Пресс-центр Жаңылыктар

21.05.2019

Шахмат боюнча Азия чемпиону Көлмө конушунун тургундары менен жолугушту

16-майда шахмат боюнча Кыргызстандын бир нече жолку чемпиону, Азиянын чемпиону Айжан Съездбекова менен шахмат, дзюдо боюнча чемпион Алмаз Съездбеков Көлмө жаңы конушунун №78 гимназиянын окуучулары жана тургундары менен жолугушту.

 

Бул жолугушуунун негизги максаты – жаңы конуштун жаштарын шыктандыруу, убактыларын туура пайдаланууга багыт берүү жана кыздарга өзүн өзү коргоого мүмкүнчүлүк түзүп берүү менен ата-энелерге баланын жөндөмүн ачып, ар тараптуу өнүктүрүү боюнча баарлашуу болуп эсептелет.

 

Көлмө конушунун тургундары атайын бул иш чарага арнап боз үй тигип, боорсок сары май менен Айжанды өзгөчө шаң менен тосуп алышты. Мастер класс болот деп уккан тургундар, Коомдук ден соолук комитеттеринин мүчөлөрү, окуучулар да чемпион менен шахмат ойногону келишкен. Балдардын санынан дагы алардын шахматка болгон кызыгуусу бизди айрыкча кубандырды.

 

Иш-чараны “Роза Отунбаеванын демилгеси” Эл аралык коомдук фондунун “Ынтымактуу конуштар” долбоорунун координатор-мобилизатору Чынара Абдыраимакунова балдарга жана ата-энелерине чемпиондордун үй-бүлөсү тууралуу маалымат берип, алардын ийгиликтери кандай жол менен, канчалаган эмгек менен келгендигин айтып өттү.

 

Жалаң чемпиондорду тарбиялап келе жаткан Айжан менен Алмаздын устаты-атасы Съездбек Таштакеев ийгиликтин сырлары тууралуу конуштун тургундарына лекция окуп берип, балдарды убакытты туура колдонууга чакырды.

 

“Балдарым азыр дүйнөдөгү эң кыйын шахматчылар менен интернет аркылуу онлайн ойношот. Интернетти, убакытты дагы эффективдүү жана туура пайдаланышат. Анткени мен убакыт алтындан да, акчадан да кымбат деп айтып келем. Убактыңарды туура колдонгула деп балдарыма дайыма айтуу менен, алар менен бирге шахмат ойноп, жумасына үч жолудан кем эмес дзюдо менен машыгып, спортзалга барып алектенебиз. Убактысын туура пайдаланган ар бир бала, түрдүү бийик ийгиликтерге жетүүгө мүмкүнчүлүгү бар. Мына ушунун далили Айжан. Кызым азыр сегиз жашта, шахматты төрт жашынан тарта таанып баштаган. Беш жашында Монголияда өткөн Азия чемпионатынан шахматтын классика түрүнөн күмүш медал утуп келген. Эми мына Айжан бүгункү күнгө чейин Азиянын 3 жолку чемпиону болсо, Алмаз болсо, шахмат боюнча да, дзюдо боюнча да чемпион болуп отурушат”, - деп белгиледи С.Таштакеев.

 

Чемпион кызыбыз бир убакта 6 адам менен (анын ичинде 10 жаштан 30 жашка чейинки жаштар) шахмат ойноп, баардыгын утуп койду. Оюн өтө кызуу өттү, анткени окуучулар арасында шахматты мыкты ойногон, шахмат боюнча ийримге барган балдар көп болду. Гимназиянын шахмат боюнча чемпиону, Балдардын жана өспүрүмдөрдүн “Сейтек” улуттук борборунун чемпиону дагы Айжандан утулушту. Көлмө конушунун жаштар уюмунун өкүлү Айбек жарым саатка жетпеген убакытта жеңилгендигин моюнуна алып, Айжанга колун сунуп, ыраазычылыгын билдирди. Бир сааттан ашык убакытка чейин акыркы оюнчулардан болуп 6-класстын окуучусу Айтбек уулу Алишер калды, ал эң акыркы болуп калгандыгын сүйүнүч менен кабыл алып, аны биринчиден апасына айтаарын жана Айжандын кубокторун көргөндө эле кандайдыр бир стимул пайда болгондугун айтты.

 

“Мен эки жылдан бери шахмат ойноп келип, мектеп ичинде гана орундарга жетишкем, чет өлкөлөргө да чыккам, бирок орундарга ээ боло элекмин. Чемпион менен ойногон менимче баардыгына эле оор. Мектепте баардыгын утуп жүрүп, сегиз жашар кыздан утулуп калыш мен үчүн кичине өкүнүчтүү”, - деди Алишер.


4-класстын окуучусу Сабыр Ишенов шахматты алты жашынан баштап атасынан үйрөнгөндүгүн, атасын кээде утаарын, бирок Айжандан баары бир утулаарын мындай деп түшүндүрдү: - Чемпиондон баары бир утулам, бирок аракет кылыш керек, ошондо гана өзүңдүн ой максатыңа жетесиң. Эгерде адамда бир пайыз өнөр бар болсо жана 99 пайыз эмгек болсо каалаганыңа жетесиң. Сабыр Айжандын медал, кубокторун көргөндө аябай суктанып, мен дагы ошондой ийгиликтерге жетишип медаль, кубок алсам деген ниет кылганын жашырган жок.


10 неберенин чоң апасы, төрт уулдун апасы Сейиткулова Ханзада Шахмат боюнча мастер класс өтөт дегенди угуп небересин алып келген.

 

“Бүгүнтөн баштап небереме колдоо көрсөтүп, шахмат ийримине берүүгө даяр болуп турам. Неберелеримдин баарынан убакытты текке кетирбей, ар кандай ийримдерге катышкыла деп талап кылам”, - дейт чоң апа.

 

Дзюдо боюнча мастер классты Айжан менен кичинекей Нурсултан көрсөттү. Балдар аябай кызыгуу менен көрүшүп, сүрөткө түшүп жатышты. Конуштун тургундары чемпиондорубузга китептерди белек кылышып, дагы келип турушун суранышты.

 

Бул жолугушуулар “Социалдык жана гендердик теңчиликти илгерилетүү аркылуу ынтымакты бекемдөө” долбоорунун алкагында “Роза Отунбаеванын демилгеси” Эл аралык коомдук фонду тарабынан, ЮНФПА Кыргызстандын колдоосу менен өткөрүлүүдө.

Акыркы жаңылыктар

05.12.2019

«Каректеги жаз » поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР Ардак грамотасынын ээси, КР Улуттук Жазуучулар союзунун мүчөсү Жыпар Акунова жана КР Билим берүүсүнун мыктысы, акын Клара Кичинемолдоеванын чыгармачылыгына арналат жана ал ...
04.12.2019

Роза Отунбаева: Мен элечек кийип, элет деп жүргөндө сынчылар кайда эле?

Кыргызстандын экс-президенти Роза Отунбаеванын Бишкектеги жыйында айылдыктар жөнүндө сүйлөгөн сөзү кызуу талкууга түштү. Би-Би-Си Кыргызстандын экс-президентинин өзү менен ушул темада кенен маек курду. Би-Би-Си: Айылдыктар жөнүндө сүйлөгөн сөзүңүз абдан талаш-талкуу жаратты. Айрымдар сизди туура маселени көтөрдү десе, дагы бирлери сизди эмоцияга алдырып жиберди деп жатышат. Аныгында кандай болду? Р. Отунбаева: Мен абдан олуттуу урбанизация маселесин ...
04.12.2019

Акция! Пенсионерге смартфон тартуула!

Кымбаттуу достор! Жаңы Жылдын алдында «Роза Отунбаеванын демилгеси» эл аралык коомдук фонду Кызыл Жарым Ай жана «Active volunteers» волонтердук уюму менен бирдикте «Пенсионерге смартфон тартуула!» кайрымдуулук акциясын өткөрүп жатат. Акциянын максаты – санариптик процесстерге улуу муунду тартуу жана смартфондорду пайдалануу аркылуу мүмкүнчүлүктөрүн кеңейтүү. Силер тартуулаган, иштеп жаткан абалдагы ар бир смартфон Кызыл Жарым Ай аркылуу аз ...
03.12.2019

«Гений» радиоберүүсү: Ата-энелер үчүн наристелерди эрте жаштан өнүктүрүү үчүн пайдалуу кеңештери менен «Үчтөн кийин кеч» аттуу социалдык тармактарда маалымат баракчасы ачылды

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында “Үчтөн кийин кеч” аттуу маалымат баракчалары жана үч жашка чейинки баланы кандай өнүктүрүү керектиги жөнүндө эксперттер менен маек курдук.  
30.11.2019

Экс-президент Роза Отунбаева окуучулар менен жолугушту

20-ноябрда Бишкек шаарындагы профессор А.Молдокулов атындагы Улуттук инновациялык технологиялар мектеп-лицейинде Кыргыз Республикасынын Экс-президенти Роза Отунбаеванын окуучулар менен жолугушуусу болду. Жолугушуу 5-11-класстардын окуучуларынын алдыңкыларын шыктандыруу максатында уюштурулуп, "Балдарга турмушка багыт берүүдөгү лидерлердин ролу" теманын тегерегинде балдар менен ой-пикир бөлүштү. Р.Отунбаева мультимедиа кабинети, ...
26.11.2019

БАА ЖЕТКИС ТАБЕРИК

Бай терек бой кере бийик өсүшү үчүн тамыры тереңдеши, мөмөлүү дарак бутактары жайкалып, жемиши мол болушу үчүн тамыры кенен жайылышы керек. Бул үчүн багбан кыртышты табигый, нукура азыктар менен багып, семиртиши, бакты бир тамчы да зыяндуу зат кошулбаган мөлтүр тунук суу менен сугарышы зарыл. Өзөгүндө улуттук дөөлөттөр сакталган, эзелки рухий башаттын эскирбес касиети менен каныккан таалим да балдарыбыздын ар тараптан эркин инсан болуп жетилишине ...
25.11.2019

«Балетке билет»: «Балдар филармониясынын» жаңы сезонунда биринчи концерт-презентация өттү

22-ноябрда «Балдар филармониясы» музыкалык-билим берүү программасынын алкагында концерт-презентация өттү. Концерт-презентация Чолпонбек Базарбаев атындагы Бишкек хореографиялык окуу жайынын жайлуу театрында өттү. Презентация жаш көрүүчүлөрдү негизги балет терминдери: фондю, батман, гран-батман, фуэте жана башкалар менен тааныштырды. Андан соң балеттин келечектеги жаш чеберлери өздөрүнүн меймандары үчүн чакан концерт берди. Презентацияны ...
23.11.2019

«Кеч күздөгү кусалык» поэзия кечеси болуп өттү

2019-жылдын 22-ноябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте уюштурган белгилүү акын , КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналган “Кеч күздөгү кусалык ” аттуу поэзия кечеси болуп өттү. Иш чара учурунда акындар ...
22.11.2019

ЖМК биз жөнүндө: Санарип-жаркын келечек!

Ак-Босого конушундагы "Санарип 50+" долбоорунун окуу борборуна бүгүн журналистер баш багышты. Тренер Курманбек Нураков конуштун кадырлуу жаш курагындагы тургундарына санариптик жана каржылык сабаттуулуктун негиздерине үйрөттүдө.
21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...
19.11.2019

«Гений» радиоберүүсү: Мектеп окуучулар альтернативалык онлайн-олимпиадага катыша башташат

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында мектеп окуучулар үчүн биринчи жолу түзүлүп жаткан альтернативалык онлайн-олимпиада жөнүндө маек курдук. Окуучулар онлайн-олимпиадага ушул жылдын декабрь айынан тарта классына, мектебине карабастан катышып өз күчүн, билимин сыноого болот. Альтернативалык онлайн-олимпиаданын максаты жана ага катышуу жолдору ...
14.11.2019

«КЕЧ КҮЗДӨГҮ КУСАЛЫК» поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналат жана ал “Кеч күздөгү ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»