Пресс-центр Жаңылыктар

13.09.2018

Р.И. Отунбаеванын Ош жана Баткен облустарына болгон сапары

2018 жылдын 10 - сентябрында Кыргыз Республикасынын экс-Президенти, “Роза Отунбаеванын демилгеси” эл аралык коомдук фондунун негиздөөчүсү Р.И. Отунбаева Ош Мамлекеттик университетинин жана Ош Гуманитардык Педагогикалык Институтунун окутуучулук-профессордук курамы жана студенттери, “Эрайым” коомдук бирикмесинин, Кыргызстандагы “Энактус”, эң жигердүү, демилгелүү студенттер уюмунун, “СТЕМде кыз келиндердин мүмкүнчүлүктөрүн кеңейтүү жана ролун жогорулатуу” долбоорунун өкүлдөрү менен кездешти.

 

Аталган жогорку окуу жайлар өлкөбүздөгү тарыхы бай, эӊ ири деп эсептелинип, студенттер Оштон гана эмес Жалал-Абад, Баткен облустарынан келип билим алышат.

 

Кездешүүдө Р.И. Отунбаева салтка айлануучу жана системалык түрдө өтүүчү болсун деп билим берүү тармагынын дүйнөдөгү заманбап көрүнүштөрү жөнүндө лекция окуп берди. Ошондой эле ата-мекендик жана дүйнөлүк эмгек рыногунун студенттерге коюлуп жаткан талаптарына, башка өлкөлөр жетишкен ийгиликтерине жана билим берүүнүн учурдагы чакырыктарына, билимдүүлүктүн өзгөчө ролуна басым жасоо менен бирге жакын арадагы мезгил талабы көп тил билген, цифралык технологияларды өздөштүргөн, жогорку коммуникациялык кудурети бар креативдүү инсандар талап кылынып жаткандыгын айтып, окуу менен бирге коомдук иштерди чогуу алып кетүүдөгү коммуникациялык көндүмдөрүн калыптандырууда тыгыз иштөөгө чакырды. Анткени азыркы күндө бүткүл дүйнө атаандаштык жана креативдик экономикага басым жасап жана аны өнүктүрүүдө адистерге ушундай талаптарды коюп жатат.

 

Ал эми мугалимдерге окутуучулук парадигманы кайра карап чыгууга, студенттин алган дипломуна басым жасап белгиленбестен, коомдогу социалдык жоопкерчилиги жогоруу инсандарды тарбиялоодо, мугалимдердин ролу өзгөчө экендигин белгилеп, эл аралык билим берүү системасына кененирээк токтолуп айтып берди. Катышуучулар өздөрүнүн активдүүлүгүн көрсөтүп, кызыккан суроолорун берип, жооп ала алышты.

 

Мазмундуу кездешүүдөн соӊ Р.И. Отунбаева университеттеги акыркы жылдары активдүү жүзөгө ашып жаткан инновациялык иш аракеттери менен бирге жаӊы ачылган Искусство факультетинин имараты, Кыргыз-Кытай факультетинин заманбап окуу имараты менен кенен таанышты, жана студенттердин көргөзмөсүн, ишмердүүлүгүн көрүп, окуу жайдын адистери менен ой бөлүшүп баарлашты.

 

Сапардын биринчи күнү «Роза Отунбаеванын демилгеси» эл аралык коомдук фонду тарабынан ОшМУнун чоӊ жыйындар залында уюштурулган жандуу «Ыр көпүрө» аттуу поэзия кечеси менен аяктады. Поэзия кечесине университеттин студенттери менен мугалидери гана эмес, маданий иш чараларга суусап калган бардык каалочулар катыша алышты. Кеченин көркүн ачып Мирлан Самыйкожо алып барса, акындар Улукбек Омокеев, Зинакан Пасанова, Мелис Маматжанов, Бекмурат Келдибаев сүйүү, Мекен, турмуш темаларына арналган мыкты чыгармаларынан аткарышып келген көрүүчүлөрдүн жан дүйнөсүн гүлдөтүп маанайларын ачышты.

 

11-сентябрь күнү Р.И. Отунбаева бир мезгилде өзү билим алган Ош шаарындагы С.М. Киров атындагы Мектеп-гимназияга келип, мектептин педагогикалык жамааты, ата-энелер жана окуучулар менен жолугушуп, билим берүү тармагындагы акыркы жаӊылыктар тууралуу жана дүйнөлүк тажрыйба менен бөлүшүп, аталган окуу жайдын иштери менен таанышты. Окуу жайдын окуучулары бийлеп, хор ырдап өз өнөрүн тартуулап келген конокторду кубандырышты.

 

Кездешүүдөн соӊ Р.И. Отунбаева “Салтанат” көркөм галереясынын иши менен таанышып, галереянын жетекчиси Салтанат Кайбылдаева менен баарлашты.

 

Ушул эле күнү Р.И. Отунбаева Ош шаарындагы Ноорус Мураталиев аттуу мекендешибиз тарабынан жаңы ачылган “БРИО” кофейнясынын ишин көрүп, жамааты менен баарлашып, кофейняга поэзия кечелерин өткөрүү, китептердин бет ачаарларын жасоо сунуштарын берди.

 

Сапардын жыйынтыгында Р.И. Отунбаева “Чоӊ-Кара” чек ара заставасынын жоокерлери менен кездешүүсү өткөрүлүп, акын Мирлан Самыйкожонун жоокерлерге дем берүүчү ыр саптары окулду.

 

Ал эми 12 - сентябрда Р.И. Отунбаева Баткен Мамлекеттик Университетинде болуп, анын жамааты жана студенттери менен жолугушуп, лекция окуду ошондой эле окуу жайдын иштери менен кененирээк таанышты.


Күндүн экинчи жарымында Баткен шаарында жаңы ачылган облустук «Айгүл-Тоо» тарыхый-маданий музей комплексин көрүп, музей жасап жаткан иштерине жогорку баа берип андан ары «Муз Булак» коругунун ишмердүүлүгү менен таанышты.

 

Ушул эле күнү А.Жайнаков атындагы облустук театрда “Роза Отунбаеванын демилгеси” эл аралык коомдук фонду тарабынан уюштурулган жазуучу Топчугул Шайдуллаеванын чыгармачылыгына арналган “Карегимде Өрүкзар” поэзия кечесине катышты. 

Акыркы жаңылыктар

19.07.2019

Кыргызстанда активист-мигранттар үчүн адамдардын укуктарын алга илгерилетүү боюнча волонтердук иш тууралуу жайкы үйрөтүү лагери өттү

Үстүбүздөгү жылдын 12-июлунда USAIDдин "Адамдын укугу жана кадыр-баркы" долбоорунун алкагында мигранттар үчүн үч күндүк жайкы үйрөтүү лагери Жалал-Абад облусунун Кара-Алма айылында жайгашкан “Кара-Алма” эс алуу жайында өттү. Лагердин максаты – мигранттардын укуктарын алга илгерилетүү боюнча волонтердук иш жөнүндө маалыматты мурдагы мигранттарга берүү.   Лагердин ишине жалпысынан он алты мигрант болгон, коомдук лидер болууга жана коомдун ...
18.07.2019

Кара-Кужур жайлоосунда эко-арт лагери өтөт

2019-жылдын 20-июлунан 28-июлуна чейин Кыргызстандын эң кооз, ак илбирс уялаган, мамыры гүлдөрү жайнаган, атактуу - Кара-Кужур жайлоосунда 20 өспүрүм катышкан эко-арт лагери өтөт. Катышуучулар кино, актердук чеберчилик, живописти үйрөнүү аркылуу экология тууралуу түшүнүк алышат жана бул боюнча өз ойлорун айтууну үйрөнүшөт. Кыздар жана балдар аталган жанрлар боюнча командаларга бөлүнүп алып иштешет. Аларга ХV Казань фестивалында гран прини, «Ак илбирс» ...
18.07.2019

«Гений» радиоберүү: Мектеп бүтүрүүчүлөрдүн жалпы республикалык тестирлөөдө көрсөткөн жыйынтыктары

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында 2019-жылы мектепти аяктаган бүтүрүүчүлөрдүн билим сапаты жана аларга түзүлүп жаткан шарттар тууралуу сөз болду.   Жалпысынан жалпы республикалык тестирлөөгө 44289 адам катышып, 62 пайызы босого баллдан өттү, бул тууралуу кененирээк радиоберүүнүн катышуучулары КР Билим берүү жана илим министрлигинин өкүлү ...
16.07.2019

Жайлоо өнүгүү борборлору жөнүндө документалдык тасма тартылууда

Үстүбүздөгү жылдын 23-27-июндарында Жалал-Абад жана Ош облусунун жайлоолорунда жайгашкан жайлоо өнүгүү борборлорунда тарбияланып жаткан балдар тууралуу белгилүү кинорежиссёр, сценарист, продюсер, «Кыргыз киносу» кинотеатрынын негиздөөчүсү, “Дарак ыры” тасмасынын режиссеру Айбек Дайырбеков документалдык тасма тартты. Тасмага алгачкылардан болуп Жалал-Абад облусунун Ноокен районундагы “Кызыл –Кыштак”, “Нур –Айым” жайлоо өнүгүү ...
15.07.2019

Барскоон жана Сузак айыл аймактарынын жумушчу топтору үч күндүк окутуудан (коучинг) өтүштү

Үстүбүздөгү жылдын 5-7- июлунда Ысык-Көл облусунун, Кара-Ой айылынын Ак-Бермет эс алуу үйүндө үч күндүк окутуу (коучинг) болуп өттү. Окутуунун максаты – эки пилоттук айыл аймактын социалдык-экономикалык өнүгүү программасынын өнүктүрүү приоритеттерине миграция жана гендердик багытты жумушчу топтор жана эксперттер менен биргеликте киргизүү. Окутууга Барскоон жана Сузак айыл аймактарынын жумушчу топтору, гендер, миграция маселелери боюнча ...
11.07.2019

«Ынтымактуу конуштар» долбоор жазуу, аны жактоо боюнча иштешүүдө

Үстүбүздөгү жылдын 9-июлунда “Жаңы конуштарда социалдык жана гендердик теңчиликти бекемдөө аркылуу ынтымакты чыңдоо” долбоорунун алкагында пилоттук болуп кирген Бишкек шаарынын 10 жаңы конуштун жаш лидерлери, коомдук ден соолук комитеттеринин мүчөлөрү, муниципалдык аймактык башкармалыктардын башчыларынын орун басарлары, адистери менен бирге долбоор жазуу аны жактоо боюнча коучинг жолугушуу өттү. Пилоттук МАБ башчылары, өкүлдөрү, жаш лидерлер, ...
09.07.2019

Конкурс жарыяланат

КОНКУРС ЖАРЫЯЛАНАТ  Эко-Арт-Лагерь Кара-Кужур өрөөнү, Кочкор р/ну, Нарын обл 19-28- июль 2019-ж Катышуучуларды кантип тандап алабыз? Айлана-чөйрөнү коргоо, жаратылышка аяр мамиле кылуу жана ак илбирсти сактоо темасындагы макал-лакаптын негизинде сүрөт тартып жана ага аннотация жазып, аны: “Роза Отунбаеванын демилгеси” Эл аралык коомдук фондунун электрондук дарегине 15.07.19 саат 17.00 чейин жибериниздер office@roza.kg Лагерь 12-15 жаш курактагы, жыйырма жаш улан ...
09.07.2019

«Ынтымактуу конуштар» долбоорунун катышуучулары стратегиялык план түзгөндү жана долбоор жазып жактаганды мыкты өздөштүрдү

4-7-июлдарда Ысык-Көлдө «Социалдык жана гендердик теңчиликти илгерилетүү аркылуу ынтымакты бекемдөө» долбооруна кирген Бишкектин 10 жаңы конушунун активдүү катышуучуларына “Долбоордун туруктуулугун камсыз кылуу боюнча стратегиялык пландоо” аттуу темада тренинг өтүлдү. Окутууга Ак-Ордо, Ак-Тилек, Ак-Бата, Бакай-Ата, Жеңиш, Калыс-Ордо, Көлмө, Мурас-Ордо, Рухий-Мурас, Эне-Сай конушунун жаш лидерлери жана коомдук ден соолук комитетинин мүчөлөрү ...
04.07.2019

Кыргызстанда активист-мигранттар үчүн жайкы үйрөтүү лагери өттү

2019-жылдын 27-июнунда USAIDдин "Адамдын укугу жана кадыр-баркы" долбоорунун алкагында мигранттар үчүн үч күндүк жайкы үйрөтүү лагери аяктады. Лагердин ишине он төрт мигрант болгон, коомдук лидер болууга жана коомдун өнүгүшүнө салым кошууга даяр болгон коомдук-активдүү жарандар катышты. Алардын ичинен он эркек жана төрт айым Чүй, Талас, Нарын жана Ысык-Көл облусунан келишти.   Үч күндүн ичинде лагердин катышуучулары өз укугун ишке ашыруудагы ...
30.06.2019

Ретриттин жүрүшүндө «Роза Отунбаеванын демилгеси» ЭКФнын миссиясы аныкталды

21-июндан 24-июнга чейин Ысык-Көлдүн түштүк жээгинде КР экс-президенти, фонддун негиздөөчүсү Роза Отунбаеванын катышуусу менен «Роза Отунбаеванын демилгеси» эл аралык коомдук фондунун кызматкерлери үчүн ретрит өттү.   Фонддун командасы уюштуруучулук жана инсандык өнүгүү призмасы аркылуу өз ишин кайра жүктөөнү жана кайрадан аңдап-түшүнүүнү жүргүзүү максатында ретрит уюштурду. Иш-чара төмөнкүдөй багыттар боюнча жүргүзүлдү:   • Өзүн ...
28.06.2019

Ак-Ордо конушунун балдарына спорттук оюн аянтчасы салынды

Үстүбүздөгү жылдын 28-июнунда Бишкек шаарынын Ак-Ордо жаңы конушунда конуштун жаштарынын демилгеси менен балдар үчүн спорттук жана оюн аянтчасынын ачылыш аземи болуп өттү. Бул жаштардын демилгеси 2018-жылдын май айынан тарта Бишкектин 10 жаңы конушунда Бириккен Улуттар Уюмунун үч агенттиги: ЮНФПА/ЮНИСЕФ/УНП жана «Роза Отунбаеванын демилгеси» Эл аралык коомдук фонду менен биргелешкен «Социалдык жана гендердик теңчиликти илгерилетүү аркылуу ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»