Пресс-центр Сүрөт галереясы

03.08.2015

«Эӊ бийик жайлоодо балдардын күлкүсү жаӊырды»

2015 жылдын 27 - июлунан 3 – августуна чейин тартып «Роза Отунбаеванын демилгеси» Эл аралык коомдук фондунун кызматкерлери иш сапары менен Ош жана Жалал-Абад областарында болушту.


Алдын ала белгиленген сапардын программасына ылайык (2015 жылдын 1 августуна чейин) Фонддун кызматкерлери Ош областындагы алты жана Жалал-Абад областындагы эки жайлоо бала бакчага барып келгенге жетишишти. Алардын катарына төмөнкүлөр кирет: Чон Кочкорчу жайлоосундагы «Чон Кочкорчу» жайлоо бала бакчасы, Кош-Дөбө жайлоосундагы «Чак» жайлоо бала бакчасы, Балыкты жайлоосундагы «Жекенди» жайлоо бала бакчасы, Бугу-Баш жайлоосундагы «Кара-Мык» жайлоо бала бакчасы, Каман жайлоосундагы «Кабык» жайлоо бала бакчасы, (Чон-Алай) жана Гульчо айыл өкмөтүндөгү, Чыйырчык жайлоосундагы «Наристе» жайлоо бала бакчасы (Алай, Ош областы), Сузак районуна караштуу Саз жайлоосундагы бала бакчасы, Ала-Бука районунун, Орукту-Сай жайлоосундагы «Арашан» жайлоо бала бакчасы, (Жалал-Абад областы).


Алай жергесинин кайталангыс кооздугу, анын асман тиреген, бийик жана табышмактуу тоолору, жергиликтүү аймактын сулуулугу, түшүмдү көп берүүчү өрөөндөрү, айыктыруучу касиеттерге бай булактары, жагымдуу жана ынгайлуу аба-ырайысы менен тынбай суктанууга болот.


Бугу-Баш – Кыргызстандагы эӊ бийик тоо чокусу жана бул жакта жайлоо бала бакчасы ачылган. Бала бакчаны ачууга жергиликтүү жашоочу, Назараалы уулу Чолпонбай, жардам көрсөткөн. Ал бул жайлоо бала бакчага өз атасынын боз үйүн бекер тартуулаган.


Мындан тышкары Фонддун кызматкерлери Алай жана Чон-Алайдын активдуу чеберлеринин (сайма, оймо, токуу) тиричилиги менен таанышышты. Бул аймактагы ар бир үй-бүлөдө курак, терме жана сайма саюуучу таланттуу аялдар бар.


Жайлоо бала бакчаларда Фонддун аткаруучу директору, Кендирбаева Д.Ш. балдарга элдик жомокторду окуду, ата-энелер менен баланы эрте жашынан тарбиялоонун зарылдыгы жөнүндө баарлашып жана Масару Ибуканын «Үч жаштан кеч» аттуу китебин тааныштырды. Фонддун кызматкери, Мамаева Бегайым, оригами боюнча мастер-класстарды өткөрүп, абага балдардын кыялдары жана тилектери жазылган учактарды кое беришти. Боронбаев Ажимамат Жусупович (ОшМУнун Философия факультетинин доценти) жана Айтбек кызы Саадат (Фонддун кызматкери) балдар менен стратегиялык оюндарды жана бий элементтери менен айкалышкан оюндардын мастер-класстарын көрсөтүштү.


Аселдин окуясы (Орукту Сай жайлоосундагы, «Арашан» жайлоо бала бакчасынын тарбиялануучусу): Уч жаштагы тилинин чыгуусу жана так сүйлөөсү кечеӊдеген Аселдин садикке келүүсү, балдар менен пикир алышуусу сүйлөө жөндөмдүүлүгүнун өнүгүүсүн тездетти. Аселдин апасынын айтымында, кызынын күн сайын бала бакчага келүүсү, башка балдар менен тил табышып аралашуусу анын тилинин өнүктүрүүсунө түрткү берди.


Айрыкча төрт окутуучудан турган топтун 1 июлдан баштап Жалал-Абад жергесиндеги бардык жайлоо бала бакчаларында – өнүгүү борборлору ар кандай мастер-класстарды, өнүктүрүүчүлүк интерактивдүү оюндарды, арт-терапия сыяктуу иш чараларды өткөзүп келгендигин баса белгилегибиз келет. Топтун ишмердүүлүгү Жалал-Абад мамлекеттик университетинин (ЖАМУ) алдындагы Педагогикалык колледжинин директору, Турдубаева Б.М., жетекчилигинин артынан өтүп жатат. Сузак районунун, Саз жайлоосундагы бала бакчада окутуучулардын тобу менен Фонддун кызматкерлери биргеликте балдар менен үйрөтүүчүлүк жана өнүктүрүүчүлүк программаны өткөзүштү.


Жайлоо бала бакчаларга-өнүгүү борборлорго Бакай банк, ЖАК «ФИНКА Банк», МФК "Финансовая Группа Компаньон» ЖАКдор керектөөчү материалдарды (канцелярдык товарлар, китептер, оюнчуктар) сыйлоо жана жайлоо бала бакчаларынын толук кандуу иштөөсүн камсыз кылуучу тренингтерди өткөзүү менен маанилүү жардамды көрсөтүп келишет.


Бардык кездешкен жайлоо бала бакчаларга радио кабылдагычтар жана кыргыз тилиндеги Коомдук телерадиоберүү корпорациянын (КТРК) «Дүйнө элдеринин жомоктору» аттуу фондусунан жазылган аудио жомоктордун топтому таратылды.


Жайлоо бала бакчаларындагы кездешүүлөр Ала-Бука айылдык кеӊешинин депутаты Рысбаев М., жайыт комитетинин төрагасы Арзыматов Н., Ала-Бука районунун билим берүү бөлүмүнүн жектекчиси Акпаралиев С. жана башкалардын катышуусу менен өттү.

 

Кошумча маалыматты 0558678899, 0555332174 телефондору аркылуу жана www.roza.kg сайттынан билсеңиз болот. 

Акыркы жаңылыктар

18.10.2019

Санарипке карай жол

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция жыйынтыкталды.   Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Ош Мамлекеттик университетинде «Санариптештирүү: Дүйнөдө жана Бизде» конференциясы КР экс-Президенти Р.Отунбаеванын катышуусу менен өттү

Үстүбүздөгү жылдын 16-октябрында Ош мамлекеттик университетинин базасында КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өттү. Конференцияга Ош областынан, Ош шаарынан өкүлдөр, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү, ...
17.10.2019

Жалал-Абадда «Санариптештирүү: Дүйнөдө жана Бизде» конференциясы өтүүдө

17-октябрда Жалал-Абад облусунда КР экс-Президенти Роза Отунбаеванын катышуусу менен “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтүүдө. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышууда. Ал эми КР Илимдер академиясынын, КР Маалымат ...
16.10.2019

Санариптешүү жашоону жеңилдетет

Баткен облусунда «Санариптештирүү дүйнөдө жана бизде» аттуу форум уюштурулуп, бул багытта ийгиликтүү иш тажрыйбасы бар мамлекеттик жана менчик мекемелердин өкүлдөрү чогулушту. Иш чарага экс-президенти Роза Отунбаева катышып, жаңы технологияларды күнүмдүк жашоодо кеңири колдонууга үндөдү. https://www.azattyk.org
15.10.2019

Креативдүү программалоо боюнча биринчи олимпиада

Биз креативдүү, ар тараптуу ойлоно алган, жаңы нерсе жаратууга кызыкдар жаштарды өстүрүүгө умтулабыз! Курак: 7-12 жаш Өлкө: Кыргызстан Билдирме калтыруу мөөнөтү 10-ноябрга чейин Программалоо тили: Scratch Окутуу: Олимпиадга даярдоо боюнча акысыз мастер-класстар каралган. Scratch программалоо тили - бул Массачусетс Технологиялык Университетинин (MIT) профессорунун табылгасы. Ал мультфильм, оюн жана анимация жаратуу үчүн универсалдуу платформа. Жөнөкөй жана ...
14.10.2019

18-октябрда Поэзия кечесинин жаңы сезону ачылат! Сиздерди кайрадан Поэзия кечесине чакырабыз! Калтырбаңыздар! Шашылыңыздар!

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акын , сатирачы, КР маданиятына эмгек сиңирген ишмер Жолочу Рысбаев жана Жазуучулар Союзунун “Алтын калем” сыйлыгынын ээси Мая Осмонкулованын чыгармачылыгына арналат жана ал “Жүрөк ...
14.10.2019

Пресс-релиз «Санариптештирүү: Дүйнөдө жана Бизде»

Үстүбүздөгү жылдын 15-16-17-октябрында КР экс-Президенти Роза Отунбаеванын катышуусу менен Жалал-Абад, Ош жана Баткен областтарында “Санариптештирүү: Дүйнөдө жана Бизде” аттуу санариптештирүү процессиндеги дүйнөдөгү жана өлкөбүздөгү жетишкендиктер жана мүмкүнчүлүктөр боюнча конференция өтөт. Конференцияга областтын активдери, мекеме жетекчилери, айыл өкмөт башчылары, агартуу, саламаттык сактоо жана маданий тармагынын өкүлдөрү катышат. КР Илимдер ...
12.10.2019

Чакан гранттар социалдык жактан маанилүү маселелерди чечет

Талас областынын Талас айылында (Манас району) сентябрдын башында демейдегиден башкача долбоор старт алды.   Бул долбоордун алкагында Манас районунун Талас айылындагы ооруканада эски терезелерди энергияны үнөмдөчү жылчыксыз жаңы терезелерге алмаштыруу боюнча иштер аткарылып жатат. Долбоор ФРГнын КРдагы Элчилигинин Калктын аялуу катмарларынын жашоо деңгээлин жакшыртуу боюнча чакан долбоорлору программасынын алкагында ишке ашырылып ...
10.10.2019

«Кыргызстаныбызды окуп-үйрөнөбүз» аттуу билим сандыгы тартууланат

“Роза Отунбаеванын демилгеси” эл аралык коомдук фондунун эко-долбоору 2018-жылы – Аймактарды өнүктүрүү жылы – 5-10 жаш курактагы балдар үчүн "Изучаем наш Кыргызстан" жана "Кыргызстаныбызды кыдырабыз" аттуу кооз иллюстрацияланган китептерди кыргыз жана орус тилдеринде чыгарды. Башкы каармандар Эркинай менен Бекжан жана алардын ата-энесинин саякатына ортоктош болуп, окурман биздин өлкөнүн баардык облустарын кыдырат да, ар кайсы аймактардагы ...
07.10.2019

Билим берүүчү уюмдарга жана китепканаларга «Кыргызстандын илимдеги жана техникадагы айымдары» китеби берилди

4-октябрда Бишкек шаарынын билим берүүчү уюмдарына жана китепканаларына “Кыргызстандын илимдеги жана техникадагы айымдары” китептерин берүү аземи болуп өттү. Китепти АКШнын КРдагы Элчилигинин Демократиялык Комиссиясынын финансылык колдоосу менен «SТЕМ’деги айымдардын мүмкүнчүлүктөрүн кеңейтүү жана ролун жогоурлатуу» долбоорунун алкагында «Роза Отунбаеванын демилгеси» ЭКФ басып чыгарды.   Кыргызстандагы STEM жагынан көрүнүктүү илимпоз ...
04.10.2019

Бүгүн бүт дүйнө жүзү эң сонун жана абдан маанилүү кесиптеги адамдарды кадырлап жатат

Кымбаттуу мугалимдерибиз, мына силердин кесиптик майрамыңар – Мугалимдер күнү кайрадан босогого келип калды!     Силер – маанайы жарык жана таланттуу адамсыңар – силерге адамдар эң баалуу болгон өз балдарын ишенип берет. Силердин акылмандыгыңар жана билимиңер – татыктуу, прогрессивдүү муунду ийгиликтүү тарбиялоонун уюткусу. Силер күн сайын өз билимиңерди жана турмуштук тажрыйбаңарды жаңы муундун акыл-эсине жана жан-дүйнөсүнө жеткирип, ...
01.10.2019

Роза Отунбаева Пенсильвания университетинде жаңы технологияларды жана алардын глобалдык таасирин талкуулоого катышты

Пенсильвания университетинде (АКШ) «Жаңы технологиялар жана алардын глобалдык таасири» темасына илимий семинар болуп өттү. Иш-чарага Кыргызстандын мурдагы Президенти Роза Отунбаева, АКШнын мурдагы мамлекеттик катчысы Джон Керри, АКШнын мурдагы коргоо министри Эшу Картеру, Human Rights Watch’тун аткаруучу директору Кеннет Рот, Uber’дин башкы илимий кызматкери Ракель Уртасун, ошондой эле Пенсильвания университетинин ректору Эми Гутман ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»