маданияты менен тааныштырууга мүмкүнчүлүк берүү.

 

Лагердин девизи: “Кытайда. Дос болуу” (In China. Be friends)

 

Жайкы лагердин программасы эки маршрут боюнча түзүлгөн:

1) Пекин – Нантонг - Шанхай

2) Пекин - Ички Монголия

 

Ошентип, Пекинде алгачкы эки күндөн кийин катышуучулар өздөрүнүн каалоосу боюнча эки топко бөлүнүштү, алардын ар бири өзүнчө маршрут боюнча кетишти.

 

Кыргызстан Пекин-Нантонг-Шанхай маршрутун тандап алды. Алгачкы үч күн Пекин шаарынын чет жакасындагы отелде өттү. Биринчи күнү, 22 июлда, ачылышта ар бир өлкө өз өлкөсүнүн презентациясын көрсөттү. Кыргызстан кыргыз салттуу музыкалык аспаптардын – чопо-чоордун, комуздун, ооз комуздун презентациясын, Кыргызстанда балдар жакшы көргөн спорттун бир түрү катары кытай гимнастика ушусун жана кыргыз кийимдерин көрсөттү.

 

Экинчи күнү балдар Кытайдын тарыхы менен таанышып чыгышты. Каллиграфия боюнча мастер-класстарга, салттуу кытай маскаларына сүрөт тартууга, бийге, кытай пельменин жасоого, кытай музыкасына, падышанын сарайындагы кызматкерлердин салттуу тарыхый кийимдерин жасоого катышты.

 

Үчүнчү күнү балдар Улуу Кытай сепилиндеги заставалардын бирине барышты. Сепил тоо аймагында жайгашкан жана анда өтө бийик тепкичтер бар, ошондуктан заставанын бардык алты постун дене бой жагынан даярдалган балдар гана, анын ичинде Кыргызстандан барган балдар да өтө алышты. Андан ары программа боюнча биз Кытайдын акробатикалык шоусуна бардык. Кытай артисттеринин номерлеринин деңгээли бардык көрүүчүлөрдө абдан суктанууну жаратты.

 

Кечкисин Кыргызстандын делегациясы башка өлкөлөрдөн келген балдар менен бирге Пекинден Нантонго/Нантуньга, Цзяньсу провинциясынын шаардык округуна кетишти (https://ru.wikipedia.org/wiki/%D0%A6%D0%B7%D1%8F%D0%BD%D1%81%D1%83). Ал жакка поезд менен 15 саатта барышты. Темир жолдун боюндагы Цзяньсу провинциясы күрүч жана башка өсүмдүктөр айдалган талаалары бар айыл жергеси. Үйлөр негизинен бир же эки кабаттуу. Айрым айылдарда кичинекей айыл үйлөрүн бузуп салышып, бүтүндөй бийик үйлөр кварталдары курулууда. Жердин ар бир метри жашылдандырылып, ар бир участокто, темир жол полотносунда – жер участоктору бар экендиги таң калтырат.

 

Негизи эле биз көргөн Кытайдын бардык шаарлары жана айылдары, мындайча айтканда, жашыл чөп-чарга баткандыгын өзгөчө белгилеп кетсе болот. Жердин ар бир алакандай бөлүгүндө, ар бир метринде бак-дарактар, гүлдөр, талаалар орун алган.

 

Нантонгодо бизди Чжинь Дао экологиялык паркына жайгаштырышты. Паркты жеке адам ижарага алып, бирок ал мамлекетке таандык экен. Кытайдын мыйзамы боюнча бүт жер мамлекетке таандык. Экологиялык парк Цзяньсу провинциясынын сыймыгы болуп саналат жана ал спорттук жана аскердик-спорттук машыгуулар үчүн аянтчалар жана мейманкана корпустары бар чоң парк.

 

Балдар түштөн кийин спорттук машыгуулар – канат менен өтүү, түрдүү тоскоолдуктардан өтүү менен алек болушту.

 

Кытайда жай мезгилинде мектеп окуучулары үчүн көп сандаган түрдүү лагерлер: спорттук, аскердик (бардык балдар униформа кийишет), экологиялык, туристтик лагерлер өткөрүлүп тураарын белгилеп кетүү зарыл. Ички мектеп туризми өнүккөн. Экологиялык паркта, Кытай сепилинде, Шанхай телемунарасында балдардын топтору абдан эле көп болду. Телекөрсөтүүдөн балдар үчүн ботаникалык бакчаларга экскурсиялар, жаштар үчүн этнографиялык экспедициялар ж.б. көрсөтүлүп турат.

 

27-июль күнү спорт оюндарына жана түрдүү топтук тапшырмаларга арналды. Кечкисин “Талант-шоу” болду, анда делегациялар бийлешип, ырдашып, музыкалык композицияларды аткарышты. Кыргызстандын атынан Кара-жорго бийи көрсөтүлүп, Мария Наумованын жеке аткаруусунда номер коюлду. Чехиянын жана Шри-Ланканын делегациясы абдан сонун бийлерди көрсөтүштү. “Талант-шоу” аяктагандан кийин бардык балдар чехтердин бийин үйрөнүүгө кетишти.

 

Лагердин акыркы күнү Кытайдын эң чоң шаары, анын экономикалык борбору Шанхайда өттү (https://ru.wikipedia.org). Нантонгодон Шанхайга сапар тарткан мезгилде бизге Шанхайдын тарыхы, апийим согуштарынын тарыхынан, Нанкин келишиминен, шаардын европа кварталдарынын ж.б. алынган айрым учурлар жөнүндө кең-кесири айтып беришти.

 

Шанхайда автомобилдерди жөнгө салуу жөнүндө маалымат абдан кызыктуу болду. Калктын саны абдан көп болгондуктан бийлик шаарда машиналардын санына чек коюуга аргасыз. Шанхайда бардык номерлер эки категорияга бөлүнөт – биринчиси шаардын төмөнкү чегинде гана жүрө алат жана экинчиси бардык жерде жүрсө болот. Экинчи категориядагы авто ээлери тоскоолдуксуз жүрүү укугу үчүн абдан чоң сумманы төлөшү керек.

 

Шанхайда катышуучулар байыркы кол өнөрчүлүк кварталдарынын бирине, бийиктиги 468 метр болгон (бийиктиги боюнча дүйнөдөгү бешинчи телемунара) белгилүү “Чыгыш жемчужинасы” телемунарасына барышты.

 

Шанхайда бир нече бийик имараттар жайгашкандыгын белгилеп кетүү керек, алар Азиядагы жана дүйнөдөгү эң бийик имараттардын катарына кирет, атап кетсек Цзинь Мао мунарасынын имараты – шпили менен 421 м, Шанхай мунарасы – шпили менен 634 м, Шанхай бүткүл дүйнөлүк борборунун имараты – 492 м, аны шанхайлыктар өздөрү “открывашка” деп аташат.

 

Кечкисин бардык катышуучулар дарыя катеринин бортунан кечки шаарды көрө алышты.

 

Балдардын айтуусу боюнча бардык баруулар, спорт оюндары жана курбулары менен баарлашуу алардын эсинен чыкпайт. Шаарлардын ичинен балдардын дээрлик баарына Шанхай жакты, балким ал жерде экскурсия көп болгондуктанбы. Дээрлик бардык балдар кытайлыктардын эмгекчил экендигин айтышты. Балдар бири-бирин сапардын жүрүшүндө биринчи жолу көргөндүктөрүнө карабастан, бизде абдан ынтымактуу команда болду.

 

Баткенден келген катышуучу (түрк лицейи), физиканы тереңдетип окуу боюнча олимпиаданын жеңүүчүсү жана Мумбайда физика боюнча эл аралык олимпиаданын катышуучусу Нурбек Байзаковдун “Сиз Кытай тууралуу эмне билдиңиз?” деген суроого берген жообун айтып кетсе болот: “Кытай экспоненциалдуу өнүгүп жаткандыгын кытайлыктар эмгекчил жана ынтымактуу болушунун фактысы ырастады”.

 

Кыргызстандын Кытайдагы Элчиси Бактыгулова Канайым Жумадыловнага сапар мезгилинде жана анын бардык этаптарында кам көрүп, жардам бергендиги, Пекиндин аэропортунда балдарды тосуп алгандыгы үчүн, ошондой эле Кыргыз Республикасынын Үрүмчүдөгү консулдугунун кызматкерлерине делегацияны тосуп алып жана узаткандыгына чоң ыраазычылык билдиребиз.

 

Акыркы жаңылыктар

18.10.2019

Санарипке карай жол

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция жыйынтыкталды.   Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Ош Мамлекеттик университетинде «Санариптештирүү: Дүйнөдө жана Бизде» конференциясы КР экс-Президенти Р.Отунбаеванын катышуусу менен өттү

Үстүбүздөгү жылдын 16-октябрында Ош мамлекеттик университетинин базасында КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өттү. Конференцияга Ош областынан, Ош шаарынан өкүлдөр, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Жалал-Абадда «Санариптештирүү: Дүйнөдө жана Бизде» конференциясы өтүүдө

17-октябрда Жалал-Абад облусунда КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтүүдө. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышууда. Ал эми КР Илимдер академиясынын, КР Маалымат ...
16.10.2019

Санариптешүү жашоону жеңилдетет

Баткен облусунда «Санариптештирүү дүйнөдө жана бизде» аттуу форум уюштурулуп, бул багытта ийгиликтүү иш тажрыйбасы бар мамлекеттик жана менчик мекемелердин өкүлдөрү чогулушту. Иш чарага экс-президенти Роза Отунбаева катышып, жаңы технологияларды күнүмдүк жашоодо кеңири колдонууга үндөдү. https://www.azattyk.org
15.10.2019

Креативдүү программалоо боюнча биринчи олимпиада

Биз креативдүү, ар тараптуу ойлоно алган, жаңы нерсе жаратууга кызыкдар жаштарды өстүрүүгө умтулабыз! Курак: 7-12 жаш Өлкө: Кыргызстан Билдирме калтыруу мөөнөтү 10-ноябрга чейин Программалоо тили: Scratch Окутуу: Олимпиадга даярдоо боюнча акысыз мастер-класстар каралган. Scratch программалоо тили - бул Массачусетс Технологиялык Университетинин (MIT) профессорунун табылгасы. Ал мультфильм, оюн жана анимация жаратуу үчүн универсалдуу платформа. Жөнөкөй жана ...
14.10.2019

18-октябрда Поэзия кечесинин жаңы сезону ачылат! Сиздерди кайрадан Поэзия кечесине чакырабыз! Калтырбаңыздар! Шашылыңыздар!

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар Союзунун “Алтын калем” сыйлыгынын ээси Мая Осмонкулованын чыгармачылыгына арналат жана ал “Жүрөк ...
14.10.2019

Пресс-релиз «Санариптештирүү: Дүйнөдө жана Бизде»

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтөт. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышат. КР Илимдер ...
12.10.2019

Чакан гранттар социалдык жактан маанилүү маселелерди чечет

Талас областынын Талас айылында (Манас району) сентябрдын башында демейдегиден башкача долбоор старт алды.   Бул долбоордун алкагында Манас районунун Талас айылындагы ооруканада эски терезелерди энергияны үнөмдөчү жылчыксыз жаңы терезелерге алмаштыруу боюнча иштер аткарылып жатат. Долбоор ФРГнын КРдагы Элчилигинин Калктын аялуу катмарларынын жашоо деңгээлин жакшыртуу боюнча чакан долбоорлору программасынын алкагында ишке ашырылып ...
10.10.2019

«Кыргызстаныбызды окуп-үйрөнөбүз» аттуу билим сандыгы тартууланат

“Роза Отунбаеванын демилгеси” эл аралык коомдук фондунун эко-долбоору 2018-жылы – Аймактарды өнүктүрүү жылы – 5-10 жаш курактагы балдар үчүн "Изучаем наш Кыргызстан" жана "Кыргызстаныбызды кыдырабыз" аттуу кооз иллюстрацияланган китептерди кыргыз жана орус тилдеринде чыгарды. Башкы каармандар Эркинай менен Бекжан жана алардын ата-энесинин саякатына ортоктош болуп, окурман биздин өлкөнүн баардык облустарын кыдырат да, ар кайсы аймактардагы ...
07.10.2019

Билим берүүчү уюмдарга жана китепканаларга «Кыргызстандын илимдеги жана техникадагы айымдары» китеби берилди

4-октябрда Бишкек шаарынын билим берүүчү уюмдарына жана китепканаларына “Кыргызстандын илимдеги жана техникадагы айымдары” китептерин берүү аземи болуп өттү. Китепти АКШнын КРдагы Элчилигинин Демократиялык Комиссиясынын финансылык колдоосу менен «SТЕМ’деги айымдардын мүмкүнчүлүктөрүн кеңейтүү жана ролун жогоурлатуу» долбоорунун алкагында «Роза Отунбаеванын демилгеси» ЭКФ басып чыгарды.   Кыргызстандагы STEM жагынан көрүнүктүү илимпоз ...
04.10.2019

Бүгүн бүт дүйнө жүзү эң сонун жана абдан маанилүү кесиптеги адамдарды кадырлап жатат

Кымбаттуу мугалимдерибиз, мына силердин кесиптик майрамыңар – Мугалимдер күнү кайрадан босогого келип калды!     Силер – маанайы жарык жана таланттуу адамсыңар – силерге адамдар эң баалуу болгон өз балдарын ишенип берет. Силердин акылмандыгыңар жана билимиңер – татыктуу, прогрессивдүү муунду ийгиликтүү тарбиялоонун уюткусу. Силер күн сайын өз билимиңерди жана турмуштук тажрыйбаңарды жаңы муундун акыл-эсине жана жан-дүйнөсүнө жеткирип, ...
01.10.2019

Роза Отунбаева Пенсильвания университетинде жаңы технологияларды жана алардын глобалдык таасирин талкуулоого катышты

Пенсильвания университетинде (АКШ) «Жаңы технологиялар жана алардын глобалдык таасири» темасына илимий семинар болуп өттү. Иш-чарага Кыргызстандын мурдагы Президенти Роза Отунбаева, АКШнын мурдагы мамлекеттик катчысы Джон Керри, АКШнын мурдагы коргоо министри Эшу Картеру, Human Rights Watch’тун аткаруучу директору Кеннет Рот, Uber’дин башкы илимий кызматкери Ракель Уртасун, ошондой эле Пенсильвания университетинин ректору Эми Гутман ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»