Пресс-центр Сүрөт галереясы

14.08.2015

С.Нааматов атындагы Нарын мамлекеттик университетининде «Жайлоо шартында балдарды ар тараптуу өнүктүрүү жолдору» аттуу Республикалык семинар өттү.

2015 жылдын 7-8августунда аймактардагы жогорку окуу жайлардын (ЖОЖ) педагог-профессорлору С.Нааматов атындагы Нарын мамлекеттик университетинде жана Солтон Сары жайлоосундагы “Эдельвейс” эксперименталдык бала бакчасында өткөн “Жайлоо шартында балдарды ар тараптуу өнүктүрүү жолдору” аттуу Республикалык семинарга катышышты. Семинардын максаты жайлоо шартында балдардын ар тараптуу өнүгүүсү үчүн өнүгүү борборлорун уюштуруудагы жогорку окуу жайынын аткара ала турган ишмердүүлүктөрүн НМУ нун мисалында таанышуу. Жайлоо шартында балдардын ар тараптуу өнүгүүсүн камсыз кылуу үчүн тарбиячылардын, жергиликтүү бийлик өкүлдөрүнүн, жайыт комитеттеринин ата-энелердин кызматташтыгын камсыздоо. Жайлоодогу өнүгүү борборлорунун ишмердүүлүгүнүн натыйжалуулугун жогорулатуу, демилгелерди колдоого алуу.


Иш сапардын катышуучулары: Орузбаева Т., Тентиева Э. (И. Арабаев атындагы Кыргыз Мамлекеттик Университети), Боронбаев А. (Ош Мамлекеттик Университети), Жыпаргүл Ш., Сатыбалдиева Ж.К. (Ош Мамлекеттик Педагогикалык Институту), Кадыров А. (Баткен мамлекеттик университети), Ажыбаева З., Турдубаева Б. (Жалал-Абад мамлекеттик университети), Атыгаев Б., Сатышева Г. (К. Тыныстанов атындагы Ыссык-Көл мамлекеттик университети), Нукешов С., Умарбекова А. (Талас Мамлекеттик университети), Сулайманова Р. (Ж.Баласагын ат.Кыргыз Улуттук университети).


Семинар эки күнгө созулду. Биринчи күнү семинардын катышуучулары С.Нааматов атындагы Нарын мамлекеттик университетинин жетекчилиги жана жана окумуштуу-педагогдору менен жолугушту. Алар университет туралуу презентация жасашып, иштеп жаткан ресурстук, тил жана маданият борборлору (немис, араб, кытай), Американистика жана Батышты изилдөө борбору жана С.Нааматов атындагы музей менен тааныштырышты.




Ушул эле күнү жайлоодогу өнүгүү борборлорун ачууда өнөктөш болгон №15 бала бакчанын ишмердүүлүгү менен таанышышты. Бала бакчанын директору Бейшебаева Жанымгүл балдар менен иштөөдө борбордоштуруп окутууга көңүл бурула тургандыгын, педагогдордун интерактивдүү ыкмалар менен иштей тургандыгын баса белгиледи.



Семинардын экинчи күнү Солтон Сары жайлоосундагы С.Нааматов атындага НМУнун “Эдельвейс” жайлоо бала бакчасында өттү. Бакчада төмөнкү темаларда презентациялар жасалды:


-“Жайлоо шартында бала бакчанын жаралуу тарыхы” Өмуралиева Д.К, жана Бейшебаева Ж. (С.Нааматов атындага НМУ);

- “Жайлоодогу өнүгүү борборлорун уюштуруудагы ийгиликтер, мүмкүнчүлүктөр” Жоодонбеков А.А. (“Роза Отунбаеванын демилгеси” Эл аралык коомдук фонду)

- “Жайлоо бала бакчалары” тажрыйба менен тааныштыруу. Атабаев А.А. (Кыргызстандын тоолуу аймактарын өнүктүрүү программасы, Ага Хан Фонду).


Жайлоо бала бакчаларынын тарбиячылары, Макелова Р. жана Рысбекова А., балдар менен көрсөтмө сабактарды өткөзүштү. Макелова Рыскүл кенже курактагы балдарга роза, ромашка жана шылдыран гүлдөрүнүн айырмачылыктарын айтып, теманы калыптандыруу иретинде сүрөт тарттырып, гүлдөрдүн бөлүкчөлөрүн чогултуу оюнун өткөздү. Чон курактагы тайпасы менен Рысбекова Айжан иштеди. Айжан балдарга «Жер жөнүдө түшүнүк» аттуу темада сабак өттү. Ал балдарды командаларга бөлүштүрүп өткөн тема боюнча сүрөт тарттырып, дил баян жаздырды.


Көрсөтмө сабактар балдар менен гана өткөрүлбөстөн ата-энелер менен дагы өттү. Энелер үчүн тарбиячы, Тентимишова Гүлбүбү, кийизге ою түшүрүү мастер-классын өткөздү. Энелер бул ишке кызыгуу менен катышышты. Биринчи жолу жасагандарына карабастан аягында кооз кийиз буюмдар жасалды. Өз учурунда аталар “Жети ата түшүнүгүн балдарга кантип үйрөтсө болот” –деген темада топтук тапшырма аткарышты. Алар бул тапшырманы ватманда аткарышып, өздөрүнүн чыгармачылыктарын көрсөтүштү. Ата-энелер үй шартында балдар менен мындай тапшырмаларды аткарып, балдарды ар тараптуу өнүктүрүүгө боло тургандыгын белгилешти.


Ибраева Н.И. (С.Нааматов атындага НМУнун доценти, биология имлимдеринин кандидаты) “Экологиялык тарбия берүүнүн жолдору” темасында балдар менен интерактивдүү сабак өткөрдү. Өзүнүн сабагында ал үйдө жана талаада өскөн гүлдөрдүн түрлөрүн, айырмачылыктарын түшүндүрүп берди. Балдардын жүздөрнүнөн аларга сабак кызыктуу болгондугу байкалды.


Беш күндүн аралыгында волонтер, Момуналиева Шаадат (шахмат оюндары спорт чебери), балдарга шахмат боюнча мастер-класс өткөрдү. Балдар шахматтын негизги жүрүштөрүн, фигуралардын аталыштарын гана билбестен, балдар менен жакшы мамиле түзө билгендиги көңүлдү бурду. Шаадаттын мөөнөтү аяктап, Бишкекке аттанып жатканда балдардын жибергиси келбей жаткандыгын педагодун ишинин ийгилиги катары кароого болот.


Өтүп жаткан иш чаралардын тыныгуулары Мин-Булак жайыт комитетинин башчысы, Нурмамбетов Кенжебек, тарабынан уюштурулган “кымыз-брейк” менен коштолду.


Семинардын катышуучулары, С.Нааматов атындагы Нарын мамлекеттик университетинин мугалимдери, ата-энелер, балдар биргеликте улуттук аркан тартыш оюндарын ойноп, кара жорго бийин бийлешти.


Эки күндүк семинардын жыйынтыгы катышуучулардын жана уюштуруучулардын жалпы талкуусу менен аяктады. Семинардын катышуучулары аларга семинар пайдалуу, мазмундуу жана баалуу болгондугун белгилешип уюштуруучуларга өз ыраазычылыгын билдиришти. Катышуучулар жайлоо бала бакчаларына бирдиктүү окуу жана методикалык куралдарды иштеп чыгуу, ЖОЖ дордун ортосунда тажрыйба алмашуу, ата-энелердин педагогикалык маданиятын көтөрүү, этнопедагогиканын баалуулуктарын колдонуу багытында кызматташууну талкуулашты.


Семинар С.Нааматов атындагы Нарын мамлекеттик университеттин жана “Роза Отунбаеванын демилгеси” Эл аралык коомдук фондунун тарабынан уюштурулду. 

Акыркы жаңылыктар

21.10.2019

«Жүрөк ырдайт» поэзия кечеси болуп өттү

2019-жылдын 18- октябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар союзунун “Алтын калем” сыйлыгынын ээси Мая Осмонкулованын чыгармачылыгына арналган “Жүрөк ырдайт” аттуу поэзия кечеси менен Поэзия кечелеринин 2019-2020жж жаңы ...
19.10.2019

Элетке жетпеген санарип

Өлкөнү санариптештирүү багытында бийликтин, жарандык коомдун жана ишкер чөйрөнүн кызыкчылыктары улам көбүрөөк ачыкка чыгып, бул багытта чыйыр салгысы келген тараптар коомчулуктун көңүлүн буруга аракет кыла баштады.   Атап айтканда, буга чейин, 4-октябрда Бишкекте президент Сооронбай Жээнбековдун катышуусу менен «Борбордук Азиядагы санарип трансформациясы» деген конференциясы өтсө, акыркы күндөрү ...
18.10.2019

Санарипке карай жол

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция жыйынтыкталды.   Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Ош Мамлекеттик университетинде «Санариптештирүү: Дүйнөдө жана Бизде» конференциясы КР экс-Президенти Р.Отунбаеванын катышуусу менен өттү

Үстүбүздөгү жылдын 16-октябрында Ош мамлекеттик университетинин базасында КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өттү. Конференцияга Ош областынан, Ош шаарынан өкүлдөр, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Жалал-Абадда «Санариптештирүү: Дүйнөдө жана Бизде» конференциясы өтүүдө

17-октябрда Жалал-Абад облусунда КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтүүдө. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышууда. Ал эми КР Илимдер академиясынын, КР Маалымат ...
16.10.2019

Санариптешүү жашоону жеңилдетет

Баткен облусунда «Санариптештирүү дүйнөдө жана бизде» аттуу форум уюштурулуп, бул багытта ийгиликтүү иш тажрыйбасы бар мамлекеттик жана менчик мекемелердин өкүлдөрү чогулушту. Иш чарага экс-президенти Роза Отунбаева катышып, жаңы технологияларды күнүмдүк жашоодо кеңири колдонууга үндөдү. https://www.azattyk.org
15.10.2019

Креативдүү программалоо боюнча биринчи олимпиада

Биз креативдүү, ар тараптуу ойлоно алган, жаңы нерсе жаратууга кызыкдар жаштарды өстүрүүгө умтулабыз! Курак: 7-12 жаш Өлкө: Кыргызстан Билдирме калтыруу мөөнөтү 10-ноябрга чейин Программалоо тили: Scratch Окутуу: Олимпиадга даярдоо боюнча акысыз мастер-класстар каралган. Scratch программалоо тили - бул Массачусетс Технологиялык Университетинин (MIT) профессорунун табылгасы. Ал мультфильм, оюн жана анимация жаратуу үчүн универсалдуу платформа. Жөнөкөй жана ...
14.10.2019

18-октябрда Поэзия кечесинин жаңы сезону ачылат! Сиздерди кайрадан Поэзия кечесине чакырабыз! Калтырбаңыздар! Шашылыңыздар!

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар Союзунун “Алтын калем” сыйлыгынын ээси Мая Осмонкулованын чыгармачылыгына арналат жана ал “Жүрөк ...
14.10.2019

Пресс-релиз «Санариптештирүү: Дүйнөдө жана Бизде»

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтөт. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышат. КР Илимдер ...
12.10.2019

Чакан гранттар социалдык жактан маанилүү маселелерди чечет

Талас областынын Талас айылында (Манас району) сентябрдын башында демейдегиден башкача долбоор старт алды.   Бул долбоордун алкагында Манас районунун Талас айылындагы ооруканада эски терезелерди энергияны үнөмдөчү жылчыксыз жаңы терезелерге алмаштыруу боюнча иштер аткарылып жатат. Долбоор ФРГнын КРдагы Элчилигинин Калктын аялуу катмарларынын жашоо деңгээлин жакшыртуу боюнча чакан долбоорлору программасынын алкагында ишке ашырылып ...
10.10.2019

«Кыргызстаныбызды окуп-үйрөнөбүз» аттуу билим сандыгы тартууланат

“Роза Отунбаеванын демилгеси” эл аралык коомдук фондунун эко-долбоору 2018-жылы – Аймактарды өнүктүрүү жылы – 5-10 жаш курактагы балдар үчүн "Изучаем наш Кыргызстан" жана "Кыргызстаныбызды кыдырабыз" аттуу кооз иллюстрацияланган китептерди кыргыз жана орус тилдеринде чыгарды. Башкы каармандар Эркинай менен Бекжан жана алардын ата-энесинин саякатына ортоктош болуп, окурман биздин өлкөнүн баардык облустарын кыдырат да, ар кайсы аймактардагы ...
07.10.2019

Билим берүүчү уюмдарга жана китепканаларга «Кыргызстандын илимдеги жана техникадагы айымдары» китеби берилди

4-октябрда Бишкек шаарынын билим берүүчү уюмдарына жана китепканаларына “Кыргызстандын илимдеги жана техникадагы айымдары” китептерин берүү аземи болуп өттү. Китепти АКШнын КРдагы Элчилигинин Демократиялык Комиссиясынын финансылык колдоосу менен «SТЕМ’деги айымдардын мүмкүнчүлүктөрүн кеңейтүү жана ролун жогоурлатуу» долбоорунун алкагында «Роза Отунбаеванын демилгеси» ЭКФ басып чыгарды.   Кыргызстандагы STEM жагынан көрүнүктүү илимпоз ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»