Пресс-центр Сүрөт галереясы

01.10.2013

Экс-президент Р.Отунбаева жылда өткөрүлүп турчу Клинтондун Дүйнөлүк Демилгесинин жолугушуусуна катышуу үчүн 2013-жылдын 23-26- сентябрь күндөрүндө Нью-Йорк шаарына барып келди

Клинтондун Дүйнөлүк Демилгеси – бул инновациялык идеяларды ишке ашырчу өзгөчө платформа. 2005 – жылы Билл Клинтон тарабынан уюштурулган Клинтондун Дүйнөлүк Демилгеси өзүнүн платформасынын алкагында учурдун эң актуалдуу көйгөйлөрүн чечүүдө олуттуу, прогрессивдүү чечимдерди иштеп чыгуу үчүн жана аларды ишке ашыруу үчүн дүйнөлүк лидерлерди чогултат. Жылда өткөрүлүп турчу Клинтондун Дүйнөлүк Демилгесинин жолугушуусунда адамзаттын алдында турган ар түрдү көйгөйлөр талкууга салынат – жакырчылык жана жумушсудук маселесиненбаштап саламаттыкты сактоо жана аялдардын укугуна чейин. Бул жылы Клинтондун саммити “Таасир этүү үчүн мобилдешүү” темасына арналды. Саммиттин жыйынтыгында 10,8 млрд. АКШ долларындагы суммага 160 милдеттеме киргизилген. Милдеттемелер дүйнө жүзү боюнча 22,2 млн. адамдын жашоосуна өз таасирин тийгизмекчи.


Кыргызстан бул жылы Клинтондун Дүйнөлүк Демилгесине алгачкы жолу катышты. Иш-чарада мамлекетибизди экс-президент Роза Отунбаева көрсөттү. Платформадагы жолугушуулардын алкагында Р.Отунбаева эл аралык, бейөкмөт уюмдардын өкүлдөрү жана Клинтондун Фонду менен мектепке чейинки билим берүүнү өнүктүрүү, аялдардын абалын жакшыртуу жана Кыргызстандагы саламаттыкты сактоо боюнча бир катар сүйлөшүүлөрдү өткөрдү.


Сүйлөшүүлөрдүн негизинде туберкулез жана ВИЧ/СПИД оорулар менен күрөшүүгө багытталган иш чараларды улантуу боюнча Клинтондун Фонду менен келишим түзүлгөн.

 

23 сентябрь күнү сапардын алкагында экс-президент Р.Отунбаева жараандык коомдун өкүлү катары АКШнын Президенти Б.Обаманын чакыруусу менен жараандык коомду колдоо боюнча атайын иш-чарага катышты. Иш-чаранын максаты бүткүл дүйнөдөгү жараандык коомдун көйгөйлөрүн жана коркунучтарын жогорку деңгээлде талкууга салып, пикир алмашуу болгон. Аны менен бирге талкуу негизинен жараандык коом үчүн саясий абалды жакшыртуу жолдоруна багытталган; жараандык коомго каршы чектөөлөргө дипломатиялык жана ар тараптуу басымдарды көрсөтүүнү координациялоо; Жараандык коомду логистикалык, каржы жана техникалык колдоодо, жаңы жана инновациялык жолдорду табуу.


Иш-чарада АКШнын Президенти Б.Обамага, БУУнун Генералдык секретарынын орун басары, Монголиянын президенти Ц.Элбэгдорж жана Мексиканын президенти Э.Пеньи Ньетого сөз берилди.


Ошол эле күнү, 23 сентябрда,Кыргыз Республикасынын экс-президенти Р.Отунбаеванын катышуусу менен Google “Constitution” компаниясынын жаңы долбоорунун бет ачары болуп өттү. Google компаниясынын жаңы каражатынын бет ачарына эл аралык уюмдардын, АКШнын конституцялык укук боюнча алдынкы окуу жайларынын, ИКТ компанияларынын жана АКШнын аналитикалык-маалымат борборлорунун 100дөн ашык өкүлү катышты.


Маалымат катарында: бул долбоор мамлекеттерге он лайн режиминде 160 мамлекеттин конституцияларынын салыштырмалуу анализин оперативдүү аткарууга мүмкүнчүлүк берет. Ошондой эле мамлекетте жашаган элдин каалоосун, эксперт жана саясатчылардын көрүүсү менен тарыхый апекттерди эске алып, конституциялык долбоорлорду моделдештирүүгө, бөлүктөрдү жана беренелерди ылайыкташтырып тандап алууга шарт түзөт.

 

“Google Ideas” компаниясынын жетекчиси Джаред Коэн жаңы долбоордун бет ачарындагы айтылган өз сөзүндө Кыргызстанды ийигиликтүү конституциялык реформа жасаган мамлекет катарында экендигин айтып өттү. Жаред Коэн Р. Отунбаевга иш-чарага келип, “Жаңы доордогу конституционалдык процесстерге жана конституцияга болгон мезгилдин чакыруусу” аталыштагы дискуссияга катышып, аудиториянын Кыргыз Республикасындагы конституциялык реформа жана саясий процесстерди ишке ашыруу боюнча суроолоруна жооп бергендиги үчүн ыраазычылыгын билдирди.


Экс-президент Р. Отунбаева дүйнө жүзүндө бардык саясий реформалар көп учурда катаал шарттарда, оппозициялык каршылыктар көрсөтүлүп, тез чечим кабыл алуу талап кылынып жаткан кезде өткөрүлөрүн айтып кетти. Андыктан Google компаниясынын жаңы каражаты элдин каалоосуна дал келген конституцияны моделдештирүү процестерин бир кыйла жеңилдетет. 


Р.Отунбаева катышуучуларга Кыргыз Республикасында ишке ашкан конституциялык реформа, саясий системаны тууралап турган анын негизги жоболору жөнүндө айтып берди.


Google компаниясынын жаңы долбоорун төмөнкү дарек боюнча көрүүгө болот https://www.constituteproject.org

 

“Роза Отунбаеванын демилгеси” эл аралык коомдук фондусунун пресс-борбору

 

Акыркы жаңылыктар

22.08.2019

«Бакай Банк» балдардын өнүгүүсүнө салым кошууну улантууда

«Роза Отунбаеванын демилгеси» Эл аралык коомдук фонду тарабынан 2014-жылдан бери «Жайлоо өнүгүү борборлору» долбоору Кыргызстандын бардык аймагында иштеп келет. 2019-жылы 114 ЖӨБ ачылып, жай мезгилинде 3200 ашык бала билим алды.   Бир нече жылдан бери «Бакай Банк» балдардын билим берүүсүнө багытталган “Жайлоо Өнүгүү борборлору” долбооруна каржылык жактан жардам берип келет. 2019-жылы которулган акча каражаты балдарга ар кандай мастер класстарды өткөрүүгө, ...
21.08.2019

«Гений» радиоберүүсү: Мектепте англис тили сабагынын саатынын көбөйүшү жана натыйжасы

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында мектеп окуучуларынын англис тили сабагынын сааттарынын көбөйүшү жана анын натыйжалары жөнүндө сөз болду. Мектептерде чет тилдерди окутуу 3-класстан 11-класска чейин жүргүзүлөт, англис тилинин сааттары быйыл 5-класстар үчүн 5 саат, 6-класстарга 4 саат, 7-класстарга 3 саат кошулду.   Чет тилдердин маанилүүлүгү, ...
21.08.2019

Үй-бүлөлүк дарыгерлер тобу электрондук система аркылуу иштөөгө өтүүдө

Үстүбүздөгү жылдын 15-16-августтарында “Ынтымактуу конуштар” долбооруна пилоттук болуп кирген Бишкек шаарынын Калыс-Ордо, Ак-Ордо, Ак-Бата жана Көлмө жаңы конуштарынын Үй-бүлөлүк дарыгерлер тобунун (ҮДТ) кызматкерлерине жана Коомдук ден соолук комитеттеринин (КДК) мүчөлөрүнө персоналдык компьютер жана электрондук почта аркылуу иштөөгө үйрөтүү окутуулар өткөрүлдү. Окутуунун максаты – Үй-бүлөлүк дарыгерлер тобу менен Коомдук ден соолук ...
21.08.2019

FINCA Банк «Жайлоо өнүгүү борборлоруна» колдоо көрсөтүүнү улантууда

2019-жылы Кыргызстандын жайлоолорунда 114 “Жайлоо өнүгүү борборлору” ачылып, жай мезгилинде балдарга билим беришти. “Жайлоо өнүгүү борборлору” долбоорунун өнөктөшү FINCA Банк бешинчи жыл катары канцеляриялык товарлар, балдардын аң сезимин өнүктүрүүчү оюнчуктар жана башка керектүү буюмдарды берип жардам көрсөтүп келе жатат.   Быйыл банктын Кочкор-Атадагы филиалы Ноокен районунун Кызыл-Кыштак айылындагы “Нур-Айым” жайлоо өнүгүү борборуна, Нарын филиалы ...
20.08.2019

«Гений» радиоберүүсү: Кыргызстандык окуучулардын химия боюнча Эл аралык олимпиадада көрсөткөн жыйынтыктары

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында Парижде өткөн химия боюнча Эл аралык олимпиадасына катышкан кыргызстандык окуучулардын көрсөткөн жыйынтыктары жөнүндө сөз болду. Олимпиада үстүбүздөгү жылдын июль айында өтүп, ага 84 өлкөдөн 330 окуучу катышкан. Кыргызстандан төрт окуучу: Нурсултан Соодонбеков, Эльмар Зикиров, Бакай Шейитов жана Мирхад ...
01.08.2019

Жайлоо өнүгүү борборунда тарбияланып жаткан балдардын креативдүү сапаттарын өнүктүрүшүүдө

Үстүбүздөгү жылдын 29-июлунда Ысык-Көл облусуна караштуу Ак-Суу районундагы Башарин жайлоосундагы «Заря» жайлоо өнүгүү борборунда «Баланын креативдүү сапаттарын өнүктүрүү» темасында семинар болуп өттү. Иш-чарага ата-энелер, облусттук билим берүү институтунун кызматкерлери, жергиликтүү бийликтин жана Заря корпоративинин өкүлдөрү катышты. Заря корпоративи балдарга таттууларды таратып көңүлдөрүн көтөрүшсө, жергиликтүү бийлик, райондук билим ...
01.08.2019

2019-жылдын 1-2-август күндөрү Бишкектеги КР Ала-Арча мамлекеттик резиденциясында КР Президентине караштуу чет өлкөлөрдөгү мекендештер менен байланыш боюнча Кеңештин биринчи жыйыны өтүп жатат

Белгилей кетсек, бул иш чара “Роза Отунбаеванын демилгеси” эл аралык коомдук фонду тарабынан негизделип, 2012, 2014, 2016, 2018-жылдары төрт ирет тең коомдо чоң окуя катары өткөн Мекендештер Форумунун ишмердигинин түздөн-түз жыйынтыгы деп айта алабыз. Анткени аталган иш чара мамлекеттик структура менен чет жактарда иштеп жүргөн мекендештердин Кыргызстанды өнүктүрүү максатындагы өз ара диалогун камсыз кылууда мыкты аянтча болуп бере алгандыгын ...
23.07.2019

Эко-арт лагердин катышуучулары ак илбирстерди көрүштү

Кара-Кужур жайлоосунда өтүп жаткан Кыргызстандагы биринчи эко-арт лагердин катышуучулары Ананьевадагы Айбанаттарды калыбына келтирүү борбору менен таанышып, ак илбирстерди көрүштү. 20 ашык өспүрүм 19-июлда Ысык-Көл облусунун Ананьева айылындагы Германиянын жаратылышты коргоо бирикмеси (NABU) Айбанаттарды калыбына келтирүү борборунда болушуп, ал жактагы эки ак илбирс, сүлөөсүн, бүркүт, түлкү жана куштарды көрүп, борбордун ишмердүүлүгү менен таанышып, ...
19.07.2019

Кыргызстанда активист-мигранттар үчүн адамдардын укуктарын алга илгерилетүү боюнча волонтердук иш тууралуу жайкы үйрөтүү лагери өттү

Үстүбүздөгү жылдын 12-июлунда USAIDдин "Адамдын укугу жана кадыр-баркы" долбоорунун алкагында мигранттар үчүн үч күндүк жайкы үйрөтүү лагери Жалал-Абад облусунун Кара-Алма айылында жайгашкан “Кара-Алма” эс алуу жайында өттү. Лагердин максаты – мигранттардын укуктарын алга илгерилетүү боюнча волонтердук иш жөнүндө маалыматты мурдагы мигранттарга берүү.   Лагердин ишине жалпысынан он алты мигрант болгон, коомдук лидер болууга жана коомдун ...
18.07.2019

Кара-Кужур жайлоосунда эко-арт лагери өтөт

2019-жылдын 20-июлунан 28-июлуна чейин Кыргызстандын эң кооз, ак илбирс уялаган, мамыры гүлдөрү жайнаган, атактуу - Кара-Кужур жайлоосунда 20 өспүрүм катышкан эко-арт лагери өтөт. Катышуучулар кино, актердук чеберчилик, живописти үйрөнүү аркылуу экология тууралуу түшүнүк алышат жана бул боюнча өз ойлорун айтууну үйрөнүшөт. Кыздар жана балдар аталган жанрлар боюнча командаларга бөлүнүп алып иштешет. Аларга ХV Казань фестивалында гран прини, «Ак илбирс» ...
18.07.2019

«Гений» радиоберүү: Мектеп бүтүрүүчүлөрдүн жалпы республикалык тестирлөөдө көрсөткөн жыйынтыктары

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында 2019-жылы мектепти аяктаган бүтүрүүчүлөрдүн билим сапаты жана аларга түзүлүп жаткан шарттар тууралуу сөз болду.   Жалпысынан жалпы республикалык тестирлөөгө 44289 адам катышып, 62 пайызы босого баллдан өттү, бул тууралуу кененирээк радиоберүүнүн катышуучулары КР Билим берүү жана илим министрлигинин өкүлү ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»