Пресс-центр Сүрөт галереясы

19.08.2015

«Роза Отунбаеванын демилгеси» Эл аралык коомдук фондунун негиздөөчүсү, КР Экс-президенти Отунбаева Роза Исаковнанын Ысык-Көл областындагы Жайлоо бала бакчалардын ишмердүүлүгү менен таанышуу иш-сапары болду

Республиканынын бардык аймактарында жайлоодогу өнүгүү борборлорун уюштуруу демилгесин жайылтып жаткан Кыргызстандын экс-президенти Роза Отунбаева баштаган топ 17-августта Жети-Өгүз районуна караштуу өнүгүү борборлорунун ишмердүүлүктөрү менен таанышты. Алгач Ак-Таш жайлоосундагы (Чоң-Кызыл-Суу айылы) жана Көк-Жайык жайлоосундагы (Жети-Өгүз айылы) өнүгүү борборлорунун иш аракети менен таанышты. Мында өнүгүү борборлорунун ишмердүүлүгү менен таанышуу менен катар ата-энелер, жайыт колдонуучулар, тарбиячылар үчүн мастер класстар, түшүндүрүү иштери, балдарга керектүү билгичтиктерди, көндүмдөрдү калыптандырууга багытталган ишмердүүлүктөргө катышты. Бул иш чарага КР Өкмөттүн Ысык-Көл облусундагы ыйгарым укуктуу өкүлү Каптагаев Э.С., «Роза Отунбаеванын демилгеси» Эл аралык коомдук фондунун аткаруучу директору Кендирбаева Д.Ш., Жети-Өгүз районунун акиминин орун басары Раматов М.С., Жети-Өгүз районундагы «Ак-Жалга» жабык акционердик коомунун – сыр заводдун директору, Ысык-Көл областы боюнча Жайлоо бала бакчаларынын камкорчулар кеңешинин мүчөсү Жүзүмалиева К., Өзгөчө Кырдаалдар Министирлигинин Окуу Борборунун адистери, Ысык-Көл областтык К.Жантөшов атындагы драмтеатрдын директору Абдрахманов К.Б. баштаган “Кумайык” куурчак спектакли, “Билимстан” балдарга билим берүү борборунун педагогдору, Балдар жазуучусу - акын А. Казиев, Б Бейшеналиева институтунун, И.Разаков атындагы политехникалык университетинин студент волонтерлору катышты жана мазмундуу өнүуктүрүүчүлүк мастер класстарды тартуулашты. Жети-Өгүз районундагы жайлоо өнүгүү борборлорунун ийгиликтүү иштөөсүндө жергиликтүү аялдар комитети жигердүү аракеттенип жаткандыгы мактоого арзыйт. Алардын ичинде Чыныбаева Г., Дыйканбаева З., Жумадилова Р. сыяктуу лидерлердин атын атоого болот. Өнүгүү борборлоруна фонддун атынан 147 жомок жазылган флешка менен радиола, кеңсе буюмдар, кепкалар, китептер белекке тапшырылды.


Ата-эненин келечеги баланын колунда – баланын келечеги ата-эненин колунда.


Экс- президент Р.Отунбаева ата энелер менен баарлашууда маанилүү учурларга токтолуп, баланын өнүгүүсүндө ата энелердин ролуна басым жасады.Малчылык учурда айыл жерде жашаган ар жашоочунун туруктуу салттык кесибине жана туруктуу киреше булагы. Өлкөбүздөгү тойканалардын, ашканалардын санынын көбөйүшү- мал этине болгон суроо-талаптын туруктуулугун далилдөөдө. Малдын баасынын жогорулашы, туруктуу керектөө - малдын санынын өсүшүнө өбөлгө болуп, мал баккандардын, жайлоого чыккандардын саны жылдан жылга көбөйгөндүгүн белгиледи. Ансыз да айыл жериндега балага ар кыл кенже курактагы балдарды өнүктүрүү кызматтары жетишсиз. Биздин ата энелердин башкы милдети, балдарыбыздын өнүгүүдөн өксүү болбосуна кам көрүүбүз милдет. Кыргызстанда 10 миллион малыбыз бар, бул жакшы нерсе, бирок адам ресурсу биринчи орунда турат. Жайлоо бала бакчаларын эмнеге ачтык? Балдар кичинекей кезинен сабаттуу болуп өссүн, -деп жатабыз. Япондор адам ресурсун өстүрүп жатышат. Сиздер да аталар, балдарыңар менен кечинде шашки, шахмат, домино ойногула, үйрөткүлө, ар кандай спектаклди үй-бүлө менен аткарып, балдарды жомок дүйнөсүнө кызыктырып, маданиятка аралаштыргыла. Балдардын ой-жүгүртүүсүн кичинекей кезинен өнүктүрбөсөк, чоңойгондо заман талабына ылайык жашай албай кыйналат. Энелер болсо кыздарга бешик ырын үйрөтүп, сайма саюунун, шырдак жасоонун ыкмаларын айтып берип, ар кандай сувенирлерди жасаганды үйрөтүү зарыл. Илимге, билимге сугарылган күчтүү коомдун мүчөсүнүн жетилип чыгышына көмөгүбүздү көрсөтөлү.


Ак-Таш жайлоосундагы “Ананайка” жайлоо өнүгүү борбору


Чоң-Кызыл-Суу айылынан өйдө жерде жайгашкан Ак-Таш жайлоосундагы “Ананайка” жайлоо өнүгүү борборунда балдар жазганды, окуганды уйрөнбөстөн, ар кандай гүлдөрдү, жүндөн сөйкө, билерик, жүндөн сүрөт жасаганды, пластилинден ар кандай жаныбарларды үйрөнүп жаткандыгына күбө болдук. Эң башкысы ар бир бала бакчада тарбиячылар үчүн усулдук, методикалык пособиелер, дидактикалык материалдар кенен экен. Балдар үчүн керектүү кеңсе буюмдары, ойногонго оюнчуктары да бар экенин көрдүк. Маселен, “Ананайка” бала бакчасынын тарбиячысы Шаршеева Жеңишкүл балдарга ат оюндарын уюштуруу үчүн балдарга атайын ат жасап, балдар ал аттар менен балдар көк-бөрү, кыз куумай оюндарын ойноп жатышкандарына күбө болдук. Дагы бул тарбиячы көрпөгө ар кандай топчуларды, крышкаларды тиктирип кооз көрпөлөрдү жасаганына күбө болдук. Бул бакчанын сыртында чоң селкинчеги бар экен, ал жерде балдар селкинчек тээп кубанышууда.


Мындан тышкары бул бакчага Өзгөчө Кырдаалдар Министрлигинин өкүлдөру, өзүнүн графиги боюнча келип балдарга коопсуздук боюнча мультфильмдерди коюп, ал мультфильмдерден балдар эмне түшүнгөнүн сүрөт тартуу аркылуу алып атышты. Бул бакчага Ысык-Көл областтык К.Жантөшов атындагы драмтеатрдын директору Абдрахманов К.Б. баштаган “Кумайык” куурчак спектакли келип балдарды куурчактар спектакли менен кубантты.


Бул бала бакчага Бишкектин Бүбүсара Бейшеналиева атындагы Исскуство Институтунан жана И. Разаков атындагы Кыргыз мамлекеттик техникалык университетинен келген студенттер дагы мастер-класстарды көрсөтүштү.


“Билимстан” балдарга билим берүү борборунун адистери балдарга пластилинден ар кандай жаныбарларды жасаганды, чий куурчак жасаганды үйрөтүштү.


Көк-Жайыктагы “Арча” жана “Келечек” өнүгүү борборлору


Андан аркы сапарыбыз Жети-Өгүз курортунан өйдө жайгашкан Көк-Жайык жайлоосундагы “Арча” жана “Келечек” бала бакчасына жол тарттык.


“Арча” жайлоо бала бакчасындагы балдарга Өзгөчө кырдаалдар министрлигинин Окуу борборунун адистери балдарга атайын коопсуздук боюнча мультфильмдерди көрсөтүп, сүрөт тартырышты. Бул бакчадагы балдарга Роза Отунбаева табышмак окуп, балдар болсо жандырмагын айтып жатышты. Асек Казиев дагы өзүнүн чыгармаларынан балдарга окуп жатты. Мындан тышкары “Роза Отунбаеванын Демилгеси” эл аралык коомдук фондунун аткаруучу директору балдарга ар кандай оюн ойнотуп, балдарга жомок окуп берди.


Бул бакчада башка улуттун дагы балдары бар болгону кызыктырды. Казакстандан келген туристер балдарын бакчага коюп коюп өзүлөрү тоого чыгып келишет экен.


Ал эми экинчи “Келечек” жайлоо бала бакчасында Ысык-Көл областтык К.Жантөшов атындагы драмтеатрдын директору Абдрахманов К.Б. баштаган “Кумайык” куурчак спектакли келип балдарды куурчактар спектакли менен кубантты.


Мындан тышкары бала бакчага Бишкектин Бүбүсара Бейшеналиева атындагы Исскуство Институтунан жана И. Разаков атындагы Кыргыз мамлекеттик техникалык университетинен келген студенттер дагы жүндөн ар кандай жасалгаларды жасап комуз черткенди үйрөтүштү.


“Билимстан” балдарга билим берүү борборунун адистери балдарга пластилинден ар кандай жаныбарларды жасаганды, чий куурчак жасаганды үйрөтүштү.


Башка бакчадан өзгөчөлөнүп бул бакчада пианинонун бар болгону. Бул бакчанын тарбиячысы Мисиралиева Съездгүл балдарды музыкага шыктандырып, пианино чертип балдарды ырдатканы аябай бир сонун көрүнүш.


Бул бакчаны өз күчү менен ачкан Жумадилова Роза, бул саамалыктын абдан маанилүү экендигин баса белгиледи. Бала бакчаынын тарбиячысы Сьездгүл эжей менен биргеликте балдарды ар тараптуу өнүктүрүү үчүн жигердүү аракеттенип жаткандыгы кубандырат.



Кошумча маалымат үчүн www.roza.kg сайты же 0312 66 03 68, 0556 54 91 54 телефондору аркылуу кайрылыңыздар.


Акыркы жаңылыктар

21.10.2019

«Жүрөк ырдайт» поэзия кечеси болуп өттү

2019-жылдын 18- октябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар союзунун “Алтын калем” сыйлыгынын ээси Мая Осмонкулованын чыгармачылыгына арналган “Жүрөк ырдайт” аттуу поэзия кечеси менен Поэзия кечелеринин 2019-2020жж жаңы ...
19.10.2019

Элетке жетпеген санарип

Өлкөнү санариптештирүү багытында бийликтин, жарандык коомдун жана ишкер чөйрөнүн кызыкчылыктары улам көбүрөөк ачыкка чыгып, бул багытта чыйыр салгысы келген тараптар коомчулуктун көңүлүн буруга аракет кыла баштады.   Атап айтканда, буга чейин, 4-октябрда Бишкекте президент Сооронбай Жээнбековдун катышуусу менен «Борбордук Азиядагы санарип трансформациясы» деген конференциясы өтсө, акыркы күндөрү ...
18.10.2019

Санарипке карай жол

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция жыйынтыкталды.   Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Ош Мамлекеттик университетинде «Санариптештирүү: Дүйнөдө жана Бизде» конференциясы КР экс-Президенти Р.Отунбаеванын катышуусу менен өттү

Үстүбүздөгү жылдын 16-октябрында Ош мамлекеттик университетинин базасында КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өттү. Конференцияга Ош областынан, Ош шаарынан өкүлдөр, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Жалал-Абадда «Санариптештирүү: Дүйнөдө жана Бизде» конференциясы өтүүдө

17-октябрда Жалал-Абад облусунда КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтүүдө. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышууда. Ал эми КР Илимдер академиясынын, КР Маалымат ...
16.10.2019

Санариптешүү жашоону жеңилдетет

Баткен облусунда «Санариптештирүү дүйнөдө жана бизде» аттуу форум уюштурулуп, бул багытта ийгиликтүү иш тажрыйбасы бар мамлекеттик жана менчик мекемелердин өкүлдөрү чогулушту. Иш чарага экс-президенти Роза Отунбаева катышып, жаңы технологияларды күнүмдүк жашоодо кеңири колдонууга үндөдү. https://www.azattyk.org
15.10.2019

Креативдүү программалоо боюнча биринчи олимпиада

Биз креативдүү, ар тараптуу ойлоно алган, жаңы нерсе жаратууга кызыкдар жаштарды өстүрүүгө умтулабыз! Курак: 7-12 жаш Өлкө: Кыргызстан Билдирме калтыруу мөөнөтү 10-ноябрга чейин Программалоо тили: Scratch Окутуу: Олимпиадга даярдоо боюнча акысыз мастер-класстар каралган. Scratch программалоо тили - бул Массачусетс Технологиялык Университетинин (MIT) профессорунун табылгасы. Ал мультфильм, оюн жана анимация жаратуу үчүн универсалдуу платформа. Жөнөкөй жана ...
14.10.2019

18-октябрда Поэзия кечесинин жаңы сезону ачылат! Сиздерди кайрадан Поэзия кечесине чакырабыз! Калтырбаңыздар! Шашылыңыздар!

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар Союзунун “Алтын калем” сыйлыгынын ээси Мая Осмонкулованын чыгармачылыгына арналат жана ал “Жүрөк ...
14.10.2019

Пресс-релиз «Санариптештирүү: Дүйнөдө жана Бизде»

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтөт. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышат. КР Илимдер ...
12.10.2019

Чакан гранттар социалдык жактан маанилүү маселелерди чечет

Талас областынын Талас айылында (Манас району) сентябрдын башында демейдегиден башкача долбоор старт алды.   Бул долбоордун алкагында Манас районунун Талас айылындагы ооруканада эски терезелерди энергияны үнөмдөчү жылчыксыз жаңы терезелерге алмаштыруу боюнча иштер аткарылып жатат. Долбоор ФРГнын КРдагы Элчилигинин Калктын аялуу катмарларынын жашоо деңгээлин жакшыртуу боюнча чакан долбоорлору программасынын алкагында ишке ашырылып ...
10.10.2019

«Кыргызстаныбызды окуп-үйрөнөбүз» аттуу билим сандыгы тартууланат

“Роза Отунбаеванын демилгеси” эл аралык коомдук фондунун эко-долбоору 2018-жылы – Аймактарды өнүктүрүү жылы – 5-10 жаш курактагы балдар үчүн "Изучаем наш Кыргызстан" жана "Кыргызстаныбызды кыдырабыз" аттуу кооз иллюстрацияланган китептерди кыргыз жана орус тилдеринде чыгарды. Башкы каармандар Эркинай менен Бекжан жана алардын ата-энесинин саякатына ортоктош болуп, окурман биздин өлкөнүн баардык облустарын кыдырат да, ар кайсы аймактардагы ...
07.10.2019

Билим берүүчү уюмдарга жана китепканаларга «Кыргызстандын илимдеги жана техникадагы айымдары» китеби берилди

4-октябрда Бишкек шаарынын билим берүүчү уюмдарына жана китепканаларына “Кыргызстандын илимдеги жана техникадагы айымдары” китептерин берүү аземи болуп өттү. Китепти АКШнын КРдагы Элчилигинин Демократиялык Комиссиясынын финансылык колдоосу менен «SТЕМ’деги айымдардын мүмкүнчүлүктөрүн кеңейтүү жана ролун жогоурлатуу» долбоорунун алкагында «Роза Отунбаеванын демилгеси» ЭКФ басып чыгарды.   Кыргызстандагы STEM жагынан көрүнүктүү илимпоз ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»